വ​ശ​ങ്ങ​ൾ ഇ​ടി​യ​ൽ, മാ​ലി​ന്യം ത​ള്ള​ൽ ക​ണ്ണി​യം​പു​റം തോ​ട് ന​ശി​ക്കു​ന്നു

ഒ​റ്റ​പ്പാ​ലം: പു​തു​മോ​ടി​യി​ൽ തി​ള​ങ്ങു​ന്ന ഇ​ര​ട്ട​പ്പാ​ല​ങ്ങ​ൾ​ക്ക് കീ​ഴെ സം​ര​ക്ഷ​ണ​ത്തി​ന്‍റെ അ​ഭാ​വ​ത്തി​ൽ ക​ണ്ണി​യം​പു​റം തോ​ട് ന​ശി​ക്കു​ന്നു. വ​ശ​ങ്ങ​ൾ ഇ​ടി​ഞ്ഞ് വി​കൃ​ത​മാ​യി​ക്കൊ​ണ്ടി​രി​ക്കു​ന്ന തോ​ടി​ന്‍റെ ക​ര​യി​ൽ വ്യാ​പ​ക​മാ​യി മാ​ലി​ന്യം ത​ള്ളു​ന്ന​തും പ​രി​സ​ര​വാ​സി​ക​ൾ​ക്ക് ദു​രി​ത​മാ​കു​ക​യാ​ണ്. മ​ഴ​യി​ൽ മാ​ലി​ന്യം ഒ​ഴു​കി​യെ​ത്തു​ക തോ​ട്ടി​ലേ​ക്കാ​ണ്. കു​ടി​വെ​ള്ള സ്രോ​ത​സ്സു​കൂ​ടി​യാ​യ ഭാ​ര​ത​പ്പു​ഴ​യു​മാ​യി തോ​ട് സ​ന്ധി​ക്കു​ന്ന​ത്തി​ന്‍റെ ഏ​താ​നും വാ​ര അ​ക​ലെ​യാ​ണ് മാ​ലി​ന്യം ത​ള്ള​ൽ തു​ട​രു​ന്ന​ത്. മ​ഴ​യി​ൽ തോ​ട്ടി​ലേ​ക്ക് ഒ​ഴു​കു​ന്ന മാ​ലി​ന്യം തു​ട​ർ​ന്ന് ഭാ​ര​ത​പ്പു​ഴ​യി​ലെ​ത്താ​ൻ ഏ​റെ നേ​രം വേ​ണ്ട.

തോ​ട്ടി​ലെ ഒ​ഴു​ക്ക് നി​ല​ച്ചാ​ൽ ഉ​ണ്ടാ​കു​ന്ന ദു​രി​തം ശാ​ന്തി ന​ഗ​റി​ലെ 55 കു​ടും​ബ​ങ്ങ​ൾ അ​നു​ഭ​വി​ച്ച​താ​ണ്. 2018ലും 2019​ലും ഉ​ണ്ടാ​യ പ്ര​ള​യ​ത്തി​ൽ ശാ​ന്തി ന​ഗ​റി​ലും ക​ണ്ണി​യം​പു​റ​ത്തെ ഏ​താ​നും പ്ര​ദേ​ശ​ങ്ങ​ളി​ലും താ​മ​സി​ക്കു​ന്ന നി​ര​വ​ധി കു​ടും​ബ​ങ്ങ​ളു​ടെ പാ​ർ​പ്പി​ട​ങ്ങ​ളി​ൽ വെ​ള്ളം ക​യ​റി​യ​തി​നെ തു​ട​ർ​ന്ന് രാ​ത്രി​ക്ക് രാ​ത്രി പ​ലാ​യ​നം ചെ​യ്യേ​ണ്ടി വ​ന്ന​ത് ഇ​വ​രു​ടെ മ​ഴ​ക്കാ​ല​ത്തെ ന​ടു​ക്കു​ന്ന ഓ​ർ​മ​ക​ളാ​ണ്. പ​ന​മ​ണ്ണ പ്ര​ദേ​ശ​ങ്ങ​ളി​ൽ​നി​ന്ന് വെ​ള്ള​പ്പൊ​ക്ക​ത്തി​ൽ ഒ​ഴു​കി​യെ​ത്തി​യ മ​ണ്ണും മ​ര​ങ്ങ​ളും ക​ണ്ണി​യം​പു​റം തോ​ട്ടി​ൽ അ​ടി​ഞ്ഞു​കൂ​ടി​യ​താ​ണ് വെ​ള്ള​പ്പൊ​ക്ക​ത്തി​ന് കാ​ര​ണ​മാ​യ​ത്.

