നാ​ലാം ദി​വ​സ​വും ഒറ്റപ്പെട്ട് നെ​ല്ലി​യാ​മ്പ​തി

നെ​ല്ലി​യാ​മ്പ​തി: വി​നോ​ദ സ​ഞ്ചാ​ര കേ​ന്ദ്ര​മാ​യ നെ​ല്ലി​യാ​മ്പ​തി തി​ങ്ക​ളാ​ഴ്ച രാ​ത്രി മു​ത​ൽ പു​റം​ലോ​ക​വു​മാ​യി ബ​ന്ധം ഇ​ല്ലാ​തെ കി​ട​ക്കു​ന്നു.

ഉ​രു​ൾ​പൊ​ട്ട​ലി​നെ തു​ട​ർ​ന്ന് നെ​ന്മാ​റ-​നെ​ല്ലി​യാ​മ്പ​തി റോ​ഡി​ൽ 14 സ്ഥ​ല​ങ്ങ​ളി​ൽ മ​ര​വും മ​ണ്ണും വ​ലി​യ പാ​റ​ക്ക​ല്ലു​ക​ളും റോ​ഡി​ൽ കി​ട​ക്കു​ന്നു. കു​ണ്ട​ർ​ച്ചോ​ല മു​ത​ൽ ഇ​രു​മ്പു​പാ​ലാം വ​രെ​യു​ള്ള 10 കി​ലോ​മീ​റ്റ​ർ റോ​ഡി​ൽ നാ​ല് സ്ഥ​ല​ങ്ങ​ളി​ൽ ഇ​പ്പോ​ഴും മ​ണ്ണും ക​ല്ലും മ​ര​ങ്ങ​ളും കു​മി​ഞ്ഞു​കി​ട​ക്കു​ക​യാ​ണ്.

പാ​റ​ക്ക​ല്ലു​ക​ൾ പൊ​ട്ടി​ച്ചാ​ൽ മാ​ത്ര​മേ റോ​ഡി​ൽ​നി​ന്നും നീ​ക്കം​ചെ​യ്യാ​ൻ സാ​ധി​ക്കു. ദു​ര​ന്ത നി​വാ​ര​ണ സം​ഘ​വും പൊ​തു​മ​രാ​മ​ത്ത്, നെ​ല്ലി​യാ​മ്പ​തി നി​വാ​സി​ക​ൾ, ഓ​റ​ഞ്ച് ഫാം ​തൊ​ഴി​ലാ​ളി​ക​ൾ, സ​ന്ന​ദ്ധ പ്ര​വ​ർ​ത്ത​ക​ർ, തോ​ട്ടം തൊ​ഴി​ലാ​ളി​ക​ൾ എ​ന്നി​വ​ർ റോ​ഡി​ലെ ത​ട​സ്സ​ങ്ങ​ൾ ജെ.​സി.​ബി ഉ​പ​യോ​ഗി​ച്ച് മാ​റ്റി​കൊ​ണ്ടി​രി​ക്കു​ന്നു. വ​ലി​യ പാ​റ​ക​ൾ വെ​ടി​മ​രു​ന്ന് ഉ​പ​യോ​ഗി​ച്ച് പൊ​ട്ടി​ക്ക​ുന്നു​ണ്ട്.

കൂ​ടാ​തെ രാ​വി​ലെ വി​വി​ധ വ​കു​പ്പു​ക​ളു​ടെ യോ​ഗം നെ​ല്ലി​യാ​മ്പ​തി പ​ഞ്ചാ​യ​ത്ത് പ്ര​സി​ഡ​ന്റി​ന്റെ ‌നേ​തൃ​ത്തി​ൽ പ​ഞ്ചാ​യ​ത്ത്‌ ഓ​ഫി​സി​ൽ ചേ​ർ​ന്നു. യോ​ഗ​ത്തി​ൽ വ​നം, പൊ​ലീ​സ്, ആ​രോ​ഗ്യ​വ​കു​പ്പ്, റ​വ​ന്യു, എ​ൻ.​ഡി.​ആ​ർ.​എ​ഫ്, പ​ഞ്ചാ​യ​ത്ത്‌ എ​ന്നീ വ​കു​പ്പു​ക​ളി​ൽ​നി​ന്നും ഉ​ദ്യോ​ഗ​സ്ഥ​രും വാ​ർ​ഡ് അം​ഗ​ങ്ങ​ൾ, വി​വി​ധ രാ​ഷ്ട്രീ​യ, ട്രേ​ഡ് യൂ​നി​യ​ൻ നേ​താ​ക്ക​ളും എ​സ്റ്റേ​റ്റ് ഭാ​ര​വാ​ഹി​ക​ളും പ​ങ്കെ​ടു​ത്തു. തു​ട​ർ​ന്ന് പ​ഞ്ചാ​യ​ത്ത്‌, ആ​രോ​ഗ്യ വ​കു​പ്പ്, വ​നം, എ​ൻ.​ഡി.​ആ​ർ.​എ​ഫ്, പൊ​ലീ​സ്, റ​വ​ന്യു എ​ന്നി വ​കു​പ്പു​ക​ളു​ടെ ആ​ഭി​മു​ഖ്യ​ത്തി​ൽ ക​ൺ​ട്രോ​ൾ റൂം ​രൂ​പ​വ​ത്ക​രി​ച്ചു.

