ശ്രീകണ്ഠന്റെ വിജയം ഇടതുകോട്ടയിൽ വിള്ളൽ വീഴ്ത്തി

പാ​ല​ക്കാ​ട്: സി.​പി.​എം പോ​ളി​റ്റ് ബ്യൂ​റോ അം​ഗ​ത്തെ 75,283 വോ​ട്ടി​ന് പ​രാ​ജ​​യ​പ്പെ​ടു​ത്തി യു.​ഡി.​എ​ഫ് സ്ഥാ​നാ​ർ​ഥി വി.​കെ. ശ്രീ​ക​ണ്ഠ​ൻ വീ​ണ്ടും ഇ​ട​തു​കോ​ട്ട​യി​ൽ മൂ​വ​ർ​ണ​ക്കൊ​ടി പാ​റി​ച്ചു. ഒ​രു റൗ​ണ്ടി​ൽ​പോ​ലും പി​ന്നോ​ട്ടു​പോ​വാ​തെ സി.​പി.​എം കോ​ട്ട​യാ​യ ഒ​റ്റ​പ്പാ​ല​ത്തു​ൾ​പ്പെ​ടെ മ​ണ്ഡ​ല​ങ്ങ​ളി​ൽ വ്യ​ക്ത​മാ​യ ഭൂ​രി​പ​ക്ഷം നേ​ടി​യാ​യി​രു​ന്നു ര​ണ്ടാ​മൂ​ഴ​ത്തി​ലേ​ക്ക് ​ശ്രീ​ക​ണ്ഠ​ൻ വ​ഴി​യൊ​രു​ക്കി​യ​ത്.

ഇ​ട​തു​പ​ക്ഷ ഭൂ​രി​പ​ക്ഷ​മാ​ക​ട്ടെ മ​ല​മ്പു​ഴ, ഷൊ​ർ​ണൂ​ർ നി​യ​മ​സ​ഭ മ​ണ്ഡ​ല​ത്തി​ൽ മാ​ത്ര​മൊ​തു​ങ്ങി. പാ​ല​ക്കാ​ട് നി​യ​മ​സ​ഭ മ​ണ്ഡ​ല​ത്തി​ൽ ബി.​ജെ.​പി​ക്ക് പി​റ​കി​ലാ​യി മൂ​ന്നാ​മ​തെ​ത്തു​ക​യും ചെ​യ്തു. യു.​ഡി.​എ​ഫ് കോ​ട്ട​യാ​യ മ​ണ്ണാ​ർ​ക്കാ​ട് മ​ണ്ഡ​ലം മാ​ത്രം ​ശ്രീ​ക​ണ്ഠ​ന് 32,104 വോ​ട്ടി​ന്റെ ഭൂ​രി​പ​ക്ഷം ന​ൽ​കി. മ​ണ്ഡ​ല​ത്തി​ലെ 180 ബൂ​ത്തു​ക​ളി​ൽ 158 ബൂ​ത്തു​ക​ളി​ലും യു.​ഡി.​എ​ഫ് മു​ന്നേ​റി​യ​പ്പോ​ൾ 22 ബൂ​ത്തി​ൽ മാ​ത്ര​മാ​ണ് ഇ​ട​തു​മു​ന്ന​ണി​ക്ക് മു​ന്നേ​റാ​നാ​യ​ത്.

ക​ഴി​ഞ്ഞ തെ​ര​ഞ്ഞെ​ടു​പ്പി​ൽ മ​ണ്ണാ​ർ​ക്കാ​ട് 29,625 വോ​ട്ടി​ന്റെ ഭൂ​രി​പ​ക്ഷ​മാ​യി​രു​ന്നു ന​ൽ​കി​യി​രു​ന്ന​ത്. ന്യൂ​ന​പ​ക്ഷ സ്വാ​ധീ​ന മേ​ഖ​ല​ക​ൾ ഉ​ൾ​ക്കൊ​ള്ളു​ന്ന പ​ട്ടാ​മ്പി മ​ണ്ഡ​ല​ത്തി​ൽ 27,136 വോ​ട്ടി​ന്റെ ഭൂ​രി​പ​ക്ഷം നേ​ടു​ക​യും ചെ​യ്തു. ക​ഴി​ഞ്ഞ തെ​ര​ഞ്ഞെ​ടു​പ്പ് വി​ജ​യ​ത്തേ​ക്കാ​ൾ 9000 വോ​ട്ട് കൂ​ടു​ത​ൽ. ക​ഴി​ഞ്ഞ തെ​ര​ഞ്ഞെ​ടു​പ്പു​പോ​ലെ പാ​ല​ക്കാ​ട് നി​യ​മ​സ​ഭ മ​ണ്ഡ​ല​ത്തി​ൽ 75,283 വോ​ട്ട് ഭൂ​രി​പ​ക്ഷം ശ്രീ​ക​ണ്ഠ​ൻ നേ​ടി ഒ​ന്നാ​മ​തെ​ത്തി​യ​പ്പോ​ൾ തൊ​ട്ടു​പി​റ​കി​ൽ എ​ൻ.​ഡി.​എ സ്ഥാ​നാ​ർ​ഥി സി. ​കൃ​ഷ്ണ​കു​മാ​റാ​യി​രു​ന്നു.

