മ​നി​ശ്ശേ​രി​യി​ൽ അ​പ​ക​ടത്തി​ലേ​ക്കൊ​രു പാ​ത

ഒ​റ്റ​പ്പാ​ലം: പാ​ല​ക്കാ​ട്-​കു​ള​പ്പു​ള്ളി പാ​ത​യി​ൽ മ​നി​ശ്ശേ​രി തൃ​ക്ക​ങ്ങോ​ട് ജ​ങ്ഷ​ന് സ​മീ​പ​ത്തെ റോ​ഡി​ന്റെ നി​ര​പ്പ് വ്യ​ത്യാ​സം വാ​ഹ​നാ​പ​ക​ട​ങ്ങ​ൾ​ക്ക് കാ​ര​ണ​മാ​കു​ന്ന​താ​യി പ​രാ​തി. വീ​തി​കൂ​ടി​യ പാ​ത​യി​ലൂ​ടെ വേ​ഗ​ത്തി​ൽ പാ​ഞ്ഞു​വ​രു​ന്ന വാ​ഹ​ന​ങ്ങ​ൾ​ക്ക് ഇ​വി​ടെ​യെ​ത്തു​മ്പോ​ൾ നി​യ​ന്ത്ര​ണം ന​ഷ്ട​മാ​കു​ക​യാ​ണ്. ഇ​റ​ക്ക​മു​ള്ള പാ​ത​യി​ലെ ടാ​ർ ഒ​ലി​ച്ചി​റ​ങ്ങി പ​ല​യി​ട​ത്തും അ​ടി​ഞ്ഞു​കി​ട​ക്കു​ന്ന​താ​ണ് നി​യ​ന്ത്ര​ണം ന​ഷ്ട​പ്പെ​ടാ​ൻ കാ​ര​ണ​മാ​യി ചൂ​ണ്ടി​ക്കാ​ട്ടു​ന്ന​ത്. വ​ലി​യ വാ​ഹ​ന​ങ്ങ​ൾ​ക്ക് പോ​ലും പ്ര​ദേ​ശ​ത്തെ പാ​ത സു​ര​ക്ഷി​ത​മ​ല്ലെ​ന്നാ​ണ് പ​രാ​തി.

മ​നി​ശ്ശേ​രി കെ.​എം ഓ​ഡി​റ്റോ​റി​യം പ​രി​സ​രം മു​ത​ൽ ഈ​സ്റ്റ് മ​നി​ശ്ശേ​രി സ്റ്റോ​പ് വ​രെ​യു​ള്ള ഭാ​ഗ​ത്തെ പാ​ത​യു​ടെ ഉ​പ​രി​ത​ല​മാ​ണ് വ്യ​ത്യാ​സ​പ്പെ​ട്ടു കി​ട​ക്കു​ന്ന​ത്.

ഉ​യ​ർ​ന്നും താ​ഴ്ന്നും കി​ട​ക്കു​ന്ന പാ​ത​യി​ൽ സ​ഞ്ച​രി​ക്കു​ന്ന വാ​ഹ​ന​ങ്ങ​ൾ അ​പ​ക​ട​ത്തി​ൽ പെ​ടു​ന്ന​ത് പ​തി​വാ​കാ​ൻ ഇ​ത് കാ​ര​ണ​മാ​കു​ന്നു. വീ​തി​കൂ​ടി​യ പാ​ത​യി​ലൂ​ടെ വേ​ഗ​ത​യി​ൽ വ​രു​ന്ന വാ​ഹ​ന​ങ്ങ​ൾ​ക്ക് റോ​ഡി​ന്റെ ഉ​പ​രി​ത​ല​ത്തി​ലെ വ്യ​ത്യാ​സം മൂ​ല​മാ​ണ് നി​യ​ന്ത്ര​ണം ന​ഷ്ട​മാ​കു​ന്ന​ത്.

ഏ​റ്റ​വു​മൊ​ടു​വി​ൽ ഒ​രാ​ഴ്ച മു​മ്പാ​ണ് ഇ​വി​ടെ വാ​ഹ​ന​ങ്ങ​ളു​ടെ കൂ​ട്ട​യി​ടി ന​ട​ന്ന​ത്. അ​ഞ്ച് വാ​ഹ​ന​ങ്ങ​ളാ​ണ് അ​പ​ക​ട​ത്തി​ൽ​പെ​ട്ട​ത്. പാ​ത​യു​ടെ നി​ർ​മാ​ണ ഘ​ട്ട​ത്തി​ൽ അ​നു​ഭ​വ​പ്പെ​ട്ടി​രു​ന്ന പ്ര​ശ്‌​ന​മാ​യി​രു​ന്നി​ട്ടും പ​രി​ഹാ​ര ന​ട​പ​ടി​ക​ൾ ഉ​ണ്ടാ​യി​ല്ലെ​ന്ന് പ്ര​ദേ​ശ​വാ​സി​ക​ൾ പ​റ​യു​ന്നു. വെ​ളി​ച്ച​ക്കു​റ​വു​ള്ള പ്ര​ദേ​ശ​ത്ത് സു​ര​ക്ഷ സം​വി​ധാ​ന​ങ്ങ​ൾ ഇ​ല്ലാ​ത്ത​തും അ​പ​ക​ട​ങ്ങ​ൾ​ക്ക് ആ​ക്കം കൂ​ട്ടു​ന്ന​താ​യാ​ണ് ആ​ക്ഷേ​പം.