വേലച്ചൂടിൽ മീനച്ചൂട് മാറി നിന്നു; നെന്മാറ-വല്ലങ്ങി വേല അവിസ്മരണീയം

നെ​ന്മാ​റ: ക​ന​ത്ത മീ​ന​ച്ചൂ​ടി​ലും വ​ര​ണ്ടു​ണ​ങ്ങി​യ വ​ല്ല​ങ്ങി​പാ​ട​ത്തും പൂ​ര​പ്പ​റ​മ്പി​ലു​മാ​യി വേ​ലാ​വേ​ശം വെ​യി​ലി​നൊ​പ്പം ചൊ​വ്വാ​ഴ്ച നി​ന്നു ക​ത്തി​ക്കാ​ളി. ഗ​ജ​വീ​ര​ന്മാ​രു​ടെ അ​ക​മ്പ​ടി​യോ​ടെ​യു​ള്ള മേ​ള​പ്പെ​രു​ക്ക​ത്തി​ൽ ജ​ന​സ​ഹ​സ്രം ഉ​ന്മ​ത്ത​രാ​യി. ഇ​തി​നി​ടെ നെ​ന്മാ​റ​യു​ടെ​യും വ​ല്ല​ങ്ങി​യു​ടെ​യും എ​ഴു​ന്ന​ള്ള​ത്തു​ക​ൾ മു​ഖാ​മു​ഖം നി​ര​ന്ന​തോ​ടെ വേ​ല​പ്പാ​ട​ത്ത് തി​ങ്ങി​നി​റ​ഞ്ഞ പൂ​ര​പ്രേ​മി​ക​ൾ​ക്ക് ഒ​രാ​ണ്ടി​ന്റെ സാ​യൂ​ജ്യം.

കോ​ട​തി ക​യ​റി​ക്കി​ട്ടി​യ അ​നു​മ​തി​യി​ൽ വെ​ടി​ക്കെ​ട്ടി​ന്റെ രൗ​ദ്ര​ത ഹ​ർ​ഷ പു​ള​ക​ങ്ങ​ളോ​ടെ അ​വ​ർ ആ​വാ​ഹി​ച്ച് മ​ട​ങ്ങി. ചൊ​വ്വാ​ഴ്ച രാ​വി​ലെ മു​ത​ൽ ത​ന്നെ ത​ട്ട​ക​മാ​യ നെ​ല്ലി​ക്കു​ള​ങ്ങ​ര ക്ഷേ​ത്ര​ത്തി​ൽ വ​ൻ ഭ​ക്ത​ജ​ന​ത്തി​ര​ക്കാ​യി​. ഉ​ച്ച ക​ഴി​ഞ്ഞേേ​പ്പാ​ൾ പ​ക​ൽ വേ​ല കാ​ണാ​നെ​ത്തി​യ​വ​രെ കൊ​ണ്ട് വ​ല്ല​ങ്ങി​പ്പാ​ടം നി​റ​ഞ്ഞു.

നെ​ന്മാ​റ ദേ​ശ​ത്ത് മ​ന്ദ​ത്ത് നി​ന്നാ​രം​ഭി​ച്ച എ​ഴു​ന്ന​ള്ള​ത്ത് ഉ​ച്ച​യോ​ടെ ടൗ​ണി​ലെ​ത്തി. തി​ട​മ്പേ​റ്റി​യ ഗ​ജ​കേ​സ​രി ചി​റ​ക്ക​ൽ കാ​ളി​ദാ​സ​നെ കാ​ണാ​ൻ ആ​ന​പ്രേ​മി​ക​ൾ ചു​റ്റി​ലും നി​റ​ഞ്ഞു. ചോ​റ്റാ​നി​ക്ക​ര വി​ജ​യ​ൻ​മാ​രാ​രും പ​ഞ്ച​വാ​ദ്യ​സം​ഘ​വും അ​ക​മ്പ​ടി​യു​ണ്ടാ​യി​രു​ന്നു, എ​ഴു​ന്ന​ള്ള​ത്ത് ഗോ​വി​ന്ദ​പു​രം റോ​ഡി​ലൂ​ടെ പോ​ത്തു​ണ്ടി റോ​ഡി​ലു​ള്ള ആ​ന​പ​ന്ത​ലി​ലെ​ത്തി നി​ല​യു​റ​പ്പി​ച്ച​പ്പേ​ൾ സ​മ​യം നാ​ലു​മ​ണി​യാ​യി. തു​ട​ർ​ന്ന് ക​ലാ​മ​ണ്ഡ​ലം ശി​വ​ദാ​സി​ന്റെ മേ​ള​പ്പെ​രു​ക്ക​മ​നു​ഭ​വി​ക്കാ​ൻ മേ​ള​ക്ക​മ്പ​ക്കാ​രു​മെ​ത്തി. ഇ​തേ സ​മ​യം ഗ​ജ​രാ​ജ​ൻ തി​രു​വ​മ്പാ​ടി ചെ​റി​യ ച​ന്ദ്ര​ശേ​ഖ​ര​ൻ വ​ല്ല​ങ്ങി ദേ​ശ​ത്തി​ന്റെ തി​ട​മ്പ് വ​ഹി​ച്ച് എ​ഴു​ന്ന​ള്ള​ത്തി​ന് നേ​തൃ​ത്വം ന​ൽ​കി വ​ല്ല​ങ്ങി ശി​വ​ക്ഷേ​ത്ര​ത്തി​ൽ നി​ന്നും പു​റ​പ്പെ​ട്ടി​രു​ന്നു. അ​യി​ലൂ​ർ അ​ന​ന്ത​നാ​രാ​യ​ണ​ന​ന്റെ പ​ഞ്ച​വാ​ദ്യ​സം​ഘ​വും അ​ക​മ്പ​ടി​യു​ണ്ടാ​യി​രു​ന്നു. വൈ​കീ​ട്ട് നാ​ലോ​ടെ ബൈ​പാ​സ് റോ​ഡി​നു​താ​ഴ​ത്തു​ള്ള വ​യ​ലി​ൽ സ​ജ്ജീ​ക​രി​ച്ച വ​ല്ല​ങ്ങി​യു​ടെ ആ​ന​പ്പ​ന്ത​ലി​ൽ ഗ​ജ​വീ​ര​ന്മാ​ർ അ​ണി​നി​ര​ന്നു.