എ. ​വി​ജ​യ​രാ​ഘ​വ​ന് മൂ​ന്നാം സ്ഥാ​നം​കൊ​ണ്ട് തൃ​പ്തി​പ്പെ​ടേ​ണ്ടി​വ​ന്നു. ക​ഴി​ഞ്ഞ നി​യ​മ​സ​ഭ തെ​ര​ഞ്ഞെ​ടു​പ്പി​ൽ 36,603 വോ​ട്ടി​ന്റെ ഭൂ​രി​പ​ക്ഷം നേ​ടി​യ ഷൊ​ർ​ണൂ​ർ മ​ണ്ഡ​ല​ത്തി​ൽ വെ​റും 3751 വോ​ട്ടി​ന്റെ ഭൂ​രി​പ​ക്ഷ​ത്തി​ൽ ഇ​ട​തു​സ്ഥാ​നാ​ർ​ഥി ഒ​തു​ങ്ങി.

2019ലെ ​​തെ​​ര​​ഞ്ഞെ​​ടു​​പ്പി​​ൽ കോ​​ൺ​​ഗ്ര​​സ് സ്ഥാ​​നാ​​ർ​​ഥി​​യാ​​യ വി.​​കെ. ശ്രീ​​ക​​ണ്ഠ​​ൻ 11,637 വോ​​ട്ടു​​ക​​ളു​​ടെ ഭൂ​​രി​​പ​​ക്ഷ​​ത്തി​​ലാ​​ണ് വി​​ജ​​യി​​ച്ച​തെ​ങ്കി​ൽ ഇ​ത്ത​വ​ണ എ​ട്ടി​ര​ട്ടി​യാ​യി. പോ​ളി​റ്റ്ബ്യൂ​റോ അം​ഗ​ത്തി​ന് സം​ഭ​വി​ച്ച ക​ന​ത്ത തോ​ൽ​വി ഇ​ട​തു​പ​ക്ഷ​ത്തി​ന് ആ​ഘാ​ത​മേ​ൽ​പി​ച്ചി​ട്ടു​ണ്ട്.

2021 മേ​യി​ൽ ന​ട​ന്ന നി​യ​മ​സ​ഭ തെ​ര​ഞ്ഞെ​ടു​പ്പി​ൽ പാ​ല​ക്കാ​ട് ലോ​ക്സ​ഭ മ​ണ്ഡ​ല​ത്തി​ലെ മ​ണ്ണാ​ർ​ക്കാ​ട്, പാ​ല​ക്കാ​ട് ഒ​ഴി​ച്ച് ബാ​ക്കി​യു​ള്ള​വ ഇ​ട​തു​പ​ക്ഷം നി​ല​നി​ർ​ത്തി​യി​രു​ന്നു. മു​മ്പ് ര​ണ്ടു ത​വ​ണ പാ​ല​ക്കാ​ട്ട് സ്ഥാ​നാ​ർ​ഥി​യാ​യി​രു​ന്നെ​ങ്കി​ലും ഒ​ന്നി​ലേ​റെ അ​ഭി​പ്രാ​യ​പ്ര​ക​ട​ന​ങ്ങ​ൾ സൃ​ഷ്ടി​ച്ച ‘പ്ര​ശ​സ്തി’​യും എ. ​വി​ജ​യ​രാ​ഘ​വ​ന് വി​ന​യാ​യി. അ​തേ​സ​മ​യം, പാ​ല​ക്കാ​ട് ഉ​ൾ​പ്പെ​ടെ മ​ണ്ഡ​ല​ങ്ങ​ളി​ൽ ബി.​ജെ.​പി മു​പ്പ​തി​നാ​യി​ര​ത്തി​ലേ​റെ വോ​ട്ട് കൂ​ട്ടു​ക​യും ചെ​യ്തു.