ഓ​ണത്തെ വ​ര​വേ​ൽ​ക്കാ​ൻ ഓ​ണ​ത്ത​പ്പ​നും റെ​ഡി

പാ​ല​ക്കാ​ട്: ഓ​ണ​ത്തി​ന്‍റെ ഗ​ത​കാ​ല സ്മ​ര​ണ​ക​ളി​ൽ ആ​ദ്യം ഓ​ടി​യെ​ത്തു​ന്ന ചി​ത്ര​ങ്ങ​ളാ​ണ് മു​റ്റ​ത്തെ പൂ​ക്ക​ള​വും ന​ടു​വി​ലെ ഓ​ണ​ത്ത​പ്പ​നും. ക​ളി​മ​ണ്ണി​ൽ കു​ഴ​ച്ചു​ണ്ടാ​ക്കി​യ ഓ​ണ​ത്ത​പ്പ​ൻ നാ​ട്ടി​ൻ​പു​റ​ങ്ങ​ളി​ലെ മു​റ്റ​ങ്ങ​ളി​ൽ ഒ​ഴി​ച്ചു​കൂ​ടാ​നാ​വാ​ത്ത കാ​ഴ്ച​യാ​ണ്. തൃ​ക്കാ​ക്ക​ര​പ്പ​ൻ, മാ​തേ​വ​ർ എ​ന്നി​ങ്ങ​നെ പ്രാ​ദേ​ശി​ക​മാ​യി വി​വി​ധ പേ​രു​ക​ളി​ൽ അ​റി​യ​പ്പെ​ടു​ന്ന ഓ​ണ​ത്ത​പ്പ​നെ ആ​ചാ​രാ​നു​ഷ്ഠാ​ന​ങ്ങ​ളോ​ടെ​യാ​ണ് മു​റ്റ​ത്ത് പ്ര​തി​ഷ്ഠി​ക്കു​ക. ക​ന​ത്ത മ​ഴ​യു​ണ്ടെ​ങ്കി​ലും ന​ഗ​ര​ത്തി​ലെ വ​ഴി​യോ​ര വാ​ണി​ഭ​ങ്ങ​ളി​ൽ ഓ​ണ​ത്ത​പ്പ​നും സ്ഥാ​നം പി​ടി​ച്ചു​ക​ഴി​ഞ്ഞു. നാ​ല് ചെ​റി​യ രൂ​പ​വും മൂ​ന്ന് വ​ലി​യ രൂ​പ​വും ഇ​വ വെ​ക്കാ​നു​ള്ള പീ​ഠ​വും ഉ​ൾ​പ്പെ​ടെ ഒ​രു സെ​റ്റ് ആ​യാ​ണ് ഓ​ണ​ത്ത​പ്പ​ൻ വി​ൽ​പ​ന​ക്ക് ത​യാ​റാ​യി​ട്ടു​ള്ള​ത്. 250 രൂ​പ മു​ത​ലാ​ണ് വി​ല. ഓ​ണ​ത്തി​ന് ഒ​ന്ന​ര മാ​സം മു​മ്പ് ത​ന്നെ ഓ​ണ​ത്ത​പ്പ​നെ ത​യാ​റാ​ക്ക​ണ​മെ​ന്ന് വി​ൽ​പ​ന​ക്കാ​രാ​യ കൊ​ട്ടേ​ക്കാ​ട് വേ​നോ​ലി സ്വ​ദേ​ശി​ക​ളാ​യ മാ​രി​മു​ത്തു​വും വി​ജി​യും പ​റ​ഞ്ഞു.

ക​ളി​മ​ണ്ണ് ന​ന്നാ​യി പ​തം വ​രു​ത്തി പി​ര​മി​ഡ് രൂ​പ​ത്തി​ൽ കു​ഴ​ച്ചെ​ടു​ക്കു​ന്ന രൂ​പ​ങ്ങ​ൾ വെ​യി​ലി​ൽ ഉ​ണ​ക്കി​യാ​ണ് പ​രു​വ​മാ​ക്കി​യെ​ടു​ക്കു​ന്ന​ത്. ഇ​തി​നാ​യി നേ​ര​ത്തെ ത​ന്നെ രൂ​പ​ങ്ങ​ൾ നി​ർ​മി​ച്ചെ​ടു​ക്ക​ണം. എ​ന്നാ​ൽ ഇ​ത്ത​വ​ണ ക​ന​ത്ത മ​ഴ​മൂ​ലം വെ​യി​ലി​ൽ ഉ​ണ​ക്കാ​നാ​യി​ല്ല. മു​റി​യി​ൽ വെ​ച്ചും മ​റ്റു​മാ​ണ് ഉ​ണ​ക്കി​യെ​ടു​ത്ത​തെ​ന്ന് മാ​രി​മു​ത്തു പ​റ​ഞ്ഞു.

