മു​ഖം മി​നു​ക്കാ​നൊ​രു​ങ്ങി ഒ​റ്റ​പ്പാ​ലം റെ​യി​ൽ​വേ സ്റ്റേ​ഷ​ൻ

ഒ​റ്റ​പ്പാ​ലം: വാ​ഹ​ന​ങ്ങ​ൾ നി​ർ​ത്തി​യി​ടാ​ൻ ഇ​ട​മി​ല്ലാ​ത്ത​തു​മൂ​ലം വീ​ർ​പ്പു​മു​ട്ടു​ന്ന ഒ​റ്റ​പ്പാ​ലം റെ​യി​ൽ​വേ സ്റ്റേ​ഷ​ൻ പ​രി​സ​ര​ത്ത് പാ​ർ​ക്കി​ങ്​ സൗ​ക​ര്യം വി​പു​ലീ​ക​രി​ക്കു​ന്ന പ്ര​വൃ​ത്തി​ക​ൾ പു​രോ​ഗ​മി​ക്കു​ന്നു. വ​ർ​ഷ​ങ്ങ​ളാ​യി ഒ​റ്റ​പ്പാ​ലം നേ​രി​ടു​ന്ന പാ​ർ​ക്കി​ങ്​ പ്ര​ശ്ന​ത്തി​ന് ഇ​തി​ന്റെ പൂ​ർ​ത്തീ​ക​ര​ണ​ത്തോ​ടെ തെ​ല്ല് ആ​ശ്വാ​സ​മാ​കും.

റെ​യി​ൽ​വേ​യു​ടെ അ​മൃ​ത് ഭാ​ര​ത് പ​ദ്ധ​തി​യി​ൽ ഉ​ൾ​പ്പെ​ടു​ത്തി റെ​യി​ൽ​വേ സ്റ്റേ​ഷ​ൻ വി​ക​സി​പ്പി​ക്കു​ന്ന​തി​ന്റെ ഭാ​ഗ​മാ​യാ​ണ് പാ​ർ​ക്കി​ങ്​ സ്ഥ​ലം വി​പു​ലീ​ക​ര​ണം ന​ട​ക്കു​ന്ന​ത്. സ്റ്റേ​ഷ​ന് സ​മീ​പ​ത്തെ പാ​ത​യോ​ര​ത്തെ നി​ല​വി​ലെ പാ​ർ​ക്കി​ങ് സ്ഥ​ല​വും എ​തി​ർ​വ​ശ​ത്തു​ള്ള റെ​യി​ൽ​വേ ക്വാ​ർ​ട്ടേ​ഴ്സി​ന് സ​മീ​പ​മു​ള്ള സ്ഥ​ല​വു​മാ​ണ് പാ​ർ​ക്കി​ങ്ങി​ന് സൗ​ക​ര്യ​പ്പെ​ടു​ത്തു​ന്ന​ത്.

നി​ർ​മാ​ണ പ്ര​വൃ​ത്തി​ക​ളു​ടെ ഭാ​ഗ​മാ​യി നി​ല​വി​ലെ സ്ഥ​ല​ത്തെ വാ​ഹ​ന പാ​ർ​ക്കി​ങ്​ നി​ർ​ത്ത​ലാ​ക്കി. പാ​ർ​ക്കി​ങ്​ സ്ഥ​ല​ത്തു​ണ്ടാ​യി​രു​ന്ന മ​ര​ങ്ങ​ൾ പൂ​ർ​ണ​മാ​യും മു​റി​ച്ചു​നീ​ക്കി. റെ​യി​ൽ​വേ ക്വാ​ർ​ട്ടേ​ഴ്‌​സ് പ​രി​സ​ര​ത്തെ നി​ലം നി​ര​പ്പാ​ക്കു​ന്ന​തു​ൾ​​​പ്പെ​ടെ പ​ണി​ക​ളാ​ണ് മ​ണ്ണു​മാ​ന്തി​യ​ന്ത്ര​ത്തി​ന്റെ സ​ഹാ​യ​ത്തോ​ടെ ന​ട​ക്കു​ന്ന​ത്. വാ​ഹ​ന പാ​ർ​ക്കി​ങ്ങി​ന് താ​ൽ​ക്കാ​ലി​ക​മാ​യി മെ​റ്റ​ൽ യാ​ർ​ഡി​ലാ​ണ് സൗ​ക​ര്യം ഒ​രു​ക്കി​യി​ട്ടു​ള്ള​ത്. റെ​യി​ൽ​വേ സ്റ്റേ​ഷ​ന്റെ മു​ഖഛാ​യ മാ​റ്റാ​നു​ത​കു​ന്ന ന​വീ​ക​ര​ണ പ്ര​വൃ​ത്തി​ക​ളാ​ണ് ല​ക്ഷ്യ​മി​ടു​ന്ന​ത്.

ഇ​തി​നാ​യി 7.58 കോ​ടി രൂ​പ​യാ​ണ് പ​ദ്ധ​തി​രേ​ഖ പ്ര​കാ​രം അ​നു​വ​ദി​ച്ചി​രി​ക്കു​ന്ന​ത്. നി​ർ​മാ​ണ പ്ര​വൃ​ത്തി​ക​ൾ​ക്ക് 6.02 കോ​ടി രൂ​പ​യും വൈ​ദ്യു​ത​ക്ര​മീ​ക​ര​ണ​ങ്ങ​ൾ​ക്കാ​യി 1.17 കോ​ടി രൂ​പ​യും ടെ​ലി​കോം ന​വീ​ക​ര​ണ​ത്തി​ന് 39 ല​ക്ഷം രൂ​പ​യു​മു​ൾ​പ്പ​ടെ​യാ​ണി​ത്.

പാ​ർ​ക്കി​ങ് കേ​ന്ദ്ര​ങ്ങ​ളു​ടെ ന​വീ​ക​ര​ണ​ത്തി​ന് പു​റ​മെ ര​ണ്ട് പ്ലാ​റ്റു​ഫോ​മു​ക​ളു​ടെ​യും സ​മ്പൂ​ർ​ണ മേ​ൽ​ക്കൂ​ര നി​ർ​മാ​ണം, സ്റ്റേ​ഷ​ൻ പ്ര​വേ​ശ​ന ക​വാ​ട​ത്തി​ന്റെ ന​വീ​ക​ര​ണം, കാ​ത്തി​രി​പ്പ് മു​റി​ക​ൾ, ശൗ​ചാ​ല​യം, ല​ഘു​ഭ​ക്ഷ​ണ ശാ​ല​ക​ൾ, ന​ട​പ്പാ​ത ന​വീ​ക​ര​ണം തു​ട​ങ്ങി​യ​വ പ്ര​വൃ​ത്തി​ക​ളി​ൽ ഉ​ൾ​പ്പെ​ടും. ഒ​റ്റ​പ്പാ​ലം സ്റ്റേ​ഷ​നെ റെ​യി​ൽ​വേ മ​ന്ത്രാ​ല​യം അ​വ​ഗ​ണി​ക്കു​ക​യാ​ണെ​ന്ന ആ​ക്ഷേ​പം നി​ല​നി​ൽ​ക്കെ​യാ​ണ് സ്റ്റേ​ഷ​ൻ ന​വീ​ക​ര​ണ പ്ര​വൃ​ത്തി​ക​ൾ​ക്ക് തു​ട​ക്കം കു​റി​ച്ചി​ട്ടു​ള്ള​ത്.