ചി​കി​ത്സ നി​ഷേ​ധം; ഒ​റ്റ​പ്പാ​ലം താ​ലൂ​ക്ക് ആ​ശു​പ​ത്രി സൂ​പ്ര​ണ്ടി​നോ​ട് വി​ശ​ദീ​ക​ര​ണം തേ​ടി

ഒ​റ്റ​പ്പാ​ലം: കോ​ത​കു​റു​ശ്ശി സ്വ​ദേ​ശി​നി​യാ​യ 12കാ​രി​ക്ക് ചി​കി​ത്സ നി​ഷേ​ധ​മു​ണ്ടാ​യെ​ന്ന ആ​രോ​പ​ണ​ത്തി​ന്റെ പ​ശ്ചാ​ത്ത​ല​ത്തി​ൽ താ​ലൂ​ക്ക് ആ​ശു​പ​ത്രി സൂ​പ്ര​ണ്ടി​നോ​ട് വി​ശ​ദീ​ക​ര​ണം തേ​ടി​യ​താ​യി ഒ​റ്റ​പ്പാ​ലം നാ​ഗ​ര​സ​ഭ അ​ധ്യ​ക്ഷ കെ. ​ജാ​ന​കി​ദേ​വി. ചു​മ​യും ക​ഫ​ക്കെ​ട്ടു​മാ​യി 12കാ​രി​യെ മാ​താ​വ് ക​ഴി​ഞ്ഞ ഞാ​യ​റാ​ഴ്ച​യാ​ണ് അ​ത്യാ​ഹി​ത വി​ഭാ​ഗ​ത്തി​ലെ ഡോ​ക്ട​റെ സ​മീ​പി​ച്ച​തെ​ന്ന് പ​റ​യു​ന്നു. എ​ക്സ്റേ, ര​ക്ത പ​രി​ശോ​ധ​ന എ​ന്നി​വ​യെ​ടു​ത്ത് അ​ടു​ത്ത​ദി​വ​സം കു​ട്ടി​ക​ളു​ടെ ഡോ​ക്ട​റെ കാ​ട്ടാ​നും ഡോ​ക്ട​ർ നി​ർ​ദേ​ശി​ച്ചു. അ​ടു​ത്ത​ദി​വ​സം ഒ.​പി​യി​ലു​ണ്ടാ​യി​രു​ന്ന കു​ട്ടി​ക​ളു​ടെ ഡോ​ക്ട​റെ പ​രി​ശോ​ധ​ന ഫ​ല​ങ്ങ​ൾ സ​ഹി​തം സ​മീ​പി​ച്ച​പ്പോ​ൾ അ​ദ്ദേ​ഹം കു​പി​ത​നാ​യി പ​രി​ശോ​ധ​ന ഫ​ലം ഉ​ൾ​പ്പ​ടെ രേ​ഖ​ക​ൾ മു​ഖ​ത്തേ​ക്ക് വ​ലി​ച്ചെ​റി​ഞ്ഞ​താ​യാ​ണ് പ​രാ​തി.

ആ​രെ​ങ്കി​ലും എ​ഴു​തി​വി​ടു​ന്ന പ​രി​ശോ​ധ​ന ഫ​ല​വു​മാ​യി വ​ന്നാ​ൽ അ​ത് നോ​ക്കാ​ന​ല്ല താ​നി​രി​ക്കു​ന്ന​തെ​ന്ന പ്ര​തി​ക​ര​ണ​ത്തോ​ടേ​യാ​ണ് വ​ലി​ച്ചെ​റി​ഞ്ഞ​തെ​ന്ന് രോ​ഗി​യു​ടെ മാ​താ​വ് ഒ​റ്റ​പ്പാ​ലം സ​ബ് ക​ല​ക്ട​ർ​ക്ക് ന​ൽ​കി​യ പ​രാ​തി​യി​ൽ പ​റ​യു​ന്നു. സ​ർ​ക്കാ​ർ ