സ്വ​ത്ത് ത​ർ​ക്കം; സം​ഘ​ർ​ഷ​ത്തി​ൽ 10 പേ​ർ​ക്ക് പ​രി​ക്ക്

മ​ണ്ണാ​ര്‍ക്കാ​ട്: സ്വ​ത്ത് സം​ബ​ന്ധി​ച്ചു​ള്ള ത​ർ​ക്കം സം​ഘ​ർ​ഷ​ത്തി​ൽ ക​ലാ​ശി​ച്ചു. 10 പേ​ർ​ക്ക് പ​രി​ക്കേ​റ്റു. ച​ങ്ങ​ലീ​രി മ​ല്ലി​യി​ലാ​ണ് സം​ഭ​വം. സം​ഘ​ര്‍ഷ​ത്തി​നി​ടെ കാ​റി​ടി​ച്ച് വീ​ഴ്ത്തു​ക​യും വെ​ട്ടി​പ്പ​രി​ക്കേ​ല്‍പ്പി​ച്ച​താ​യും പ​രാ​തി. സം​ഭ​വ​ത്തി​ല്‍ ഇ​രു​കൂ​ട്ട​രു​ടെ​യും പ​രാ​തി​പ്ര​കാ​രം 11 പേ​ര്‍ക്കെ​തി​രെ മ​ണ്ണാ​ർ​ക്കാ​ട് പൊ​ലീ​സ് കേ​സെ​ടു​ത്തു.

മ​ല്ലി​യി​ല്‍ സൈ​ദ് മു​ഹ​മ്മ​ദ് (67), സ​ഹോ​ദ​ര​ന്‍ അ​സീ​സ് (60), സൈ​ദി​ന്റെ ഭാ​ര്യ ഫാ​ത്തി​മ (61) , മ​ക്ക​ളാ​യ ജ​ബ്ബാ​ര്‍ (42), ആ​രി​ഫ് (32), ഹ​നീ​ഫ (36), അ​സീ​സി​ന്റെ മ​ക്ക​ളാ​യ നി​സാം (24), സി​ദ്ദി​ഖ് (32) റ​ഫീ​ക്ക് (30), ഇ​വ​രു​ടെ സു​ഹൃ​ത്ത് സ​മ​ദ് (34)എ​ന്നി​വ​ര്‍ക്കാ​ണ് പ​രി​ക്കേ​റ്റ​ത്. സൈ​ദ് മു​ഹ​മ്മ​ദും അ​സീ​സും ത​മ്മി​ല്‍ കു​ടും​ബ​സ്വ​ത്തി​നെ​ചൊ​ല്ലി ത​ര്‍ക്കം നി​ല​നി​ന്നി​രു​ന്ന​താ​യി പൊ​ലീ​സ് പ​റ​യു​ന്നു. തി​ങ്ക​ളാ​ഴ്ച രാ​ത്രി​യും ഇ​രു​വ​രും​ത​മ്മി​ല്‍ സ​മീ​പ​ത്തെ ക​ട​യു​ടെ മു​ന്നി​ല്‍വ​ച്ച് ആ​ദ്യം ത​ര്‍ക്ക​മു​ണ്ടാ​യി. ഇ​തി​നി​ടെ കാ​റി​ലെ​ത്തി​യ സ​മ​ദ് സൈ​ദി​നേ​യും മ​ക്ക​ളെ​യും ഇ​ടി​ച്ചു​വീ​ഴ്ത്തി​യെ​ന്നാ​ണ് ബ​ന്ധു​ക്ക​ള്‍ പൊ​ലീ​സി​ന് ന​ല്‍കി​യ മൊ​ഴി. അ​ക്ര​മം ത​ട​യാ​നെ​ത്തി​യ​പ്പോ​ള്‍ സൈ​ദി​ന്റെ ഭാ​ര്യ ഫാ​ത്തി​മ​ക്ക് വ​ടി​കൊ​ണ്ട് ത​ല​ക്ക് അ​ടി​യേ​റ്റു. സൈ​ദി​ന് ഇ​ടു​പ്പി​നും തു​ട​ക്കും വാ​ഹ​ന​മി​ടി​ച്ച് പ​രി​ക്കേ​റ്റു. തു​ട​ര്‍ന്ന് ഇ​രു​കൂ​ട്ട​രും ത​മ്മി​ല്‍സം​ഘ​ട്ട​ന​മാ​യി.

ഹ​നീ​ഫ​യു​ടെ ര​ണ്ട് കൈ​യി​ലും കൈ​മു​ട്ടി​നു​മാ​ണ് വെ​ട്ടേ​റ്റ​ത്. ആ​രി​ഫി​ന് വ​ല​തു​ക​ണ്ണി​ന്റെ പു​റ​കി​ലാ​ണ് മ​ര്‍ദ​ന​മേ​റ്റ​ത്. സെ​യ്ദി​ന്റെ മ​ക​ന്‍ ജ​ബ്ബാ​റി​ന് ഇ​രു​മ്പു​വ​ടി കൊ​ണ്ടു​ള്ള അ​ടി​യേ​റ്റ് ത​ല​ക്കും തോ​ളി​നും പ​രി​ക്കു​പ​റ്റി. നി​സാ​മി​ന് വ​ല​തു​തു​ട​യി​ലാ​ണ് വെ​ട്ടേ​റ്റ​ത്. അ​സീ​സി​ന് മു​ഖ​ത്തും ചെ​വി​ക്കും അ​ടി​യേ​റ്റ് പ​രി​ക്കു​ണ്ട്. പ​രി​ക്കേ​റ്റ​വ​ര്‍ താ​ലൂ​ക്ക് ആ​ശു​പ​ത്രി​യി​ലും വ​ട്ട​മ്പ​ല​ത്തെ സ്വ​കാ​ര്യ ആ​ശു​പ​ത്രി​യി​ലും ചി​കി​ത്സ തേ​ടി. സം​ഭ​വ​ത്തി​ല്‍ പൊ​ലീ​സ് വി​ശ​ദ​മാ​യ അ​ന്വേ​ഷ​ണം ന​ട​ത്തി​വ​രി​ക​യാ​ണ്.