വേനല്‍ക്കാല വൈദ്യുതി പ്രതിസന്ധി; മണ്ണാര്‍ക്കാട്ട് പുതിയ ട്രാന്‍സ്‌ഫോര്‍മര്‍ സ്ഥാപിക്കുന്നു

മ​ണ്ണാ​ര്‍ക്കാ​ട്: പു​തി​യൊ​രു ട്രാ​ന്‍സ്‌​ഫോ​ര്‍മ​ര്‍ കൂ​ടി സ്ഥാ​പി​ച്ച് മ​ണ്ണാ​ർ​ക്കാ​ട്ടെ വേ​ന​ൽ​ക്കാ​ല വൈ​ദ്യു​തി പ്ര​തി​സ​ന്ധി പ​രി​ഹ​രി​ക്കാ​ന്‍ വൈ​ദ്യു​തി വ​കു​പ്പി​ന്റെ പ​ദ്ധ​തി. ക​ഴി​ഞ്ഞ​വേ​ന​ലി​ല്‍ രൂ​ക്ഷ​മാ​യ വൈ​ദ്യു​തി പ്ര​തി​സ​ന്ധി​യാ​ണ് നേ​രി​ട്ട​ത്. നെ​ല്ലി​പ്പു​ഴ ആ​ണ്ടി​പ്പാ​ട​ത്തു​ള്ള 110 കെ.​വി സ​ബ്‌​സ്റ്റേ​ഷ​നി​ലാ​ണ് 10 മെ​ഗാ​വാ​ട്ട് ആ​മ്പി​യ​ര്‍ ശേ​ഷി​യു​ള്ള ട്രാ​ന്‍സ്‌​ഫോ​ര്‍മ​ര്‍ സ്ഥാ​പി​ക്കു​ന്ന​ത്. ഇ​തി​ന്റെ പ്ര​വൃ​ത്തി​ക​ള്‍ ന​ട​ന്നു​വ​രി​ക​യാ​ണ്. ര​ണ്ടു​കോ​ടി​യോ​ളം രൂ​പ​യാ​ണ് ചി​ല​വ് ക​ണ​ക്കാ​ക്കു​ന്ന​ത്. ക​ഴി​ഞ്ഞ​വേ​ന​ലി​ൽ പാ​ല​ക്കാ​ട് ജി​ല്ല​യി​ല്‍ വൈ​ദ്യു​തി ഉ​പ​ഭോ​ഗം ഏ​റ്റ​വും കു​തി​ച്ചു​യ​ര്‍ന്ന​ത് മ​ണ്ണാ​ര്‍ക്കാ​ടാ​യി​രു​ന്നു.

ഓ​വ​ര്‍ലോ​ഡ് മൂ​ലം സ​ബ്‌​സ്‌​റ്റേ​ഷ​നി​ലെ ര​ണ്ട് ട്രാ​ന്‍സ്‌​ഫോ​ര്‍മ​റു​ക​ള്‍ ത​ക​രാ​റി​ലാ​യി വൈ​ദ്യു​തി വി​ത​ര​ണം ത​ട​സ്സ​പ്പെ​ട്ടി​രു​ന്നു. അ​ന്ന് നാ​ല് പ​വ​ര്‍ കേ​ബി​ളു​ക​ള്‍ ക​ത്തി​ന​ശി​ച്ച​തി​ലൂ​ടെ കെ.​എ​സ്.​ഇ.​ബി​ക്ക് പ​ത്ത് ല​ക്ഷ​ത്തോ​ളം രൂ​പ​യു​ടെ ന​ഷ്ട​വു​മു​ണ്ടാ​യി. ഇ​തേ തു​ട​ര്‍ന്നാ​ണ് പു​തി​യ ട്രാ​ന്‍സ്‌​ഫോ​ര്‍മ​ര്‍ കൂ​ടി സ്ഥാ​പി​ച്ചാ​ണ് കെ.​എ​സ്.​ഇ.​ബി പ​ദ്ധ​തി​യി​ട്ട​ത്.

