ഓണമുണർന്ന് വിപണി

പാ​ല​ക്കാ​ട്: ഓ​ണ​ത്തി​ന് ആ​ഴ്ച​ക​ൾ മാ​ത്രം ബാ​ക്കി​യി​രി​ക്കെ വി​പ​ണി​യി​ൽ തി​ര​ക്കേ​റു​ന്നു. വ​സ്ത്ര​ശാ​ല​ക​ൾ, ഗൃ​ഹോ​പ​ക​ര​ണ സ്ഥാ​പ​ന​ങ്ങ​ൾ, പ​ച്ച​ക്ക​റി, പ​ല​ച​ര​ക്ക് ക​ട​ക​ൾ തു​ട​ങ്ങി​യ​വ സ​ജീ​വ​മാ​ണ്. പ്ര​ധാ​ന ഭ​ക്ഷ​ണ​ശാ​ല​ക​ളി​ൽ ഓ​ണ​സ​ദ്യ​ക്കു​ള്ള ബു​ക്കി​ങ് ആ​രം​ഭി​ച്ചു. സാ​ധാ​ര​ണ​ക്കാ​ർ​ക്ക്‌ വി​ല​ക്കു​റ​വി​ൽ സാ​ധ​ന​ങ്ങ​ൾ ല​ഭ്യ​മാ​ക്കാ​ൻ ക​ൺ​സ്യൂ​മ​ർ​ഫെ​ഡ്‌, സ​പ്ലൈ​കോ, ഹോ​ർ​ട്ടി​കോ​ർ​പ്‌, കു​ടും​ബ​ശ്രീ എ​ന്നി​വ​യു​ടെ നേ​തൃ​ത്വ​ത്തി​ൽ ഓ​ണ​വി​പ​ണി ഉ​ട​ൻ സ​ജീ​വ​മാ​കും.

ഓ​ണ​ക്കോ​ടി​ക്ക് ​തി​ര​ക്ക്

വ​സ്‌​ത്ര, ഗൃ​ഹോ​പ​ക​ര​ണ വ്യാ​പാ​ര സ്ഥാ​പ​ന​ങ്ങ​ളി​ലാ​ണ് കൂ​ടു​ത​ൽ തി​ര​ക്ക്. ഉ​പ​ഭോ​ക്താ​ക്ക​ളെ ആ​ക​ർ​ഷി​ക്കാ​ൻ വ​ൻ ഓ​ഫ​റു​ക​ളും സ​മ്മാ​ന​ങ്ങ​ളു​മാ​ണ് പ​ല സ്ഥാ​പ​ന​ങ്ങ​ളും പ്ര​ഖ്യാ​പി​ച്ചി​ട്ടു​ള്ള​ത്. വി​ൽ​പ​ന ഉ​യ​ർ​ന്ന​തോ​ടെ കൂ​ടു​ത​ൽ സ്റ്റോ​ക്ക് എ​ത്തി​ക്കാ​നു​ള്ള ശ്ര​മ​ത്തി​ലാ​ണ് വ്യാ​പാ​രി​ക​ൾ. വ​രും​ദി​വ​സ​ങ്ങ​ളി​ൽ തി​ര​ക്ക് വ​ർ​ധി​ക്കാ​ൻ സാ​ധ്യ​ത​യു​ള്ള​തി​നാ​ൽ പ​ല സ്ഥാ​പ​ന​ങ്ങ​ളി​ലും കൂ​ടു​ത​ൽ ജീ​വ​ന​ക്കാ​രെ നി​യ​മി​ച്ചി​ട്ടു​ണ്ട്. വി​ദ്യാ​ഭ്യാ​സ സ്ഥാ​പ​ന​ങ്ങ​ളി​ലും ഓ​ഫി​സി​ലും സം​ഘ​ടി​പ്പി​ക്കു​ന്ന ഓ​ണാ​ഘോ​ഷ​ത്തി​ന്റെ ഭാ​​ഗ​മാ​യി പൂ​ക്ക​ള​മൊ​രു​ക്കാ​ൻ പൂ​വി​പ​ണി​യും സ​ജീ​വ​മാ​ണ്. അ​യ​ൽ സം​സ്ഥാ​ന​ങ്ങ​ളി​ൽ നി​ന്നാ​ണ് പൂ​ക്ക​ൾ കൂ​ടു​ത​ലാ​യി എ​ത്തു​ന്ന​ത്. സ​ദ്യ​ക്കു​ള്ള ഇ​ല​യും പ​ച്ച​ക്ക​റി​യും വി​ൽ​ക്കു​ന്ന ന​​ഗ​ര​ത്തി​ലെ പ്ര​ധാ​ന വ്യാ​പാ​ര​കേ​ന്ദ്ര​മാ​യ വ​ലി​യ അ​ങ്ങാ​ടി​യും പ​തി​യെ സ​ജീ​വ​മാ​വു​ക​യാ​ണ്. ബേ​ക്ക​റി​യി​ലും കു​ടും​ബ​ശ്രീ യൂ​നി​റ്റു​ക​ളു​ടെ നേ​തൃ​ത്വ​ത്തി​ലും ചി​പ്സ്, ശ​ർ​ക്ക​ര​വ​ര​ട്ടി വി​ൽ​പ​ന ത​കൃ​തി​യാ​ണ്.

