ഒ​റ്റ​പ്പാ​ലം ന​ഗ​ര​സ​ഭ പ​ഴ​യ ബ​സ് സ്റ്റാ​ൻ​ഡ് കെട്ടിടം പൊ​ളി​ക്ക​ൽ; ഒ​രുവി​ഭാ​ഗം വ്യാ​പാ​രി​ക​ൾ കോ​ട​തി​യി​ൽ

ഒ​റ്റ​പ്പാലം: ന​ഗ​ര​സ​ഭ പ​ഴ​യ ബ​സ് സ്റ്റാ​ൻ​ഡ് കെ​ട്ടി​ടം പൊ​ളി​ച്ചു​നീ​ക്കാ​നു​ള്ള നീ​ക്ക​ത്തി​നെ​തി​രെ വാ​ട​ക​ക്കാ​രി​ൽ ഒ​രു വി​ഭാ​ഗം ഹൈ​​കോ​ട​തി​യെ സ​മീ​പി​ച്ചു. ക​ട​മു​റി​ക​ൾ ഒ​ഴി​യ​ണ​മെ​ന്നാ​വ​ശ്യ​പ്പെ​ട്ട് ന​ഗ​ര​സ​ഭ ര​ണ്ടാം വ​ട്ട​വും നോ​ട്ടീ​സ് ന​ൽ​കി​യ സാ​ഹ​ച​ര്യ​ത്തി​ലാ​ണ് ക​ട​മു​റി ഉ​ട​മ​ക​ളി​ൽ ഒ​രു വി​ഭാ​ഗം കോ​ട​തി​യെ സ​മീ​പി​ച്ച​ത്. 33 വ്യാ​പാ​രി​ക​ളു​ള്ള​തി​ൽ 17 പേ​രും കെ​ട്ടി​ടം നി​ല​നി​ർ​ത്ത​ണ​മെ​ന്ന ആ​വ​ശ്യ​വു​മാ​യാ​ണ് കോ​ട​തി​യെ സ​മീ​പി​ച്ചി​രി​ക്കു​ന്ന​ത്. 15 ദി​വ​സ​ത്തി​ന​കം ക​ട​മു​റി​ക​ൾ ഒ​ഴി​യ​ണ​മെ​ന്നാ​വ​ശ്യ​പ്പെ​ട്ടാ​ണ് ന​ഗ​ര​സ​ഭ ക​ഴി​ഞ്ഞ​ദി​വ​സം വീ​ണ്ടും നോ​ട്ടീ​സ് ന​ൽ​കി​യ​ത്. സാ​ങ്കേ​തി​ക ന​ട​പ​ടി​ക്ര​മ​ങ്ങ​ൾ പൂ​ർ​ത്തി​യാ​ക്കി കെ​ട്ടി​ടം പൊ​ളി​ക്കാ​നു​ള്ള ന​ഗ​ര​സ​ഭ​യു​ടെ നീ​ക്ക​ത്തി​നാ​ണ് ഇ​തോ​ടെ ത​ട​സ്സം നേ​രി​ട്ട​ത്.

