അകലൂർ അടങ്ങൽകുളം നശിക്കുന്നു; ദുരിതത്തിലായി നാട്ടുകാർ

അ​ക​ലൂ​ർ: ല​ക്കി​ടി പേ​രൂ​ർ പ​ഞ്ചാ​യ​ത്തി​ലെ അ​ക​ലൂ​ർ അ​ട​ങ്ങ​ൽ​കു​ളം ച​ണ്ടി മൂ​ടി ന​ശി​ക്കു​ന്നു. ഏ​ക​ദേ​ശം ര​ണ്ട് ഏ​ക്ക​ർ വ്യാ​പ്തി​യു​ള്ള കു​ള​മാ​ണ് കാ​ടും ച​ണ്ടി​യും മൂ​ടി ന​ശി​ക്കു​ന്ന​ത്. പ്ര​ദേ​ശ​ത്തെ നി​ര​വ​ധി കു​ടും​ബാം​ഗ​ങ്ങ​ളു​ടെ ആ​ശ്ര​യ​മാ​യി​രു​ന്ന കു​ള​ത്തി​ൽ വ​ർ​ഷ​ങ്ങ​ളാ​യി ആ​രും​ത​ന്നെ കു​ളി​ക്കാ​റി​ല്ല. ച​ണ്ടി മൂ​ടി​യ​തോ​ടെ കു​ള​ക്ക​ട​വ് പോ​ലും കാ​ണാ​നാ​കാ​ത്ത അ​വ​സ്ഥ​യാ​ണ്. കൂ​ടാ​തെ കു​ളി​ച്ചാ​ൽ ചൊ​റി​ച്ചി​ലും ഉ​ണ്ടാ​കു​ന്നു.

നൂ​റ്റാ​ണ്ടു​ക​ൾ പ​ഴ​ക്ക​മു​ള്ള ഈ ​കു​ളം വി​സ​മൃ​തി​യി​ലേ​ക്ക് നീ​ങ്ങു​ന്ന അ​വ​സ്ഥ​യി​ലാ​ണ്. വി​ദൂ​ര​ങ്ങ​ളി​ൽ​നി​ന്ന് പോ​ലും കു​ളി​ക്കാ​നാ​യി ആ​ളു​ക​ൾ എ​ത്താ​റു​ണ്ടാ​യി​രു​ന്നു. വേ​ന​ലി​ൽ വെ​ള്ളം കു​ള​മാ​ണി​ത്. ഒ​രു​വ​ർ​ഷം മു​മ്പ് പ്രേം​കു​മാ​ർ എം.​എ​ൽ.​എ അ​ട​ക്ക​മു​ള്ള​വ​ർ സ​ന്ദ​ർ​ശി​ച്ച് പോ​യ​ത​ല്ലാ​തെ മ​റ്റു ന​ട​പ​ടി​ക​ൾ ഉ​ണ്ടാ​യി​ല്ലെ​ന്ന് നാ​ട്ടു​കാ​ർ പ​റ​യു​ന്നു.

ക്ര​മേ​ണ കു​ളം ന​ശി​ച്ചു​പോ​യ ൽ പ്ര​ദേ​ശ​ത്ത് ജ​ല​ക്ഷാ​മ​വും രൂ​ക്ഷ​മാ​കും. സ​മീ​പ​ത്തെ ഏ​ക്ക​ർ ക​ണ​ക്കെ നെ​ൽ​കൃ​ഷി​ക്കും ഏ​ക ആ​ശ്ര​യ​മാ​ണ് ഈ ​കു​ളം. ല​ക്കി​ടി പേ​രൂ​ർ പ​ഞ്ചാ​യ​ത്ത് ഇ​ട​പെ​ട്ട് കു​ളം സം​ര​ക്ഷി​ക്കാ​ൻ ന​ട​പ​ടി വേ​ണ​മെ​ന്നാ​ണ് നാ​ട്ടു​കാ​ർ ആവശ്യപ്പെട്ടു.