പരിശീലനത്തിന് ട്രാക്കില്ല; സ്കൂൾ കായികതാരങ്ങൾ കിതക്കുന്നു

പാ​ല​ക്കാ​ട്: സം​സ്ഥാ​ന-​ദേ​ശീ​യ കാ​യി​ക​മ​ത്സ​ര​ങ്ങ​ളി​ൽ മെ​ഡ​ലു​ക​ൾ നേ​ടി കു​തി​ക്കു​മ്പോ​ഴും പ​രി​ശീ​ല​ന​ത്തി​ന് വേ​ണ്ട​ത്ര സൗ​ക​ര്യ​ങ്ങ​ളി​ല്ലാ​തെ സ്കൂ​ൾ കാ​യി​ക​താ​ര​ങ്ങ​ൾ കി​ത​ക്കു​ന്നു.

സ്വ​ന്ത​മാ​യി ട്രാ​ക്കും പ​രി​ശീ​ല​ന​ത്തി​ന് ആ​വ​ശ്യ​മാ​യ സൗ​ക​ര്യ​ങ്ങ​ളു​മു​ള്ള സ്കൂ​ളു​ക​ൾ ജി​ല്ല​യി​ൽ വി​ര​ലി​ലെ​ണ്ണാ​വു​ന്ന​വേ​യു​ള്ളൂ. പ​റ​ളി ഹൈ​സ്കൂ​ൾ, കോ​ട്ടാ​യി ഹൈ​സ്കൂ​ൾ, ചാ​ത്ത​ന്നൂ​ർ ജി.​എ​ച്ച്.​എ​സ്.​എ​സ്, മാ​രാ​യ​മം​ഗ​ലം ജി.​എ​ച്ച്.​എ​സ്.​എ​സ്, ചി​റ്റി​ല​ഞ്ചേ​രി എം.​എ​ൻ.​കെ.​എം ഹ​യ​ർ സെ​ക്ക​ൻ​ഡ​റി സ്കൂ​ൾ എ​ന്നി​വി​ട​ങ്ങ​ളി​ലാ​ണ് ട്രാ​ക്കും അ​നു​ബ​ന്ധ സൗ​ക​ര്യ​ങ്ങ​ളു​മു​ള്ള​ത്.

അ​ത് ല​റ്റി​ക്സി​ൽ ദേ​ശീ​യ-​അ​ന്ത​ർ​ദേ​ശീ​യ താ​ര​ങ്ങ​ളെ സൃ​ഷ്ടി​ച്ചി​ട്ടു​ള്ള പ​റ​ളി ഹൈ​സ്കൂ​ളി​ൽ 200 മീ​റ്റ​ർ ട്രാ​ക്കാ​ണു​ള്ള​ത്. ഇ​തി​നു​പു​റ​മേ ഫു​ട്ബാ​ൾ ഫീ​ൽ​ഡും നീ​ന്ത​ൽ​കു​ള​വു​മു​ണ്ട്. കോ​ട്ടാ​യി ഹൈ​സ്കൂ​ളി​ൽ 200 മീ​റ്റ​ർ ട്രാ​ക്കി​നു പു​റ​മേ ബാ​സ്ക​റ്റ് ബാ​ൾ കോ​ർ​ട്ടും വോ​ളി​ബാ​ൾ കോ​ർ​ട്ടു​മു​ണ്ട്.

ചാ​ത്ത​ന്നൂ​ർ സ്കൂ​ളി​ൽ 400 മീ​റ്റ​ർ ട്രാ​ക്കാ​ണു​ള്ള​ത്. ആ​റ് ലൈ​ൻ ട്രാ​ക്കാ​ണി​ത്. കൂ​ടാ​തെ ഫു​ട്ബാ​ൾ ഫീ​ൽ​ഡു​മു​ണ്ട്. മാ​രാ​യ​മം​ഗ​ലം സ്കൂ​ളി​ൽ ഫു​ട്ബാ​ൾ ട​ർ​ഫ് ഫീ​ൽ​ഡു​ണ്ട്. ചി​റ്റി​ല​ഞ്ചേ​രി സ്കൂ​ളി​ൽ ആ​ല​ത്തൂ​ർ എം.​എ​ൽ.​എ​യു​ടെ ഫ​ണ്ട് വി​നി​യോ​ഗി​ച്ച് നി​ർ​മി​ച്ചി​ട്ടു​ള്ള മി​നി സ്റ്റേ​ഡി​യം ആ​ണു​ള്ള​ത്.

ബാ​സ്ക്ക​റ്റ് ബാ​ൾ, വോ​ളി​ബാ​ൾ, ഫു​ട്ബാ​ൾ കോ​ർ​ട്ടു​ക​ളു​മു​ണ്ട്. ചു​റ്റും മ​തി​ൽ കെ​ട്ടി ഗാ​ല​റി​യും ഒ​രു​ക്കി​യി​ട്ടു​ണ്ട്. ഇ​വ​യ​ല്ലാ​തെ ജി​ല്ല​യി​ൽ മ​റ്റു സ്കൂ​ളു​ക​ളി​ലൊ​ന്നും കാ​യി​ക പ​രി​ശീ​ല​ന​ത്തി​ന് സൗ​ക​ര്യ​മു​ള്ള മൈ​താ​ന​ങ്ങ​ളി​ല്ല. കെ​ട്ടി​ട​ങ്ങ​ൾ നി​റ​ഞ്ഞ​തും മൈ​താ​ന​ങ്ങ​ൾ കു​റ​യാ​ൻ കാ​ര​ണ​മാ​യി.

