കോഴിക്കോട്-പാലക്കാട് ദേ​ശീ​യ​പാ​ത വി​ക​സ​നം; നാ​ട്ടു​ക​ല്‍-​താ​ണാ​വ് റീ​ച്ചി​ൽ സ്ഥ​ല​മേ​റ്റെ​ടു​പ്പി​ൽ​ പു​രോ​ഗ​തി

മ​ണ്ണാ​ര്‍ക്കാ​ട്: സ്ഥ​ല​മേ​റ്റെ​ടു​പ്പി​ലെ കാ​ല​താ​മ​സം പ്ര​തി​സ​ന്ധി​യാ​യ നാ​ട്ടു​ക​ല്‍ മു​ത​ല്‍ താ​ണാ​വ് വ​രെ ദേ​ശീ​യ​പാ​ത 966ലെ ​സ്ഥ​ല​മേ​റ്റെ​ടു​ക്ക​ൽ ന​ട​പ​ടി​ക​ളി​ൽ പു​രോ​ഗ​തി. ഭൂ​വു​ട​മ​ക​ള്‍ക്ക് ന​ഷ്​​ട​പ​രി​ഹാ​ര തു​ക അ​നു​വ​ദി​ക്കാ​നു​ള്ള വി​ചാ​ര​ണ പു​രോ​ഗ​മി​ക്കു​ക​യാ​ണെ​ന്ന്​ അ​ധി​കൃ​ത​ർ അ​റി​യി​ച്ചു.

ദേ​ശീ​യ​പാ​ത ക​ട​ന്നു​പോ​കു​ന്ന 11 വി​ല്ലേ​ജു​ക​ളി​ല്‍നി​ന്നു​ള്ള 366 പേ​രി​ല്‍നി​ന്നാ​ണ് ന​ഷ്​​ട​പ​രി​ഹാ​രം ന​ല്‍കാ​നു​ള്ള അ​പേ​ക്ഷ​ക​ളി​ൽ വി​ചാ​ര​ണ​ ന​ട​ത്തു​ന്ന​ത്. സ്‌​പെ​ഷ​ല്‍ ത​ഹ​സി​ല്‍ദാ​രു​ടെ പാ​ല​ക്കാ​ട് ഓ​ഫി​സി​ലാ​ണ് ഹി​യ​റി​ങ്. പു​തു​പ്പ​രി​യാ​രം -ഒ​ന്ന്, ര​ണ്ട്, മു​ണ്ടൂ​ര്‍ -ഒ​ന്ന്്, ര​ണ്ട്, ക​രി​മ്പ -ഒ​ന്ന്, ര​ണ്ട്, കാ​രാ​കു​റി​ശ്ശി, ത​ച്ച​മ്പാ​റ, കു​മ​രം​പു​ത്തൂ​ര്‍, കോ​ട്ടോ​പ്പാ​ടം -ര​ണ്ട്, പൊ​റ്റ​ശ്ശേ​രി വി​ല്ലേ​ജു​ക​ളി​ലാ​ണ് ഏ​റ്റെ​ടു​ക്കേ​ണ്ട സ്ഥ​ല​ങ്ങ​ൾ. ഈ ​മാ​സം 26 വ​രെ​യാ​ണ് ഹി​യ​റി​ങ്. ഇ​ത് പൂ​ര്‍ത്തി​യാ​കു​ന്ന മു​റ​ക്ക് ന​ഷ്​​ട​പ​രി​ഹാ​രം ന​ല്‍കി ന​ട​പ​ടി​ക​ൾ പൂ​ർ​ത്തി​യാ​ക്കി സ്ഥ​ലം ഏ​റ്റെ​ടു​ക്കു​മെ​ന്ന്​ അ​ധി​കൃ​ത​ർ പ​റ​ഞ്ഞു.

നാ​ലു വ​ര്‍ഷം മു​മ്പ് ആ​രം​ഭി​ച്ച ദേ​ശീ​യ​പാ​ത ന​വീ​ക​ര​ണം ഇ​നി​യും പൂ​ര്‍ത്തി​യാ​കാ​ത്ത​ത് സ്ഥ​ല​മേ​റ്റെ​ടു​പ്പ് ന​ട​പ​ടി​ക​ളി​ലെ കാ​ല​താ​മ​സം കാ​ര​ണ​മാ​ണ്. 173 കോ​ടി രൂ​പ ചെ​ല​വി​ല്‍ 46 കി​ലോ​മീ​റ്റ​റു​ള്ള പാ​ത​യു​ടെ നി​ര്‍മാ​ണാ​ണ​ച്ചു​മ​ത​ല കോ​ഴി​ക്കോ​ട് ആ​സ്ഥാ​ന​മാ​യ ഊ​രാ​ളു​ങ്ക​ല്‍ ലേ​ബ​ര്‍ കോ​ണ്‍ട്രാ​ക്ട് സൊ​സൈ​റ്റി​ക്കാ​ണ്. ആ​കെ 9.2 കി​ലോ​മീ​റ്റ​റി​ലാ​യി 66 ഇ​ട​ങ്ങ​ളി​ലാ​ണ് സ്ഥ​ല​മേ​റ്റെ​ടു​ക്കാ​നു​ള്ള​ത്.

ഇ​വി​ട​ങ്ങ​ളി​ല്‍ പാ​ത ന​വീ​ക​ര​ണം ന​ട​ത്താ​ത്ത​തി​നാ​ല്‍ ക​ഴി​ഞ്ഞ നാ​ല് വ​ര്‍ഷ​ത്തി​നി​ടെ 30ഓ​ളം ത​വ​ണ കു​ഴി​ക​ള്‍ നി​ക​ത്തേ​ണ്ടി വ​ന്ന​താ​യും നാ​ല് കോ​ടി​യോ​ളം രൂ​പ ചെ​ല​വ​ഴി​ക്കേ​ണ്ടി വ​ന്ന​താ​യും ക​രാ​ര്‍ ക​മ്പ​നി വൃ​ത്ത​ങ്ങ​ള്‍ പ​റ​യു​ന്നു. സ്ഥ​ല​മേ​റ്റെ​ടു​പ്പ് പൂ​ർ​ത്തി​യാ​യാ​ലും പ്ര​വൃ​ത്തി​ക​ള്‍ തീ​ര്‍ക്കാ​ന്‍ ഒ​രു വ​ര്‍ഷ​മെ​ങ്കി​ലും വേ​ണ്ടി വ​ന്നേ​ക്കു​മെ​ന്നാ​ണ്​ അ​ധി​കൃ​ത​ർ ക​ണ​ക്കു​കൂ​ട്ടു​ന്ന​ത്.