നെ​ല്ലി​പ്പു​ഴ മു​ത​ല്‍ കു​ന്തി​പ്പു​ഴ വ​രെ ന​ഗ​ര​ത്തി​ല്‍ ഏ​രി​യ​ല്‍ ബ​ഞ്ച് കേ​ബി​ള്‍ സ്ഥാ​പി​ക്കു​ന്ന​തി​ന് സ​മാ​ന്ത​ര​മാ​യാ​ണ് സ​ബ് സ്‌​റ്റേ​ഷ​നി​ലും ട്രാ​ന്‍സ്‌​ഫോ​ര്‍മ​റി​ന്റെ ജോ​ലി​ക​ള്‍ ന​ട​ക്കു​ന്ന​ത്. പു​തി​യ ട്രാ​ന്‍സ്‌​ഫോ​ര്‍മ​റി​ല്‍നി​ന്ന് 11 കെ.​വി​യു​ടെ മൂ​ന്ന് അ​ധി​ക ഫീ​ഡ​റു​ക​ളാ​ണ് പു​റ​ത്തേ​ക്ക് കൊ​ണ്ടു​വ​രി​ക. ഇ​തി​ലൊ​ന്ന് ന​ഗ​ര​ത്തി​ലു​ള്ള ഏ​രി​യ​ല്‍ ബ​ഞ്ച് കേ​ബി​ളി​ലേ​ക്കും, മ​റ്റു ര​ണ്ടെ​ണ്ണം കാ​ഞ്ഞി​ര​പ്പു​ഴ ചി​റ​ക്ക​ല്‍പ്പ​ടി ഭാ​ഗ​ത്തേ​ക്കും, ച​ങ്ങ​ലീ​രി ഭാ​ഗ​ത്തേ​ക്കു​മു​ള്ള ക​വേ​ര്‍ഡ് ക​ണ്ട​ക്ട​ര്‍ ശൃം​ഖ​ല​യു​മാ​യും ബ​ന്ധി​പ്പി​ക്കും. മ​ണ്ണാ​ര്‍ക്കാ​ടി​ന് പു​റ​മേ സ​ബ്‌​സ്റ്റേ​ഷ​ന് കീ​ഴി​ല്‍ വ​രു​ന്ന കാ​ഞ്ഞി​ര​പ്പു​ഴ, ത​ച്ച​മ്പാ​റ, കു​മ​രം​പു​ത്തൂ​ര്‍ ഇ​ല​ക്ട്രി​ക്ക​ല്‍ സെ​ക്ഷ​നും പു​തി​യ​പ​ദ്ധ​തി ഗു​ണ​ക​ര​മാ​കും. ഡി​സം​ബ​റോ​ടെ പ്ര​വൃ​ത്തി​ക​ള്‍ പൂ​ര്‍ത്തീ​ക​രി​ക്കു​ക​യാ​ണ് ല​ക്ഷ്യം.

നി​ര്‍ദി​ഷ്ട 220 കെ.​വി. സ​ബ്‌​സ്റ്റേ​ഷ​ന്‍ മ​ണ്ണാ​ര്‍ക്കാ​ട് യാ​ഥാ​ര്‍ഥ്യ​മാ​കു​ന്ന​തോ​ടെ വൈ​ദ്യു​തി പ്ര​ശ്‌​ന​ങ്ങ​ള്‍ക്ക് പൂ​ര്‍ണ​മാ​യ പ​രി​ഹാ​ര​മാ​കു​മെ​ന്നാ​ണ് അ​ധി​കൃ​ത​ര്‍ ന​ല്‍കു​ന്ന പ്ര​തീ​ക്ഷ. ഇ​തി​ന് മു​ന്നോ​ടി​യാ​യു​ള്ള താ​ൽ​ക്കാ​ലി​ക പ​രി​ഹാ​ര​മെ​ന്നോ​ണ​മാ​ണ് 10 മെ​ഗാ​വാ​ട്ട് ആ​മ്പി​യ​റി​ന്റെ ട്രാ​ന്‍സ്‌​ഫോ​ര്‍മ​ര്‍ സ​ബ്‌​സ്‌​റ്റേ​ഷ​നി​ല്‍ സ്ഥാ​പി​ക്കു​ന്ന​ത്.