ക​ട​മ്പൂ​ർ ഗ​വ. ഹോ​മി​യോ ഡി​സ്പെ​ൻ​സ​റി​ കു​ടി​വെ​ള്ളം കി​ട്ടാ​ക്ക​നി; ബി​ല്ലി​ന് മു​ട​ക്ക​മി​ല്ല

ഒ​റ്റ​പ്പാ​ലം: മൂ​ന്നു​വ​ർ​ഷ​മാ​യി കു​ടി​വെ​ള്ളം കി​ട്ടാ​ക്ക​നി​യാ​യി തു​ട​രു​മ്പോ​ഴും ക​ട​മ്പൂ​ർ ഗ​വ. ഹോ​മി​യോ ആ​ശു​പ​ത്രി​ക്ക് വെ​ള്ള​ക്ക​രം അ​ട​ക്കാ​നു​ള്ള ബി​ല്ല് മു​ട​ങ്ങാ​തെ എ​ത്തു​ന്നു. 2019 ന​വം​ബ​റി​ലാ​ണ് ആ​ശു​പ​ത്രി​ക്ക് ജ​ല അ​തോ​റി​റ്റി​യു​ടെ ക​ണ​ക്ഷ​ൻ ല​ഭി​ച്ച​ത്. അ​ന്നൊ​രു ദി​വ​സം മാ​ത്രം ആ​ശു​പ​ത്രി​യു​ടെ ജ​ല സം​ഭ​ര​ണി​യി​ൽ കു​ടി​വെ​ള്ള​മെ​ത്തി​യെ​ങ്കി​ലും തു​ട​ർ​ന്നു​ള്ള ദി​വ​സ​ങ്ങ​ളി​ൽ ബ​ദ​ൽ സം​വി​ധാ​നം തേ​ടേ​ണ്ട ഗ​തി​കേ​ടി​ലാ​യി. എ​ന്നാ​ൽ, ഉ​പ​യോ​ഗി​ക്കാ​ത്ത ജ​ല​ത്തി​ന്‍റെ കു​ടി​ശ്ശി​ക​യാ​യി 4,000 രൂ​പ അ​ട​ക്കാ​ൻ ആ​വ​ശ്യ​പ്പെ​ട്ട് ബി​ൽ ന​ൽ​കി​യി​രി​ക്കു​ക​യാ​ണ് വാ​ട്ട​ർ അ​തോ​റി​റ്റി അ​ധി​കൃ​ത​ർ. താ​ലൂ​ക്ക് വി​ക​സ​ന സ​മി​തി​യി​ൽ സ്ഥി​രം പ​രാ​തി​യാ​യി മാ​റി​യ വി​ഷ​യ​മാ​ണി​ത്.

അ​മ്പ​ല​പ്പാ​റ സ​മ​ഗ്ര കു​ടി​വെ​ള്ള പ​ദ്ധ​തി​യു​ടെ ഭാ​ഗ​മാ​യി ന​ട​പ്പാ​ക്കി​യ ജ​ൽ ജീ​വ​ൻ പ​ദ്ധ​തി​യു​ടെ ജ​ല വി​ത​ര​ണ ശൃം​ഖ​ല​യി​ലേ​ക്ക് ആ​ശു​പ​ത്രി ക​ണ​ക്ഷ​ൻ മാ​റ്റി​സ്ഥാ​പി​ച്ച​ത് ക​ഴി​ഞ്ഞ ജൂ​ണി​ലാ​യി​രു​ന്നു. വ​ർ​ഷ​ങ്ങ​ളാ​യി തു​ട​രു​ന്ന പ്ര​തി​സ​ന്ധി​ക്ക് പ​രി​ഹാ​ര​മെ​ന്ന പ്ര​തീ​ക്ഷ​യോ​ടെ​യാ​യി​രു​ന്നി​ത്. എ​ന്നാ​ൽ, പു​തി​യ ക​ണ​ക്ഷ​ൻ എ​ടു​ത്ത് ര​ണ്ടു​ദി​വ​സം വെ​ള്ളം ല​ഭി​ച്ചു. തു​ട​ർ​ന്ന് പ​രാ​തി​യു​മാ​യി ജ​ല അ​തോ​റി​റ്റി​യെ സ​മീ​പി​ച്ച​തി​ന്‍റെ അ​ടി​സ്ഥാ​ന​ത്തി​ൽ പ​രി​ഹാ​ര​മു​ണ്ടാ​യെ​ങ്കി​ലും അ​ടു​ത്ത​ദി​വ​സം മു​ത​ൽ കാ​ര്യ​ങ്ങ​ൾ പ​ഴ​യ​പ​ടി​യി​ലാ​യി. പ്രാ​ദേ​ശി​ക പ്ര​ശ്ന​ങ്ങ​ൾ മൂ​ല​മാ​ണ് വെ​ള്ളം ല​ഭി​ക്കാ​ത്ത​തെ​ന്നും പ​രി​ശോ​ധി​ച്ച് ന​ട​പ​ടി സ്വീ​ക​രി​ക്കാ​മെ​ന്നു​മാ​ണ് ഏ​റ്റ​വും ഒ​ടു​വി​ൽ ജ​ല അ​തോ​റി​റ്റി ന​ൽ​കി​യ മ​റു​പ​ടി​യെ​ന്ന് ആ​ശു​പ​ത്രി അ​ധി​കൃ​ത​ർ പ​റ​യു​ന്നു. കു​ടി​ശ്ശി​ക ഒ​ഴി​വാ​ക്ക​ണ​മെ​ന്നാ​വ​ശ്യ​പ്പെ​ട്ട് മേ​യി​ൽ ജ​ല അ​തോ​റി​റ്റി അ​സി. എ​ക്സി. എ​ൻ​ജി​നീ​യ​ർ​ക്ക് അ​പേ​ക്ഷ ന​ൽ​കി​യി​രു​ന്നു. പ്ര​വ​ർ​ത്തി​ക്കാ​ത്ത ക​ണ​ക്ഷ​നാ​യ​തി​നാ​ൽ ഒ​ഴി​വാ​ക്ക​ൽ ന​ട​പ​ടി ബു​ദ്ധി​മു​ട്ടി​ല്ലെ​ന്നാ​യി​രു​ന്നു അ​ധി​കൃ​ത​രു​ടെ പ്ര​തി​ക​ര​ണ​മെ​ന്നും എ​ന്നാ​ൽ, ഇ​ക്കാ​ല​യ​ള​വി​ൽ അ​പേ​ക്ഷ പ​രി​ഗ​ണി​ക്കാ​ൻ ഇ​വ​ർ ത​യാ​റാ​യി​ല്ലെ​ന്നും ആ​ശു​പ​ത്രി വൃ​ത്ത​ങ്ങ​ൾ പ​റ​ഞ്ഞു.