വൈ​ദ്യു​തി വി​ത​ര​ണം: ഏ​രി​യ​ല്‍ ബ​ഞ്ച് കേ​ബി​ള്‍ സ്ഥാ​പി​ക്ക​ൽ ആ​രം​ഭി​ച്ചു

മ​ണ്ണാ​ര്‍ക്കാ​ട്: ന​ഗ​ര​ത്തി​ലെ വൈ​ദ്യു​തി വി​ത​ര​ണം കാ​ര്യ​ക്ഷ​മ​മാ​ക്കാ​ൻ എ​ച്ച്.​ടി ഏ​രി​യ​ല്‍ ബ​ഞ്ച് കേ​ബി​ള്‍ (എ.​ബി.​സി) സ്ഥാ​പി​ക്കു​ന്ന പ്ര​വൃ​ത്തി​ക​ള്‍ കെ.​എ​സ്.​ഇ.​ബി ആ​രം​ഭി​ച്ചു. തൂ​ണു​ക​ള്‍ സ്ഥാ​പി​ക്ക​ലും ലൈ​ന്‍ മാ​റ്റു​ന്ന​തു​മ​ട​ക്കം അ​നു​ബ​ന്ധ ജോ​ലി​ക​ളാ​ണ് തു​ട​ങ്ങി​യ​ത്. തി​ങ്ക​ളാ​ഴ്ച നെ​ല്ലി​പ്പു​ഴ, ആ​ണ്ടി​പ്പാ​ടം, കെ.​ടി.​എം സ്കൂ​ള്‍ പ​രി​സ​രം, ര​ജി​സ്ട്രാ​ര്‍ ഓ​ഫി​സ് പ​രി​സ​രം എ​ന്നി​വി​ട​ങ്ങ​ളി​ല്‍ 28 പേ​ര​ട​ങ്ങു​ന്ന നാ​ല് സം​ഘ​ങ്ങ​ള്‍ ഇ​ത്ത​രം ജോ​ലി​ക​ളി​ലേ​ര്‍പ്പെ​ട്ടു.

എ​ച്ച്.​ടി ലൈ​നി​ലെ അ​റ്റ​കു​റ്റ​പ​ണി​ക​ള്‍ക്കാ​യി വൈ​ദ്യു​തി വി​ത​ര​ണം നി​യ​ന്ത്രി​ച്ച സാ​ഹ​ച​ര്യം കേ​ബി​ള്‍ സ്ഥാ​പി​ക്കു​ന്ന ജോ​ലി​ക​ള്‍ക്കാ​യി കൂ​ടി മ​ണ്ണാ​ര്‍ക്കാ​ട് ഇ​ല​ക്ട്രി​ക്ക​ല്‍ സെ​ക്ഷ​ന്‍ അ​ധി​കൃ​ത​ര്‍ പ്ര​യോ​ജ​ന​പ്പെ​ടു​ത്തു​ക​യാ​യി​രു​ന്നു. ഘ​ട്ടം​ഘ​ട്ട​മാ​യാ​ണ് പ്ര​വൃ​ത്തി​ക​ള്‍ പൂ​ര്‍ത്തീ​ക​രി​ക്കു​ക. ഇ​തോ​ടെ ന​ഗ​ര​പ​രി​ധി​യി​ലെ 43 ട്രാ​ന്‍സ്ഫോ​മ​റു​ക​ളും എ.​ബി.​സി​യു​ടെ കീ​ഴി​ല്‍ വ​രും. തൂ​ണു​ക​ള്‍ സ്ഥാ​പി​ച്ചു​ക​ഴി​ഞ്ഞ് കേ​ബി​ൾ വ​ലി​ച്ചു​തു​ട​ങ്ങും. ആ​ദ്യം സ​ബ് സ്റ്റേ​ഷ​നി​ല്‍നി​ന്ന് നെ​ല്ലി​പ്പു​ഴ വ​രെ​യാ​ണ് കേ​ബി​ള്‍ സ്ഥാ​പി​ക്കു​ക. ഉ​പ​ഭോ​ക്താ​ക്ക​ള്‍ക്ക് മു​ന്ന​റി​യി​പ്പ് ന​ല്‍കി മാ​ത്ര​മേ തു​ട​ര്‍ദി​വ​സ​ങ്ങ​ളി​ല്‍ പ്ര​വൃ​ത്തി​ക​ള്‍ ന​ട​ത്തു​ക​യു​ള്ളൂ​വെ​ന്നും അ​ധി​കൃ​ത​ര്‍ അ​റി​യി​ച്ചു.

മ​ണ്ണാ​ര്‍ക്കാ​ട് 110 കെ.​വി സ​ബ്‌​സ്റ്റേ​ഷ​നി​ല്‍നി​ന്ന് കു​ന്തി​പ്പു​ഴ വ​രെ മൂ​ന്ന് കി​ലോ​മീ​റ്റ​ര്‍ ദൂ​ര​ത്തി​ലാ​ണ് കേ​ബി​ള്‍ സ്ഥാ​പി​ക്കു​ന്ന​ത്. നി​ല​വി​ലു​ള്ള​വ​ക്ക് പു​റ​മെ പു​തി​യ തൂ​ണു​ക​ളും സ്ഥാ​പി​ക്കു​ന്നു​ണ്ട്. ലൈ​നു​ക​ള്‍ക്ക് മു​ക​ളി​ല്‍ മ​ര​ക്കൊ​മ്പു​ക​ളും മ​റ്റും വീ​ഴു​ന്ന​തു​മൂ​ല​മു​ള്ള വൈ​ദ്യു​തി ത​ട​സ്സം ഒ​ഴി​വാ​ക്കാ​നും വൈ​ദ്യു​തി ലൈ​നി​ല്‍നി​ന്നു​ള്ള അ​പ​ക​ട​ങ്ങ​ൾ കു​റ​ക്കാ​നും ഇ​തി​ലൂ​ടെ സാ​ധി​ക്കും. എ.​ബി കേ​ബി​ള്‍ കൂ​ടാ​തെ ക​വേ​ഡ് ക​ണ്ട​ക്ട​ര്‍ സം​വി​ധാ​ന​വും 12 കി​ലോ​മീ​റ്റ​റോ​ളം ദൂ​ര​ത്തി​ല്‍ സ്ഥാ​പി​ക്കു​ന്നു​ണ്ട്. ന​വം​ബ​റോ​ടെ ഈ ​പ്ര​വൃ​ത്തി​ക​ള്‍ ആ​രം​ഭി​ക്കു​മെ​ന്നാ​ണ് അ​ധി​കൃ​ത​രി​ല്‍നി​ന്ന് ല​ഭ്യ​മാ​കു​ന്ന വി​വ​രം.