ജി​ല്ല വ​നി​ത ശി​ശു ആ​ശു​പ​ത്രി; ശു​ചീ​ക​ര​ണ തൊ​ഴി​ലാ​ളി​ക​ൾ​ക്ക് ശ​മ്പ​ളം ല​ഭി​ച്ചി​ല്ലെ​ന്ന് പ​രാ​തി

പാ​ല​ക്കാ​ട്: ജി​ല്ല വ​നി​ത ശി​ശു ആ​ശു​പ​ത്രി​യി​ൽ ഹോ​സ്പി​റ്റ​ൽ വി​ക​സ​ന സ​മി​തി​യു​ടെ കീ​ഴി​ലു​ള്ള ശു​ചീ​ക​ര​ണ തൊ​ഴി​ലാ​ളി​ക​ൾ​ക്ക് ശ​മ്പ​ളം ല​ഭി​ച്ചി​ല്ലെ​ന്ന് പ​രാ​തി. 20 തൊ​ഴി​ലാ​ളി​ക​ളാ​ണ് ആ​ശു​പ​ത്രി​യി​ൽ ശു​ചീ​ക​ര​ണ പ്ര​വൃ​ത്തി​ക​ൾ ചെ​യ്യു​ന്ന​ത്. ഇ​വ​ർ​ക്ക് ഫെ​ബ്രു​വ​രി​യി​ലെ ശ​മ്പ​ളം ഇ​ത്ര​യും ദി​വ​സ​മാ​യി​ട്ടും ല​ഭി​ച്ചി​ട്ടി​ല്ലെ​ന്നും ദൂ​ര​സ്ഥ​ല​ങ്ങ​ളി​ൽ​നി​ന്നും ജോ​ലി​ക്കെ​ത്തു​ന്ന തൊ​ഴി​ലാ​ളി​ക​ൾ നി​ത്യ​വൃ​ത്തി​ക്ക് ബു​ദ്ധി​മു​ട്ടു​ക​യാ​ണെ​ന്നും ജ​ന​താ​ദ​ൾ എ​സ് പാ​ല​ക്കാ​ട്‌ നി​യോ​ജ​ക​മ​ണ്ഡ​ലം ക​മ്മി​റ്റി പ്ര​സി​ഡ​ന്റും ആ​ശു​പ​ത്രി വി​ക​സ​ന സ​മി​തി അം​ഗ​വു​മാ​യ എ. ​ര​മേ​ഷ് കു​മാ​ർ പ​റ​ഞ്ഞു.

500 രൂ​പ​യാ​ണ് ഇ​വ​രു​ടെ ദി​വ​സ​വേ​ത​നം. ഒ.​പി ടി​ക്ക​റ്റ്, പേ​വാ​ർ​ഡ് തു​ട​ങ്ങി ആ​ശു​പ​ത്രി​യി​ലെ വി​വി​ധ സേ​വ​ന​ങ്ങ​ളി​ൽ​നി​ന്നും ല​ഭി​ക്കു​ന്ന തു​ക​യാ​ണ് ശ​മ്പ​ള​ത്തി​നാ​യി വി​നി​യോ​ഗി​ക്കു​ന്ന​ത്. എ​ന്നാ​ൽ, ഫ​ണ്ടി​ല്ലാ​ത്ത​തു​കൊ​ണ്ടാ​ണ് ശ​മ്പ​ളം വൈ​കു​ന്ന​തെ​ന്നാ​ണ് ആ​ശു​പ​ത്രി അ​ധി​കൃ​ത​രു​ടെ മ​റു​പ​ടി​യെ​ന്ന് ര​മേ​ഷ് കു​മാ​ർ പ​റ​യു​ന്നു.

ക​ഴി​ഞ്ഞ കു​റ​ച്ചു വ​ർ​ഷ​ങ്ങ​ളാ​യി തൊ​ഴി​ലാ​ളി​ക​ൾ​ക്ക് കൃ​ത്യ​മാ​യി ശ​മ്പ​ളം ല​ഭി​ക്കാ​റി​ല്ലെ​ന്ന് പ​റ​യു​ന്നു. കൃ​ത്യ​മാ​യ തീ​യ​തി​യി​ൽ അ​ല്ല ശ​മ്പ​ളം ന​ൽ​കു​ന്ന​ത്. പ​ല​പ്പോ​ഴും മാ​സം പ​കു​തി​യാ​കും. നി​ർ​ധ​ന കു​ടും​ബ​ങ്ങ​ളി​ൽ​നി​ന്നും വ​രു​ന്ന തൊ​ഴി​ലാ​ളി​ക​ളെ ഇ​ത് പ്ര​തി​കൂ​ല​മാ​യി ബാ​ധി​ക്കു​ന്നു. അ​ഞ്ച് മു​ത​ൽ 15 വ​ർ​ഷം​വ​രെ​യാ​യി പ​ണി​യെ​ടു​ക്കു​ന്ന​വ​രു​ണ്ട്. ഈ ​ജോ​ലി മാ​ത്ര​മാ​ണ് ഇ​വ​രു​ടെ ആ​ശ്ര​യം.

