നേ​ത്ര​രോ​ഗ വി​ഭാ​ഗം ഡോ​ക്ട​റി​ല്ല; ഒ​റ്റ​പ്പാ​ലം താ​ലൂ​ക്ക് ആ​ശു​പ​ത്രി​യി​ൽ രോ​ഗി​ക​ൾ വ​ല​യു​ന്നു

ഒ​റ്റ​പ്പാ​ലം: താ​ലൂ​ക്ക് ആ​ശു​പ​ത്രി​യി​ലെ നേ​ത്ര​രോ​ഗ വി​ഭാ​ഗ​ത്തി​ൽ ഡോ​ക്ട​റി​ല്ലാ​ത്ത​ത് രോ​ഗി​ക​ളെ വ​ല​ക്കു​ന്നു. ത​സ്തി​ക​യി​ൽ ഉ​ണ്ടാ​യി​രു​ന്ന ഡോ​ക്ട​റെ ഒ​രു​മാ​സം മു​മ്പ് സ​സ്‍ പെൻഡ് ചെ​യ്യു​ക​യും പ​ക​രം നി​യ​മ​നം ന​ട​ക്കാ​ത്ത​തു​മാ​ണ് പ്ര​തി​സ​ന്ധി സൃ​ഷ്ടി​ക്കു​ന്ന​ത്.

താ​ലൂ​ക്ക് ആ​ശു​പ​ത്രി​യി​ൽ എ​ത്തി ചി​കി​ത്സ സാ​ധ്യ​മാ​കാ​ത്ത സാ​ഹ​ച​ര്യ​ത്തി​ൽ ദൂ​രെ​യു​ള്ള ജി​ല്ല ആ​ശു​പ​ത്രി​യെ​യോ സ്വ​കാ​ര്യ ആ​ശു​പ​ത്രി​ക​ളെ​യോ സ​മീ​പി​ക്കേ​ണ്ടി വ​രു​ന്ന​ത് നി​ർ​ധ​ന രോ​ഗി​ക​ൾ​ക്ക് ക​ന​ത്ത സാ​മ്പ​ത്തി​ക ബാ​ധ്യ​ത സൃ​ഷ്ടി​ക്കു​ന്ന​താ​യി പ​രാ​തി​ക​ളും ഉ​യ​രു​ന്നു​ണ്ട്. ഒ​ക്ടോ​ബ​ർ ആ​ദ്യ​വാ​ര​ത്തി​ലാ​ണ് ആ​ശു​പ​ത്രി​യി​ലെ നേ​ത്ര​രോ​ഗ വി​ഭാ​ഗ​ത്തി​ലു​ണ്ടാ​യി​രു​ന്ന വ​നി​ത ഡോ​ക്ട​റെ ആ​രോ​ഗ്യ​വി​ഭാ​ഗം സ​സ്പെ​ൻ​ഡ് ചെ​യ്‌​ത​ത്‌.

ആ​ശു​പ​ത്രി​ക്കെ​തി​രെ​യും ഡോ​ക്ട​ർ​മാ​ർ​ക്കെ​തി​രെ​യും പൊ​തു​വേ​ദി​ക​ളി​ൽ നി​ര​ന്ത​രം പ​രാ​തി​ക​ൾ ഉ​യ​ർ​ന്ന സാ​ഹ​ച​ര്യ​ത്തി​ൽ ആ​ശു​പ​ത്രി മാ​നേ​ജ്‌​മെ​ന്റ് ക​മ്മി​റ്റി​യു​ടെ തീ​രു​മാ​നപ്ര​കാ​രം വി​ളി​ച്ചു​കൂ​ട്ടി​യ ഡോ​ക്ട​ർ​മാ​രു​ടെ യോ​ഗ​ത്തി​ൽ​നി​ന്നും ത​ന്നി​ഷ്ട​പ്ര​കാ​രം ഇ​റ​ങ്ങി​പോ​യ​തു​മാ​യി ബ​ന്ധ​പ്പെ​ട്ടാ​ണ് നേ​ത്ര രോ​ഗ വി​ഭാ​ഗം ഡോ​ക്ട​റെ സ​സ്​പെൻഡ് ചെ​യ്യാ​ൻ ഇ​ട​യാ​ക്കി​യ​ത്.

യോ​ഗ​ത്തി​ൽ പ​ങ്കെ​ടു​ത്തി​രു​ന്ന കെ. ​പ്രേം​കു​മാ​ർ എം.​എ​ൽ.​എ, ന​ഗ​ര​സ​ഭ അ​ധ്യ​ക്ഷ ജാ​ന​കി​ദേ​വി എ​ന്നിവരുമായി ത​ർ​ക്കി​ച്ചാ​യി​രു​ന്നു ഡോ​ക്ട​റു​ടെ ഇ​റ​ങ്ങി​പ്പോ​ക്ക്. ഇ​തു​മാ​യി ബ​ന്ധ​പ്പെ​ട്ട് ഇ​രു​വ​രും ആ​രോ​ഗ്യ വി​ഭാ​ഗം ഡ​യ​റ​ക്ട​ർ​ക്ക് ന​ൽ​കി​യ പ​രാ​തി​യു​ടെ അ​ടി​സ്ഥാ​ന​ത്തി​ലാ​ണ് സ​സ്‌​പെ​ൻ​ഷ​ൻ.

ആ​ധു​നി​ക സൗ​ക​ര്യ​ങ്ങ​ളോ​ട് കൂ​ടി​യ കെ​ട്ടി​ട​ത്തി​ൽ എ​ല്ലാ​വി​ധ സം​വി​ധാ​ന​ത്തോ​ടു​കൂ​ടി​യ നേ​ത്ര​രോ​ഗ വി​ഭാ​ഗ​മാ​യി​രു​ന്നി​ട്ടും തി​മി​ര ശ​സ്ത്ര​ക്രി​യ ന​ട​ക്കാ​ത്ത​തു​മാ​യി ബ​ന്ധ​പ്പെ​ട്ട് മാ​സ​ങ്ങ​ളാ​യി പ​രാ​തി​ക​ളും പ​തി​വാ​യി​രു​ന്നു. ഡോ​ക്ട​റു​ടെ ആ​ത്മ​വി​ശ്വാ​സ കു​റ​വാ​ണ് ശ​സ്ത്ര​ക്രി​യ മു​ട​ങ്ങാ​ൻ മു​ഖ്യ​കാ​ര​ണ​മാ​യി ആ​ശു​പ​ത്രി സൂ​പ്ര​ണ്ട് എ​ച്ച്.​എം.​സി യോ​ഗ​ത്തി​ൽ ആ​രോ​പി​ച്ചി​രു​ന്ന​താ​ണ്.

ഡോ​ക്ട​റു​ടെ അ​ഭാ​വ​ത്തി​ൽ ആ​ശു​പ​ത്ര​യി​ലെ നേ​ത്ര​രോ​ഗ വി​ഭാ​ഗം നേ​രി​ടു​ന്ന പ്ര​തി​സ​ന്ധി പ​രി​ഹ​രി​ക്കാ​ൻ പ​ക​രം ഡോ​ക്ട​റെ നി​യ​മി​ക്ക​ണ​മെ​ന്ന് ജി​ല്ല മെ​ഡി​ക്ക​ൽ ഓ​ഫി​സ​റോ​ട് ആ​വ​ശ്യ​പ്പെ​ട്ടി​രു​ന്നെ​ങ്കി​ലും ഇ​ക്കാ​ര്യ​ത്തി​ലും തീ​രു​മാ​ന​മു​ണ്ടാ​യി​ട്ടി​ല്ല.