മെ​ഡി​ക്ക​ൽ സം​ഘം നെ​ല്ലി​യാ​മ്പ​തി​യി​ൽ ഒ​മ്പ​ത്​ കി​ലോ​മീ​റ്റ​ർ കാ​ൽ​ന​ട​യാ​യി സ​ഞ്ച​രി​ച്ചാ​ണ് എ​ത്തി​യ​ത്

നെ​ല്ലി​യാ​മ്പ​തി: ജി​ല്ല ആ​ശു​പ​ത്രി​യി​ൽ​നി​ന്നും നെ​ന്മാ​റ അ​വൈ​റ്റീ​സ് ആ​ശു​പ​ത്രി​യി​ൽ നി​ന്നു​മാ​യി ര​ണ്ട് മെ​ഡി​ക്ക​ൽ സം​ഘം ഒ​മ്പ​ത്​ കി​ലോ​മീ​റ്റ​ർ കാ​ൽ​ന​ട​യാ​യി സ​ഞ്ച​രി​ച്ച് നെ​ല്ലി​യാ​മ്പ​തി​യി​ൽ എ​ത്തി.

നെ​ല്ലി​യാ​മ്പ​തി​യി​ൽ 20 ഗ​ർ​ഭി​ണി​ക​ൾ ഉ​ണ്ടെ​ന്നാ​ണ് വി​വ​രം. ഇ​വ​രു​ടെ പ​രി​ര​ക്ഷ കൂ​ടി ക​ണ​ക്കി​ലെ​ടു​ത്ത് ഗൈ​ന​ക്കോ​ള​ജി​സ്റ്റി​നെ കൂ​ടി സം​ഘ​ത്തി​ൽ ഉ​ൾ​പ്പെ​ടു​ത്തി. നെ​ന്മാ​റ മ​ണ്ഡ​ല​ത്തി​ലെ പോ​ത്തു​ണ്ടി ഗ​വ. എ​ൽ.​പി സ്കൂ​ളി​ലെ ദു​രി​താ​ശ്വാ​സ​ക്യാ​മ്പ് മ​ന്ത്രി എം.​ബി. രാ​ജേ​ഷ് സ​ന്ദ​ർ​ശി​ച്ചു.

ചെ​റു​നെ​ല്ലി എ​സ്റ്റേ​റ്റി​ൽ​നി​ന്ന് ദു​രി​താ​ശ്വാ​സ ക്യാ​മ്പി​ൽ ക​ഴി​യു​ന്ന 21 ആ​ളു​ക​ളെ​യും സ​ന്ദ​ർ​ശി​ച്ചു.

തു​ട​ർ​ന്ന് വ​യ​നാ​ട്ടി​ലെ ബ​ന്ധു​വീ​ട്ടി​ലേ​ക്ക് പോ​യി കാ​ണാ​താ​യ പോ​ത്തു​ണ്ടി സ്കൂ​ളി​ന് സ​മീ​പ​ത്തെ ജ​സ്റ്റി​ൻ തോ​മ​സി​ന്റെ കു​ടും​ബ​ത്തെ സ​ന്ദ​ർ​ശി​ച്ച് മ​ന്ത്രി ആ​ശ്വ​സി​പ്പി​ച്ചു. തു​ട​ർ​ന്നാ​ണ് നെ​ല്ലി​യാ​മ്പ​തി​യി​ലെ ഉ​രു​ൾ​പൊ​ട്ട​ൽ മേ​ഖ​ല​ക​ൾ സ​ന്ദ​ർ​ശി​ച്ച​ത്.