മൂച്ചിതോട്ടം തിരുണ്ടി ലിഫ്റ്റ് ഇറിഗേഷൻ പദ്ധതി നോക്കുകുത്തി

ഒ​റ്റ​പ്പാ​ലം: നി​ര​വ​ധി ക​ർ​ഷ​ക​ർ ജ​ല​സേ​ച​ന​ത്തി​ന് ആ​ശ്ര​യി​ച്ചി​രു​ന്ന മൂ​ച്ചി​തോ​ട്ടം തി​രു​ണ്ടി ലി​ഫ്റ്റ് ഇ​റി​ഗേ​ഷ​ൻ പ​ദ്ധ​തി നോ​ക്കു​കു​ത്തി. അ​മ്പ​ല​പ്പാ​റ പ​ഞ്ചാ​യ​ത്തി​ലെ വീ​ച്ചി​പ്പാ​ടം, പു​ൽ​പ്പാ​റ തു​ട​ങ്ങി​യ പാ​ട​ശേ​ഖ​ര​ങ്ങ​ളി​ലെ ഒ​ന്നും ര​ണ്ടും വി​ള​ക​ളെ ഉ​ണ​ക്ക​ത്തി​ൽ​നി​ന്ന് സം​ര​ക്ഷി​ച്ച ജ​ല​സേ​ച​ന പ​ദ്ധ​തി​ക്കാ​ണ് ഈ ​ഗ​തി​കേ​ട്. ബ്ലോ​ക്ക് പ​ഞ്ചാ​യ​ത്ത് കേ​ര​ള വി​ക​സ​ന പ​ദ്ധ​തി​യി​ൽ ഉ​ൾ​പ്പെ​ടു​ത്തി 2002-03 വ​ർ​ഷ​ത്തി​ലാ​ണ് പ​ദ്ധ​തി സ്ഥാ​പി​ത​മാ​യ​ത്.

തു​ട​ർ​ന്ന് ര​ണ്ട് വ​ർ​ഷ​ത്തി​ലേ​റെ വ​ര​ൾ​ച്ച​യി​ൽ​നി​ന്ന് ക​ർ​ഷ​ക​രെ ക​ര​ക​യ​റ്റി​യ​ത്‌ പ​ദ്ധ​തി​യാ​ണ്. മോ​ട്ടോ​ർ ത​ക​രാ​റി​ലാ​യ​താ​ണ് നി​ശ്ച​ലാ​വ​സ്ഥ​ക്ക് ഇ​ട​യാ​ക്കി​യ​ത്. കു​ടി​ശ്ശി​ക​യു​ടെ പേ​രി​ൽ കെ.​എ​സ്.​ഇ.​ബി വൈ​ദ്യു​തി വി​ച്ഛേ​ദി​ച്ച​തോ​ടെ നാ​ശം പൂ​ർ​ണ​മാ​യി. മോ​ട്ടോ​ർ ത​ക​രാ​ർ പ​രി​ഹ​രി​ച്ചാ​ലും വൈ​ദ്യു​തി കു​ടി​ശ്ശി​ക അ​ട​ക്കാ​തെ പ​മ്പി​ങ് അ​സാ​ധ്യ​മെ​ന്ന കാ​ര​ണം പ​റ​ഞ്ഞ് ബ​ന്ധ​പ്പെ​ട്ട​വ​ർ പ​ദ്ധ​തി​യെ കൈ​യൊ​ഴി​ഞ്ഞു. ഉ​ണ​ക്കു ഭീ​ഷ​ണി നേ​രി​ടാ​നാ​കാ​തെ പ്ര​ദേ​ശ​ത്തെ ഭൂ​രി​ഭാ​ഗം ക​ർ​ഷ​ക​രും നെ​ൽ​കൃ​ഷി ത​ന്നെ ഉ​പേ​ക്ഷി​ച്ചു​തു​ട​ങ്ങി.

കൃ​ഷി ചെ​ല​വ് കൂ​ടി​ക്കൂ​ടി വ​ന്ന​തും നെ​ല്ല് ഉ​ൽ​പാ​ദ​ന​ത്തി​ലെ ക​മ്മി​യും കാ​ട്ടു​പ​ന്നി, മ​യി​ൽ തു​ട​ങ്ങി​യ​വ​യു​ടെ ശ​ല്യ​വും കൃ​ഷി​ഭൂ​മി ത​രി​ശി​ട​ലി​ന് ആ​ക്കം കൂ​ട്ടി. തി​രു​ണ്ടി തോ​ട് മ​ഴ​ക്കാ​ല​ത്ത് ക​ര​ക​വി​യു​ന്ന​തും തോ​ടി​ന് സ​മീ​പ​മു​ള്ള വ​യ​ലു​ക​ളി​ലെ വ​ള​ക്കൂ​റു​ള്ള മ​ണ്ണ് കു​ത്തൊ​ഴു​ക്കി​ൽ ന​ഷ്ട​പ്പെ​ടു​ന്ന​തും കാ​രി​വീ​ട് പാ​ട​ശേ​ഖ​ര​ങ്ങ​ളി​ലെ ക​ർ​ഷ​ക​ർ​ക്ക് ത​ല​വേ​ദ​ന സൃ​ഷ്ടി​ക്കു​ന്നു​മു​ണ്ട്. പ​ഞ്ചാ​യ​ത്തി​ലെ ത​രി​ശ് പാ​ട​ങ്ങ​ൾ ക​ർ​ഷ​ക കൂ​ട്ടാ​യ്മ​ക​ൾ പാ​ട്ട​ത്തി​നെ​ടു​ത്ത് കൃ​ഷി സ​ജീ​വ​മാ​കു​ന്ന കാ​ല​ത്താ​ണ് ഇ​വി​ടെ ക​ർ​ഷ​ക​ർ പ്ര​തി​സ​ന്ധി​യി​ൽ ഉ​ഴ​ലു​ന്ന​ത്. അ​ധി​കൃ​ത​രു​ടെ അ​വ​ഗ​ണ​ന​മൂ​ലം ഒ​ന്ന​ര പ​തി​റ്റാ​ണ്ടാ​യി പ​ദ്ധ​തി​യെ ആ​ശ്ര​യി​ക്കാ​ൻ ക​ഴി​യു​ന്നി​ല്ലെ​ന്ന് ക​ർ​ഷ​ക​ർ പ​റ​യു​ന്നു.

എ​ത്ര​യും വേ​ഗം പ​ദ്ധ​തി പ്ര​വ​ർ​ത്ത​ന​യോ​ഗ്യ​മാ​ക്കാ​നു​ള്ള ന​ട​പ​ടി​ക​ൾ സ്വീ​ക​രി​ക്ക​ണ​മെ​ന്നാ​ണ് ഇ​വ​രു​ടെ ആ​വ​ശ്യം. ഇ​ക്കാ​ര്യം ചൂ​ണ്ടി​ക്കാ​ട്ടി പ​രാ​തി​യും സ​മ​ർ​പ്പി​ച്ച​താ​യി ക​ർ​ഷ​ക​ർ പ​റ​ഞ്ഞു.