റെ​യി​ൽ​വേ​യു​ടെ സൗ​ന്ദ​ര്യ​വ​ത്ക​ര​ണ പദ്ധതി; പു​തു​മോ​ടി​യാ​വാ​ൻ മ​ങ്ക​ര റെ​യി​ൽ​വേ സ്റ്റേ​ഷ​ൻ

മ​ങ്ക​ര: എ​ട്ടു​വ​ർ​ഷം മു​മ്പ് ത​രം​താ​ഴ്ത്ത​പ്പെ​ട്ട മ​ങ്ക​ര റെ​യി​ൽ​വേ സ്റ്റേ​ഷ​ൻ ന​വീ​ക​രി​ക്കു​ന്നു. റെ​യി​ൽ​വേ​യു​ടെ സൗ​ന്ദ​ര്യ​വ​ത്ക​ര​ണ ഭാ​ഗ​മാ​യാ​ണ് ന​വീ​ക​ര​ണം ദ്രു​ത​ഗ​തി​യി​ൽ ന​ട​ത്തു​ന്ന​ത്. വ​ർ​ഷ​ങ്ങ​ളാ​യി കാ​ടു​മൂ​ടി വൃ​ത്തി​ഹീ​ന​മാ​യി കി​ട​ന്ന സ്റ്റേ​ഷ​നാ​ണ് ന​വീ​ക​ര​ണ പാ​ത​യി​ലു​ള്ള​ത്.

കാ​ടു​മൂ​ടി​യ ര​ണ്ടാം ന​മ്പ​ർ പ്ലാ​റ്റ്ഫോം കോ​ൺ​ക്രീ​റ്റ് ചെ​യ്ത് ന​വീ​ക​രി​ക്കു​ന്ന പ്ര​വൃ​ത്തി​ക​ളാ​ണ് ഇ​പ്പോ​ൾ ന​ട​ക്കു​ന്ന​ത്. ഒ​ന്നാം ന​മ്പ​ർ പ്ലാ​റ്റ്ഫോം വീ​തി കൂ​ട്ടി ഒ​രാ​ൾ പൊ​ക്ക​ത്തി​ൽ മ​തി​ൽ കെ​ട്ടി സം​ര​ക്ഷി​ക്കു​ന്ന പ്ര​വൃ​ത്തി​ക​ളും പു​രോ​ഗ​മി​ക്കു​ന്നു​ണ്ട്. സ്റ്റേ​ഷ​നി​ലേ​ക്കു​ള്ള അ​നു​ബ​ന്ധ റോ​ഡ് കാ​ല​ങ്ങ​ളാ​യി ത​ക​ർ​ച്ച​യി​ലാ​യി​രു​ന്നു. വാ​ഹ​ന​ങ്ങ​ൾ വ​രാ​ൻ മ​ടി​ക്കു​ന്ന അ​വ​സ്ഥ​യി​ലാ​യി​രു​ന്നു. 200 മീ​റ്റ​ർ വ​രു​ന്ന റോ​ഡും ന​വീ​ക​രി​ക്കും. കൂ​ടാ​തെ റോ​ഡി​ന​രി​കി​ലൂ​ടെ​യു​ള്ള അ​ഴു​ക്കു​ചാ​ൽ നി​ർ​മാ​ണ​വും പൂ​ർ​ത്തീ​ക​രി​ച്ചി​ട്ടു​ണ്ട്. യാ​ത്ര​ക്കാ​ർ കു​റ​വാ​ണെ​ന്ന കാ​ര​ണ​ത്താ​ൽ ഏ​ഴു വ​ർ​ഷം മു​മ്പ് മ​ങ്ക​ര റെ​യി​ൽ​വേ സ്റ്റേ​ഷ​ൻ ത​രം താ​ഴ്ത്ത​പെ​ട്ടി​രു​ന്നു. സ്റ്റേ​ഷ​ൻ ഓ​ഫി​സ് പൂ​ട്ടി ജീ​വ​ന​ക്കാ​രെ​യെ​ല്ലാം സ്ഥ​ലം മാ​റ്റി​യ​തോ​ടെ​യാ​ണ് മ​ങ്ക​ര റെ​യി​ൽ​വേ സ്റ്റേ​ഷ​ൻ ന​ശാ​ന്മു​ഖ​മാ​യ​ത്.

ടി​ക്ക​റ്റ് വി​ൽ​പ​ന​ക്ക് മാ​ത്ര​മാ​യി ക​രാ​റു​കാ​ര​നെ ഏ​ൽ​പ്പി​ച്ചി​രു​ന്നു. നി​ല​വി​ൽ ആ​റോ​ളം ട്രെ​യി​നു​ക​ൾ ഇ​വി​ടെ നി​ർ​ത്തു​ന്നു​ണ്ട്. വി​ദ്യാ​ർ​ഥി​ക​ൾ അ​ട​ക്ക​മു​ള്ള യാ​ത്ര​ക്കാ​രു​ടെ തി​ര​ക്കും രാ​വി​ലെ ഉ​ണ്ടാ​കാ​റു​ണ്ട്. സ്റ്റേ​ഷ​ൻ സൗ​ന്ദ​ര്യ​വ​ത്ക​രി​ക്കു​ന്ന​തോ​ടെ യാ​ത്ര​ക്കാ​രും വ​ർ​ധി​ക്കു​മെ​ന്നാ​ണ് റെ​യി​ൽ​വേ​യു​ടെ ക​ണ​ക്കു​കൂ​ട്ട​ൽ. സ്റ്റേ​ഷ​നി​ൽ ടി​ക്ക​റ്റ് കൗ​ണ്ട​റ​ട​ക്കം ഒ​രു​ക്കി പ​ഴ​യ​ത് പോ​ലെ പ്ര​വ​ർ​ത്തി​പ്പി​ക്ക​ണ​മെ​ന്നും ന​വീ​ക​രി​ക്കു​ന്ന​തോ​ടെ യാ​ത്ര​ക്കാ​രു​ടെ എ​ണ്ണ​ത്തി​ൽ വ​ർ​ധ​ന​വ് ഉ​ണ്ടാ​വു​മെ​ന്നും പൊ​തു​പ്ര​വ​ർ​ത്ത​ക​ൻ ശം​സു​ദീ​ൻ മ​ങ്ക​ര പ​റ​ഞ്ഞു.