പ​രി​മി​ത​മാ​യ സൗ​ക​ര്യ​ങ്ങ​ളി​ലാ​ണ് ജി​ല്ല​യി​ലെ കു​ട്ടി​ക​ൾ മി​ക​ച്ച പ​രി​ശീ​ല​നം ന​ട​ത്തി സം​സ്ഥാ​ന സ്കൂ​ൾ കാ​യി​ക മ​ത്സ​ര​ങ്ങ​ളി​ൽ ഉ​ൾ​പ്പെ​ടെ മെ​ഡ​ലു​ക​ൾ വാ​രി​ക്കൂ​ട്ടു​ന്ന​ത്. നി​ര​വ​ധി പേ​ർ ദേ​ശീ​യ​ത​ല​ത്തി​ലും മെ​ഡ​ലു​ക​ൾ നേ​ടി​യി​ട്ടു​ണ്ട്. പാ​ല​ക്കാ​ട് മെ​ഡി​ക്ക​ൽ കോ​ള​ജി​ലെ സി​ന്ത​റ്റി​ക് ട്രാ​ക്കി​ലും സ്വ​കാ​ര്യ ക്ല​ബു​ക​ളു​ടെ സ​ഹ​ക​ര​ണ​ത്തി​ലു​മാ​ണ് പ​ല കു​ട്ടി​ക​ളും മി​ക​ച്ച പ​രി​ശീ​ല​നം ന​ട​ത്തു​ന്ന​തെ​ന്ന് ജി​ല്ല സ്പോ​ർ​ട്സ് കൗ​ൺ​സി​ൽ അ​ധി​കൃ​ത​ർ പ​റ​യു​ന്നു.

ജി​ല്ല​യു​ടെ പ​ല ഭാ​ഗ​ങ്ങ​ളി​ൽ​നി​ന്നും കാ​യി​ക​താ​ര​ങ്ങ​ൾ പാ​ല​ക്കാ​ട് മെ​ഡി​ക്ക​ൽ കോ​ള​ജി​ൽ പ​രി​ശീ​ല​ന​ത്തി​നെ​ത്താ​റു​ണ്ട്. എ​ന്നാ​ൽ, 2015ൽ ​നി​ർ​മി​ച്ച ട്രാ​ക്കി​ൽ വേ​ണ്ട​വി​ധ​ത്തി​ൽ പ​രി​പാ​ല​നം ന​ട​ക്കു​ന്നി​ല്ലെ​ന്നും ആ​രോ​പ​ണ​മു​ണ്ട്. അ​ടി​സ്ഥാ​ന​സൗ​ക​ര്യ​ങ്ങ​ളു​മി​ല്ല. ജി​ല്ല​യി​ലെ കാ​ലാ​വ​സ്ഥ​യും ട്രാ​ക്കി​ന്‍റെ ഗു​ണ​മേ​ന്മ​യെ പ്ര​തി​കൂ​ല​മാ​യി ബാ​ധി​ക്കു​ന്നു​ണ്ട്.

സ്ഥ​ല​പ​രി​മി​തി​യാ​ണ് സ്കൂ​ളു​ക​ളി​ൽ ഗ്രൗ​ണ്ടു​ക​ൾ ഒ​രു​ക്കു​ന്ന​തി​ന് നേ​രി​ടു​ന്ന പ്ര​ധാ​ന ത​ട​സ്സം. ഉ​ള്ള ചെ​റി​യ സ്ഥ​ല​ത്തു​പോ​ലും കെ​ട്ടി​ട​ങ്ങ​ൾ ഉ​യ​രു​ന്ന​തി​നാ​ൽ മൈ​താ​ന​ങ്ങ​ൾ കു​റ​ഞ്ഞു​വ​രു​ന്നു. സ്കൂ​ളു​ക​ളി​ൽ കാ​യി​ക​പ​രി​ശീ​ല​ന​ത്തി​ന് നി​ർ​ബ​ന്ധ​മാ​യും മൈ​താ​ന​ങ്ങ​ൾ വേ​ണ​മെ​ന്ന് ജി​ല്ല സ്പോ​ർ​ട്സ് കൗ​ൺ​സി​ൽ അ​ധി​കൃ​ത​ർ പ​റ​യു​ന്നു.

ജി​ല്ല​യി​ൽ ആ​യി​ര​ത്തി​ലേ​റെ സ്കൂ​ളു​ക​ൾ

ജി​ല്ല​യി​ൽ ലോ​വ​ർ പ്രൈ​മ​റി മു​ത​ൽ ഹ​യ​ർ സെ​ക്ക​ൻ​ഡ​റി വ​രെ ആ​കെ 1003 സ്കൂ​ളു​ക​ളാ​ണു​ള്ള​ത്. മൂ​ന്ന് ടെ​ക്നി​ക്ക​ൽ സ്കൂ​ളു​ക​ളു​മു​ണ്ട്. ഹ​യ​ർ സെ​ക്ക​ൻ​ഡ​റി വി​ഭാ​ഗ​ത്തി​ൽ എം.​ആ​ർ.​എ​സും വി.​എ​ച്ച്.​എ​സ്.​എ​സും ഉ​ൾ​പ്പെ​ടെ 67 സ്കൂ​ളു​ക​ളാ​ണു​ള്ള​ത്. ഹൈ​സ്കൂ​ൾ വി​ഭാ​ഗ​ത്തി​ൽ 78 സ​ർ​ക്കാ​ർ സ്കൂ​ളു​ക​ളും സ്വ​കാ​ര്യ എ​യ്ഡ​ഡ് വി​ഭാ​ഗ​ത്തി​ൽ 96 സ്കൂ​ളു​ക​ളും സ്വ​കാ​ര്യ അ​ൺ​എ​യ്ഡ​ഡ് വി​ഭാ​ഗ​ത്തി​ൽ 42 സ്കൂ​ളു​ക​ളും ജി​ല്ല​യി​ലു​ണ്ട്.