പാ​ണ്ടി​മേ​ള​ത്തി​ന് മ​ട്ട​ന്നൂ​ർ ശ​ങ്ക​ര​ൻ​കു​ട്ടി മാ​രാ​ർ നേ​തൃ​ത്വം ന​ൽ​കി. നെ​ന്മാ​റ​യു​ടെ​യും വ​ല്ല​ങ്ങി​യു​ടെ​യും എ​ഴു​ന്ന​ള്ള​ത്തു​ക​ൾ മു​ഖാ​മു​ഖം നി​ന്ന് കാ​വു​ക​യ​റാ​ൻ തു​ട​ങ്ങി​യ​തോ​ടെ ബ​ഹു​വ​ർ​ണ​മാ​യ മു​ത്തു പ​തി​ച്ച പ​ട്ടു​ക്കു​ട​ക​ൾ മാ​റ്റി മാ​റ്റി നി​വ​ർ​ത്തി മ​ട​ക്കി ആ​ക​ർ​ഷ​ക​മാ​യ കു​ട​മാ​റ്റ​ത്തി​ന് തു​ട​ക്ക​മാ​യി. വ​ല്ല​ങ്ങി​യു​ടെ​യും നെ​ന്മാ​റ​യു​ടെ​യും കാ​വു​ക​യ​റ്റം പൂ​ർ​ത്തി​യാ​യ ശേ​ഷം പ​ന്ത​ലു​ക​ളി​ൽ തി​രി​ച്ചു​ക​യ​റി​പ്പോ​ഴേ​ക്കും വെ​ടി​ക്കെ​ട്ടാ​രം​ഭി​ച്ചു.

വ​ർ​ണ​ങ്ങ​ൾ ക​ല​ർ​ത്തി​യ അ​മി​ട്ടു​ക​ളും മ​റ്റും ഉ​ൾ​പ്പെ​ടു​ത്തി ആ​ദ്യം വ​ല്ല​ങ്ങി തി​രി​കൊ​ളു​ത്തി. ഒ​ട്ടും പി​റ​കി​ല​ല്ലാ​തെ ജ​ന​സ​ഹ​സ്ര​ങ്ങ​ളെ ആ​വേ​ശം കൊ​ള്ളി​ച്ച് നെ​ന്മാ​റ​യും വെ​ടി​ക്കെ​ട്ട് തു​ട​ങ്ങി. ഒ​ന്നി​നൊ​ന്ന് മെ​ച്ച​മാ​യേ ദേ​ശ​ങ്ങ​ളു​ടെ ക​രി​മ​രു​ന്നി​ന്റെ ക​മ​നീ​യ കാ​ഴ്ച വി​രു​ന്ന് ആ​സ്വ​ദി​ച്ച് വി​വി​ധ ഭാ​ഗ​ത്തു​നി​ന്ന് വേ​ല കാ​ണാ​നെ​ത്തി​യ​വ​ർ വ​ല്ല​ങ്ങി പാ​ട​ത്തു​നി​ന്ന് തി​രി​ച്ച് രാ​ത്രി വേ​ല​ക്കു​ള്ള കോ​പ്പ് കൂ​ട്ടി. ഇ​തോ​ടെ പ​ക​ൽ വേ​ല​ക്ക് വി​രാ​മ​മാ​യി.