വ്യാ​പാ​രി​ക​ൾ പ്ര​തീ​ക്ഷ​യി​ൽ

ക​ട​ക​ളി​ലെ​ല്ലാം ഓ​ഫ​റു​ക​ളു​ടെ പെ​രു​മ​ഴ​ക്കാ​ല​മാ​ണ്‌. ഉ​ൽ​പ​ന്ന​ങ്ങ​ൾ​ക്ക്‌ ആ​ക​ർ​ഷ​ക​മാ​യ ഡി​സ്‌​ക്കൗ​ണ്ടു​മു​ണ്ട്‌. വ​സ്‌​ത്ര വി​പ​ണി​യി​ലും ഇ​ല​ക്‌​ട്രോ​ണി​ക്‌​സ്‌ മേ​ഖ​ല​യി​ലു​മാ​ണ്‌ ആ​വ​ശ്യ​ക്കാ​രേ​റെ. ബോ​ണ​സ്‌ കാ​ല​മാ​യ​തി​നാ​ലും ഗൃ​ഹോ​പ​ക​ര​ണ​ങ്ങ​ളും ആ​ഭ​ര​ണ​ങ്ങ​ളും കൂ​ടു​ത​ൽ വി​റ്റ​ഴി​യു​ന്ന​തി​നാ​ലും വ​ൻ പ്ര​തീ​ക്ഷ​യി​ലാ​ണ്‌ വ്യാ​പാ​രി​ക​ൾ. ഖാ​ദി - കൈ​ത്ത​റി മേ​ള​ക​ൾ​ക്ക്‌ പ​ല​യി​ട​ങ്ങ​ളി​ലും തു​ട​ക്ക​മാ​യി. ജി.​എ​സ്‌.​ടി നി​ബ​ന്ധ​ന​ക​ളി​ൽ അ​ടി​ക്ക​ടി​യു​ണ്ടാ​വു​ന്ന മാ​റ്റ​ങ്ങ​ളും ഓ​ൺ​ലൈ​ൻ വ്യാ​പാ​ര​വും വെ​ല്ലു​വി​ളി ഉ​യ​ർ​ത്തു​ന്നു​ണ്ടെ​ങ്കി​ലും പ്ര​തി​സ​ന്ധി​ക​ളെ​യെ​ല്ലാം ത​ര​ണം ചെ​യ്യു​ന്ന​തി​നു​ള്ള ത​യാ​റെ​ടു​പ്പി​ലാ​ണ്‌ വ്യാ​പാ​രി​ക​ൾ. ഓ​ണ​ക്കാ​ല​ത്ത്‌ ക​ച്ച​വ​ട​ത്തി​ൽ 40 - 45 ശ​ത​മാ​നം വ​ർ​ധ​ന​യു​ണ്ടാ​കു​മെ​ന്നാ​ണ്‌ ഇ​വ​രു​ടെ പ്ര​തീ​ക്ഷ.