ക​ളി​മ​ണ്ണ് ദൗ​ർ​ല​ഭ്യ​മു​ള്ള​തി​നാ​ൽ പു​റ​ത്തു​നി​ന്ന് വാ​ങ്ങി​യാ​ണ് നി​ർ​മാ​ണം. മ​ൺ​പാ​ത്ര​തൊ​ഴി​ലാ​ളി​ക​ളാ​യ മാ​രി​മു​ത്തു​വും വി​ജി​യും ഓ​ണ​ക്കാ​ല​ത്ത് പ​തി​വാ​യി കോ​ട്ട​മൈ​താ​ന​ത്തി​ന് മു​ന്നി​ലെ റോ​ഡോ​ര​ത്ത് ഓ​ണ​ത്ത​പ്പ​നു​മാ​യി വി​ൽ​പ്പ​ന​ക്കെ​ത്താ​റു​ണ്ട്.

ക​ഴി​ഞ്ഞ​ത​വ​ണ മെ​ച്ച​പ്പെ​ട്ട ക​ച്ച​വ​ട​മു​ണ്ടാ​യി​രു​ന്നെ​ങ്കി​ലും ഇ​ത്ത​വ​ണ മ​ഴ ശ​ക്ത​മാ​യി തു​ട​രു​ന്ന​ത് ആ​ശ​ങ്ക​യാ​ണെ​ന്നും ഇ​രു​വ​രും പ​റ​ഞ്ഞു. മ​ഴ പെ​യ്യു​മ്പോ​ൾ ടാ​ർ​പാ​യ കൊ​ണ്ട് മൂ​ടി​വെ​ച്ചാ​ണ് ക​ച്ച​വ​ടം. വ്യാ​ഴം, വെ​ള്ളി ദി​വ​സ​ങ്ങ​ളി​ലാ​യി ഭേ​ദ​പ്പെ​ട്ട ക​ച്ച​വ​ട​മു​ണ്ടാ​കു​മെ​ന്ന പ്ര​തീ​ക്ഷ​യി​ലാ​ണ് ഇ​വ​ർ.

ഓ​ണ​ത്ത​പ്പ​നെ വെ​ക്കു​ന്ന​ത് എ​ങ്ങ​നെ?

ഓ​ണ​ത്ത​പ്പ​ൻ വാ​മ​ന​ൻ ആ​ണെ​ന്നും മാ​വേ​ലി ആ​ണെ​ന്നും പ്രാ​ദേ​ശി​ക​മാ​യി പ​ല​ത​ര​ത്തി​ലു​ള്ള വി​ശ്വാ​സ​ങ്ങ​ളു​ണ്ട്. വീ​ടു​ക​ളി​ൽ ആ​ചാ​രാ​നു​ഷ്ഠാ​ന​ങ്ങ​ളോ​ടെ​യാ​ണ് ഓ​ണ​ത്ത​പ്പ​നെ വെ​ക്കാ​റു​ള്ള​ത്. ഉ​ത്രാ​ട​ത്തി​ന് പൂ​ക്ക​ള​ത്തി​ന് സ​മീ​പം നാ​ക്കി​ല​യി​ലാ​ണ് ഓ​ണ​ത്ത​പ്പ​ന്‍റെ രൂ​പ​ങ്ങ​ൾ വെ​ക്കു​ക. അ​തി​ല്‍ത​ന്നെ ന​ടു​വി​ല്‍ വ​ലി​യ തൃ​ക്കാ​ക്ക​ര​യ​പ്പ​നും ഇ​രു​വ​ശ​ങ്ങ​ളി​ലും താ​ര​ത​മ്യേ​ന ചെ​റു​തു​മാ​യ രൂ​പ​ങ്ങ​ളാ​യി​രി​ക്കും വെ​ക്കു​ക. ശേ​ഷം കൃ​ഷ്ണ​കി​രീ​ടം, ചെ​ണ്ടു​മ​ല്ലി, തു​മ്പ, ചെ​മ്പ​ര​ത്തി തു​ട​ങ്ങി​യ നാ​ട​ൻ​പൂ​ക്ക​ൾ വെ​ച്ച് അ​ല​ങ്ക​രി​ക്കും. തി​രു​വോ​ണ നാ​ളി​ൽ ഓ​ണ​ത്ത​പ്പ​നൊ​പ്പം മ​ഹാ​ബ​ലി​യു​ടെ രൂ​പ​വും വെ​ക്കും. മു​ത്ത​ശ്ശി​യ​മ്മ, കു​ട്ടി​പ​ട്ട​ര്, അ​മ്മി, ആ​ട്ടു​ക​ല്ല് തു​ട​ങ്ങി​യ​വ​രോ​ടൊ​പ്പ​മാ​ണ് മ​ഹാ​ബ​ലി​യെ പ്ര​തി​ഷ്ഠി​ക്കു​ക. ഓ​രോ ദി​വ​സ​വും പ്ര​ത്യേ​ക പൂ​ജ​ക​ളും നി​വേ​ദ്യ​ങ്ങ​ളും ഉ​ണ്ടാ​കും. തി​രു​വോ​ണം ക​ഴി​ഞ്ഞ് നാ​ലാം​നാ​ൾ ഇ​തെ​ല്ലാം എ​ടു​ത്തു​മാ​റ്റും.