പേ​വാ​ർ​ഡ് അ​റ്റ​ൻ​ഡ​റു​ൾ​പ്പെ​ടെ ആ​കെ 40 ജീ​വ​ന​ക്കാ​രാ​ണ് ആ​ശു​പ​ത്രി വി​ക​സ​ന സ​മി​തി​ക്ക് കീ​ഴി​ലു​ള്ള​ത്. ആ​ർ​ക്കും ശ​മ്പ​ളം ല​ഭി​ച്ചി​ട്ടി​ല്ല. സ​ർ​ക്കാ​ർ ആ​രോ​ഗ്യ സ്ഥാ​പ​ന​ങ്ങ​ളി​ലെ ശു​ചി​ത്വം, മാ​ലി​ന്യ പ​രി​പാ​ല​നം, അ​ണു​ബാ​ധ നി​യ​ന്ത്ര​ണം എ​ന്നി​വ വി​ല​യി​രു​ത്തി പ്രോ​ത്സാ​ഹി​പ്പി​ക്കു​ന്ന​തി​ന് വേ​ണ്ടി സ​ർ​ക്കാ​ർ ആ​വി​ഷ്‌​ക​രി​ച്ച ‘കാ​യ​ക​ൽ​പ്പ്’ അ​വാ​ർ​ഡ് നേ​ടി​യി​ട്ടു​ള്ള ആ​ശു​പ​ത്രി​യാ​ണ് ജി​ല്ല വ​നി​ത-​ശി​ശു ആ​ശു​പ​ത്രി. എ​ന്നി​ട്ടും ഈ ​ശു​ചി​ത്വം സം​ര​ക്ഷി​ക്കു​ന്ന​വ​ർ​ക്ക് യ​ഥാ​സ​മ​യം ശ​മ്പ​ളം ന​ൽ​കു​ന്നി​ല്ലെ​ന്നാ​ണ് ആ​ക്ഷേ​പം.

ജി​ല്ല പ​ഞ്ചാ​യ​ത്തി​ന് കീ​ഴി​ലാ​ണ് ആ​ശു​പ​ത്രി പ്ര​വ​ർ​ത്തി​ക്കു​ന്ന​ത്. 18 വ​യ​സ്സ് വ​രെ​യു​ള്ള​വ​ർ​ക്കാ​യു​ള്ള ആ​ശ്വാ​സ​കി​ര​ണം, ഗ​ർ​ഭി​ണി​ക​ൾ​ക്കാ​യു​ള്ള ജെ.​എ​സ്.​​വൈ (ജ​ന​നി സു​ര​ക്ഷ യോ​ജ​ന) തു​ട​ങ്ങി വി​വി​ധ പ​ദ്ധ​തി​ക​ൾ മു​ഖേ​ന​യും എ​ൻ.​എ​ച്ച്.​എം വ​ഴി​യും ആ​ശു​പ​ത്രി​ക്ക് ല​ഭി​ക്കാ​നു​ള്ള തു​ക ഇ​തു​വ​രെ കി​ട്ടാ​ത്ത​തും പ്ര​തി​സ​ന്ധി സൃ​ഷ്ടി​ക്കു​ന്നു. വി​വി​ധ പ​ദ്ധ​തി​ക​ളി​ലാ​യി ഏ​ഴ് കോ​ടി​യോ​ളം രൂ​പ സം​സ്ഥാ​ന സ​ർ​ക്കാ​ർ ആ​ശു​പ​ത്രി​ക്ക് ന​ൽ​കാ​നു​ണ്ട്. തൊ​ഴി​ലാ​ളി​ക​ൾ​ക്കു​ള്ള ശ​മ്പ​ളം എ​ത്ര​യും പെ​ട്ടെ​ന്ന് ന​ൽ​കു​മെ​ന്ന് ആ​ശു​പ​ത്രി അ​ധി​കൃ​ത​ർ അ​റി​യി​ച്ചു.