പൂച്ചയെ രക്ഷിക്കാനിറങ്ങിയ ആൾ കിണറിൽ കുടുങ്ങി; രക്ഷകരായി അഗ്നിരക്ഷാസേന
text_fieldsകിണറിൽ പൂച്ചയെ രക്ഷപ്പെടുത്താനിറങ്ങിയ ആളെ ഫയർഫോഴ്സ് രക്ഷിക്കുന്നു
മങ്കര: കിണറിൽ അകപ്പെട്ട പൂച്ചയെ രക്ഷിക്കാൻ ഇറങ്ങിയയാൾക്ക് തിരിച്ചുകയറാൻ സാധിക്കാതെ അവശനിലയിലായതോടെ കോങ്ങാട് ഫയർഫോഴ്സ് എത്തി രക്ഷിച്ചു. ശനിയാഴ്ച പത്തരയോടെയാണ് സംഭവം.
മങ്കര കോട്ടയിൽ കുമാരനാണ് പൂച്ചക്കുട്ടിയെ രക്ഷിക്കാൻ കിണറിലേക്കിറങ്ങിയത്. ഇതിനിടെ കുമാരൻ വഴുതി താഴേക്ക് വീണു. അവശനായ കുമാരനെ നാട്ടുകാർ രക്ഷിക്കാൻ ശ്രമിച്ചെങ്കിലും നടന്നില്ല. ഇതേതുടർന്നാണ് ഫയർഫോഴ്സ് എത്തി ഇദ്ദേഹത്തെ രക്ഷപ്പെടുത്തിയത്.
പൂച്ചക്കുട്ടിയെയും രക്ഷിച്ചു. കോങ്ങാട് ഗ്രെയ്ഡ് അസി. സ്റ്റേഷൻ ഓഫിസർ എ.കെ. ഗിരീഷ് കുമാർ, അസി. സ്റ്റേഷൻ ഓഫിസർ സി.ആർ. ജയകുമാർ, ഫയർ ഓഫിസർമാരായ കെ. ഫാറൂഖ്, എം. ആരിഫ്, കെ. പ്രദീപ്, പി. ഉല്ലാസ്, ഹോംഗാർഡ് വി. മുരളീധരൻ എന്നിവരും നാട്ടുകാരും ചേർന്നാണ് രക്ഷാപ്രവർത്തനം നടത്തിയത്.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.