നഗരസഭയിലെ പരസ്യക്കരാർ; കോ​ൺഗ്രസ് പ്രക്ഷോഭത്തിലേക്ക്

പാ​ല​ക്കാ​ട്: ന​ഗ​ര​ത്തി​ൽ നി​രീ​ക്ഷ​ണ കാ​മ​റ​ക​ളും പോ​ളും ഘ​ടി​പ്പി​ക്കാ​മെ​ന്ന ക​രാ​ർ ലം​ഘി​ച്ച ക​രാ​റു​കാ​ര​നെ​തി​രെ ന​ഗ​ര​സ​ഭ ന​ട​പ​ടി​യെ​ടു​ക്കാ​ത്ത​തി​നെ​തി​രെ കോ​ൺ​ഗ്ര​സ് പ്ര​ക്ഷോ​ഭ​ത്തി​ലേ​ക്ക്. ന​ട​പ​ടി​യെ​ടു​ക്കാ​ത്ത​തി​ന് പി​ന്നി​ൽ ദു​രൂ​ഹ​ത ഉ​ണ്ടെ​ന്നും ബി.​ജെ.​പി ഭ​ര​ണ​സ​മി​തി ന​ഗ​ര​ത്തി​ലെ ജ​ന​ത​യോ​ട് പ​ര​സ്യ​മാ​യി മാ​പ്പ് പ​റ​യ​ണ​മെ​ന്നും പാ​ല​ക്കാ​ട് ബ്ലോ​ക്ക് കോ​ൺ​ഗ്ര​സ് ക​മ്മി​റ്റി പ്ര​സി​ഡ​ന്റ് സി.​വി. സ​തീ​ഷ് ആ​വ​ശ്യ​പ്പെ​ട്ടു.

ക​രാ​ർ കൃ​ത്യ​മാ​യി ന​ട​പ്പാ​ക്കാ​ത്ത​ന​തി​നാ​ൽ കോ​ടി​യു​ടെ ന​ഷ്ട​മാ​ണ് ന​ഗ​ര​സ​ഭ​ക്ക് ഉ​ണ്ടാ​യ​ത്. എ​ന്നി​ട്ടും വീ​ണ്ടും ക​രാ​ർ നീ​ട്ടി ന​ൽ​കാ​നാ​ണ് ഭ​ര​ണ​സ​മി​തി ശ്ര​മി​ക്കു​ന്ന​ത്.

ക​രാ​റു​കാ​ര​നെ​തി​രെ ന​ട​പ​ടി​യെ​ടു​ക്കാ​തി​രു​ന്ന കാ​ല​ത്തും ഇ​ന്ന​ത്തെ ചെ​യ​ർ​പേ​ഴ്സ​ൺ പ്ര​മീ​ള ശ​ശി​ധ​ര​ൻ ആ​യി​രു​ന്നു ഭ​ര​ണ​സ​മി​തി​യു​ടെ ത​ല​പ്പ​ത്ത്.

ന​ഗ​ര​ത്തി​ലെ പ്ര​ധാ​ന ജ​ങ്ഷ​നു​ക​ളാ​യ 43 ഇ​ട​ങ്ങ​ളി​ൽ ട്രാ​ഫി​ക് സം​വി​ധാ​നം ഏ​ർ​പ്പെ​ടു​ത്തി 810 പോ​ളു​ക​ളും കേ​ബി​ൾ വ​ഴി ബ​ന്ധി​പ്പി​ച്ച് ന​ഗ​രം ഒ​ട്ടാ​കെ നി​രീ​ക്ഷ​ണ സം​വി​ധാ​നം ഏ​ർ​പ്പെ​ടു​ത്തി ഡി.​വൈ​എ​സ്.​പി ഓ​ഫി​സി​ൽ ക​ൺ​ട്രോ​ൾ റൂം ​സ്ഥാ​പി​ക്കും എ​ന്നാ​യി​രു​ന്നു ക​രാ​ർ.

2013-14 കാ​ല​ത്ത് നി​ർ​മാ​ണ പ്ര​വൃ​ത്തി​ക​ൾ പു​രോ​ഗ​മി​ച്ചെ​ങ്കി​ലും പി​ന്നീ​ട് ക​രാ​റു​കാ​ര​ൻ താ​ൽ​പ​ര്യം കാ​ട്ടി​യി​ല്ല. 2015 ൽ ​വ​ന്ന ബി.​ജെ.​പി ഭ​ര​ണ​സ​മി​തി ക​രാ​റു​കാ​ര​ന്റെ താ​ൽ​പ​ര്യം സം​ര​ക്ഷി​ച്ച​ത​ല്ലാ​തെ എ​തി​രാ​യി ഒ​ന്നും ചെ​യ്തി​ല്ല. ക​രാ​റു​കാ​ര​നെ​തി​രെ ന​ട​പ​ടി​യെ​ടു​ത്തി​ല്ലെ​ങ്കി​ൽ ശ​ക്ത​മാ​യ സ​മ​ര​പ​രി​പാ​ടി സം​ഘ​ടി​പ്പി​ക്കു​മെ​ന്നും വാ​ർ​ത്ത​കു​റി​പ്പി​ൽ അ​റി​യി​ച്ചു.