പാ​ല​ക്കാ​ട്-​കു​ള​പ്പു​ള്ളി പാ​ത​യി​ൽ ഒ​റ്റ​പ്പാ​ലം ന​ഗ​ര​മ​ധ്യ​ത്തി​ലാ​യി അ​ര നൂ​റ്റാ​ണ്ടി​ലേ​റെ പ​ഴ​ക്ക​മു​ള്ള​താ​ണ് ബ​സ് സ്റ്റാ​ൻ​ഡ് കെ​ട്ടി​ടം. ഒ​രു സ​ഹ​ക​ര​ണ ബാ​ങ്ക് ഉ​ൾ​പ്പെ​ടെ 33 സ്‌​ഥാ​പ​ന​ങ്ങ​ളാ​ണ് കെ​ട്ടി​ട​ത്തി​ൽ പ്ര​വ​ർ​ത്തി​ച്ചു​വ​രു​ന്ന​ത്. ചോ​ർ​ന്നൊ​ലി​ച്ചും കോ​ൺ​ക്രീ​റ്റ് അ​ട​ർ​ന്ന് വീ​ണും മ​റ്റു​മാ​യി കെ​ട്ടി​ടം ബ​ല​ക്ഷ​യം നേ​രി​ടു​ന്ന​തി​ന്റെ സൂ​ച​ന​ക​ൾ പ്ര​ക​ട​മാ​ണ്. ഇ​ക്കാ​ര്യം നി​ര​ന്ത​രം ന​ഗ​ര​സ​ഭ അ​ധി​കൃ​ത​ർ​ക്ക് മു​ന്നി​ൽ പ​രാ​തി​ക​ളാ​യി എ​ത്തി​യി​രു​ന്നു. തു​ട​ർ​ന്ന് തൃ​ശൂ​ർ എ​ൻ​ജി​നീ​യ​റി​ങ് കോ​ള​ജി​ലെ വി​ദ​ഗ്‌​ധ സം​ഘം ന​ട​ത്തി​യ പ​രി​ശോ​ധ​ന​യി​ലും ബ​ല​ക്ഷ​യം സ്ഥി​രീ​ക​രി​ക്കു​ന്ന റി​പ്പോ​ർ​ട്ടാ​ണ് ന​ഗ​ര​സ​ഭ​ക്ക് ന​ൽ​കി​യ​ത്. ഇ​തി​ന്റെ കൂ​ടി അ​ടി​സ്ഥാ​ന​ത്തി​ലാ​ണ് കെ​ട്ടി​ടം പൊ​ളി​ക്കാ​നും പു​തി​യ​ത് നി​ർ​മി​ക്കാ​നു​മു​ള്ള തീ​രു​മാ​നം. സ്റ്റാ​ൻ​ഡി​ൽ​നി​ന്നും ബ​സു​ക​ൾ​ക്ക് പു​റ​ത്തു​ക​ട​ക്കാ​ൻ ആ​ശ്ര​യി​ക്കു​ന്ന വീ​തി​കു​റ​ഞ്ഞ ബ​സ് സ്റ്റാ​ൻ​ഡ് ക​വാ​ടം മൂ​ല​മു​ണ്ടാ​യ അ​പ​ക​ട​ങ്ങ​ൾ നി​ര​വ​ധി​യാ​ണ്. ഇ​തി​ന് പ​രി​ഹാ​രം കാ​ണ​ണ​മെ​ങ്കി​ലും കെ​ട്ടി​ടം പൊ​ളി​ക്ക​ണ​മെ​ന്ന​താ​ണ് വ​സ്‌​തു​ത. നാ​ഷ​ന​ൽ ട്രാ​ൻ​സ്‌​പോ​ർ​ട്ടേ​ഷ​ൻ പ്ലാ​നി​ങ് ആ​ൻ​ഡ് റി​സ​ർ​ച് സെൻറ​ർ (നാ​റ്റ് പാ​ക്) സം​ഘം നേ​ര​ത്തെ ന​ട​ത്തി​യ പ​രി​ശോ​ധ​ന​യി​ൽ ഇ​ടു​ങ്ങി​യ ക​വാ​ട​ങ്ങ​ൾ മൂ​ല​മു​ള്ള അ​പ​ക​ട​സാ​ധ്യ​ത എ​ടു​ത്തു​പ​റ​ഞ്ഞി​രു​ന്ന​താ​ണ്. കോ​ട​തി വി​ധി വ​രു​ന്ന മു​റ​ക്ക് അ​നു​യോ​ജ്യ​മാ​യ നി​യ​മ ന​ട​പ​ടി​ക​ൾ കൈ​ക്കൊ​ള്ളു​മെ​ന്ന് ന​ഗ​ര​സ​ഭ അ​ധി​കൃ​ത​ർ പ​റ​ഞ്ഞു.