മ​ഴ​ക്കാ​ലം മു​ൻ​നി​ർ​ത്തി തോ​ട്ടി​ലെ ത​ട​സ​ങ്ങ​ൾ നീ​ക്കു​ന്ന​തി​ലു​ണ്ടാ​യ വീ​ഴ്ച​യാ​ണ് സ്വ​ന്തം വീ​ട് ഉ​പേ​ക്ഷി​ച്ച് ക​ണ്ട​യി​ട​ങ്ങ​ളി​ൽ രാ​പ്പാ​ർ​ക്കാ​ൻ പ്ര​ദേ​ശ​വാ​സി​ക​ളെ ഇ​ട​യാ​ക്കി​യ​ത്. പാ​ല​ക്കാ​ട്-​കു​ള​പ്പു​ള്ളി പാ​ത​യി​ൽ 4.3 കോ​ടി രൂ​പ ചെ​ല​വി​ട്ട ക​ണ്ണി​യം​പു​റ​ത്തെ ഇ​ര​ട്ട പാ​ല​ത്തി​ന്‍റെ ഉ​ദ്‌​ഘാ​ട​നം ന​ട​ന്ന​ത് 2021 ഫെ​ബ്രു​വ​രി​യി ആ​റി​നാ​ണ്. തോ​ടി​ന് സം​ര​ക്ഷ​ണ ഭി​ത്തി നി​ർ​മി​ക്ക​ണ​മെ​ന്ന നാ​ട്ടു​കാ​രു​ടെ ആ​വ​ശ്യ​ത്തെ തു​ട​ർ​ന്ന് ക​ണ്ണി​യം​പു​റം, ഈ​സ്റ്റ് ഒ​റ്റ​പ്പാ​ലം തോ​ടു​ക​ളു​ടെ വ​ശ​ങ്ങ​ൾ കോ​ൺ​ക്രീ​റ്റ് കെ​ട്ടി ബ​ല​പ്പെ​ടു​ത്തു​ന്ന​തി​നാ​യി പി.​ഉ​ണ്ണി എം.​എ​ൽ.​എ​യു​ടെ കാ​ല​ത്ത് 20 കോ​ടി രൂ​പ 2021 ന​വം​ബ​റി​ൽ സം​സ്ഥാ​ന സ​ർ​ക്കാ​ർ അ​നു​വ​ദി​ച്ച് ഉ​ത്ത​ര​വി​റ​ക്കി​യി​രു​ന്നു.

മ​ണ്ഡ​ല​ത്തി​ലെ 19 പ​ദ്ധ​തി​ക​ൾ​ക്കാ​യി 244 കോ​ടി രൂ​പ ബ​ജ​റ്റി​ൽ വ​ക​യി​രു​ത്തി​യ​തി​ലാ​ണ് തോ​ടു​ക​ളു​ടെ സം​ര​ക്ഷ​ണ​വും ഉ​ൾ​പ്പെ​ട്ടി​രു​ന്ന​ത്. എ​ന്നാ​ൽ വ​ർ​ഷ​ങ്ങ​ൾ പി​ന്നി​ട്ട​ത​ല്ലാ​തെ പ​ദ്ധ​തി​യെ​ക്കു​റി​ച്ച് ആ​ർ​ക്കും കേ​ട്ടു​കേ​ൾ​വി പോ​ലു​മി​ല്ലാ​ത്ത അ​വ​സ്ഥ​യി​ലാ​ണി​പ്പോ​ൾ. ഭാ​ര​ത​പ്പു​ഴ​യു​മാ​യി തോ​ട് സ​ന്ധി​ക്കു​ന്ന ഭാ​ഗ​മാ​യ​തി​നാ​ൽ മ​ഴ​ക്കാ​ല​ങ്ങ​ള​ങ്ങ​ളി​ൽ തോ​ടി​ന്‍റെ ക​വാ​ട​ത്തി​ൽ ഉ​ണ്ടാ​കു​ന്ന കു​ത്തൊ​ഴു​ക്കി​ന്‍റെ ഉ​യ​ർ​ച്ച താ​ഴ്ച​ക​ൾ ക​ര​യു​ടെ ഇ​രു​വ​ശ​ങ്ങ​ളി​ലു​മു​ള്ള നി​വാ​സി​ക​ളു​ടെ സ്വൈ​ര ജീ​വി​ത​ത്തി​ന്‍റെ സൂ​ചി​ക​യാ​യി മാ​റി​യി​ട്ടു​ണ്ട്. മ​ഴ​ക്കാ​ല​ത്ത് തോ​ടി​ന്‍റെ വ​ശ​ങ്ങ​ൾ ഇ​ടി​യു​ന്ന​ത് വ​ലി​യ ഭീ​ഷ​ണി​യാ​കു​ന്നു​ണ്ട്. മ​ല​ബാ​ർ മേ​ഖ​ല​യി​ലെ ഏ​ക സ​ർ​ക്കാ​ർ ബ​ധി​ര വി​ദ്യാ​ല​യ​വും തോ​ടി​ന് സ​മീ​പ​മാ​ണു​ള്ള​ത്. ഈ​സ്റ്റ് ഒ​റ്റ​പ്പാ​ല​ത്തെ കി​ഴ​ക്കേ തോ​ടി​ന്‍റെ​യും അ​വ​സ്ഥ​യും സ​മാ​ന​മാ​ണ്.