ഒ​റ്റ​പ്പാ​ലം ശാ​ന്തി​ന​ഗ​ർ നി​വാ​സി​ക​ളെ ദു​രി​ത​ത്തി​ലാ​ക്കി മാ​ലി​ന്യ​ക്കു​ളം

ഒ​റ്റ​പ്പാ​ലം: പെ​രു​മ​ഴ​ക്കാ​ലം പി​ന്നി​ട്ട ശേ​ഷ​വും ന​ഗ​ര​ത്തോ​ട് ചേ​ർ​ന്ന് കി​ട​ക്കു​ന്ന ശാ​ന്തി​ന​ഗ​ർ നി​വാ​സി​ക​ളു​ടെ ദു​രി​ത​ത്തി​ന് അ​റു​തി​യി​ല്ല. വേ​ന​ലി​ലും വ​റ്റാ​തെ ത​ളം കെ​ട്ടി നി​ൽ​ക്കു​ന്ന ജ​ന​വാ​സ മേ​ഖ​ല​യി​ലെ ച​ളി​ക്കു​ള​മാ​ണ് കു​ടും​ബ​ങ്ങ​ൾ​ക്ക് ത​ല​വേ​ദ​ന സൃ​ഷ്ടി​ക്കു​ന്ന​ത്. കെ​ട്ടി​നി​ൽ​ക്കു​ന്ന മ​ലി​ന ജ​ല​ത്തി​ൽ​നി​ന്നു​ള്ള ദു​ർ​ഗ​ന്ധ​ത്തി​ന് പു​റ​മെ കൊ​തു​കു​ശ​ല്യ​വും ആ​രോ​ഗ്യ പ്ര​ശ്‍ന​ങ്ങ​ളും കാ​ല​ങ്ങ​ളാ​യി ഒ​ഴി​യാ​ബാ​ധ​യാ​ണ്. വീ​ട്ടു​കി​ണ​റു​ക​ളി​ലെ കു​ടി​വെ​ള്ള​ത്തി​ൽ മാ​ലി​ന്യം ക​ല​രാ​ൻ ചെ​ളി​ക്കു​ളം കാ​ര​ണ​മാ​കു​ന്ന​താ​യി പ്ര​ദേ​ശ​വാ​സി​ക​ൾ ആ​രോ​പി​ക്കു​ന്നു. കി​ണ​ർ വെ​ള്ളം ഉ​പ​യോ​ഗി​ച്ചു​ള്ള കു​ളി ചൊ​റി​ച്ചി​ലി​നും മ​റ്റും ഇ​ട​യാ​ക്കു​ന്ന​താ​യ പ​രാ​തി​യു​മു​ണ്ട്.

പെ​രു​മ​ഴ​യി​ൽ ക​ണ്ണി​യം​പു​റം തോ​ട്ടി​ൽ ഒ​ഴു​ക്ക് ത​ട​സ്സ​പ്പെ​ടു​മ്പോ​ഴെ​ല്ലാം ദു​രി​തം പേ​റു​ന്ന​ത് ശാ​ന്തി ന​ഗ​ർ നി​വാ​സി​ക​ളാ​ണ്. വെ​ള്ള​പ്പൊ​ക്കം മൂ​ലം വീ​ടു​ക​ളി​ൽ വെ​ള്ളം ക​യ​റി പ​ലാ​യ​നം ചെ​യ്യേ​ണ്ടി​വ​രു​ന്ന​ത് മ​ഴ​ക്കാ​ല​ത്ത് പ​തി​വാ​ണ്. മ​ര​ങ്ങ​ളും മ​റ്റും വ​ന്ന​ടി​ഞ്ഞാ​ണ് മു​ഖ്യ​മാ​യും തോ​ട്ടി​ലെ ഒ​ഴു​ക്ക് ത​ട​സ്സ​പ്പെ​ടാ​റു​ള്ള​ത്. ക​ണ്ണി​യം​പു​റം തോ​ടി​ന്റെ വ​ശ​ങ്ങ​ൾ സം​ര​ക്ഷ​ണ​ഭി​ത്തി കെ​ട്ടി സു​ര​ക്ഷി​ത​മാ​ക്കാ​ത്ത​തും വെ​ള്ള​പ്പൊ​ക്ക​ത്തി​ന് ഇ​ട​യാ​ക്കു​ന്നു.

ക​ണ്ണി​യം​പു​റം, ഈ​സ്റ്റ് ഒ​റ്റ​പ്പാ​ല​ത്തെ കി​ഴ​ക്കേ തോ​ട്ടു​പാ​ലം എ​ന്നി​വ​യു​ടെ വ​ശ​ങ്ങ​ൾ സം​ര​ക്ഷ​ണ ഭി​ത്തി കെ​ട്ടാ​ൻ 20 കോ​ടി രൂ​പ സ​ർ​ക്കാ​ർ അ​നു​വ​ദി​ച്ച​താ​യി മു​ൻ എം.​എ​ൽ.​എ പി. ​ഉ​ണ്ണി അ​റി​യി​ച്ചി​രു​ന്ന​താ​ണ്. മ​ണ്ഡ​ല​ത്തി​ലെ 19 പ​ദ്ധ​തി​ക​ൾ​ക്കാ​യി 244 കോ​ടി രൂ​പ ബ​ജ​റ്റി​ൽ വ​ക​യി​രു​ത്തി​യ​തി​ലാ​ണ് തോ​ടു​ക​ളു​ടെ സം​ര​ക്ഷ​ണ​വും ഉ​ൾ​പ്പെ​ട്ടി​രു​ന്ന​ത്. 2021 ന​വം​ബ​റി​ലാ​യി​രു​ന്നു സം​സ്ഥാ​ന സ​ർ​ക്കാ​ർ തു​ക അ​നു​വ​ദി​ച്ച് ഉ​ത്ത​ര​വി​റ​ക്കി​യി​രു​ന്ന​ത്. എ​ന്നാ​ൽ ഇ​തേ​വ​രെ യാ​തൊ​രു നീ​ക്ക​വും ഇ​തു​മാ​യി ബ​ന്ധ​പ്പെ​ട്ട് ഉ​ണ്ടാ​യി​ല്ല. പെ​രു​മ​ഴ​യി​ൽ ക​യ​റി​യ വെ​ള്ള​മാ​ണ് ചെ​ളി​ക്കു​ള​മാ​യി വ​റ്റാ​തെ​യു​ള്ള​ത്. സ്വ​കാ​ര്യ വ്യ​ക്തി​യു​ടെ അ​ധീ​ന​ത​യി​ലു​ള്ള ച​ളി​ക്കു​ളം മ​ണ്ണി​ട്ടു​നി​ക​ത്താ​ൻ സ്ഥ​ല ഉ​ട​മ​ക്ക് അ​നു​മ​തി ന​ൽ​കു​ക​യോ അ​ല്ലാ​ത്ത​പ​ക്ഷം അ​ധി​കൃ​ത​ർ പ​രി​ഹാ​ര ന​ട​പ​ടി​ക​ൾ കൈ​ക്കൊ​ള്ളു​ക​യോ ചെ​യ്യ​ണ​മെ​ന്നാ​ണ് ശാ​ന്തി​ന​ഗ​ർ നി​വാ​സി​ക​ൾ ആ​വ​ശ്യ​പ്പെ​ടു​ന്ന​ത്.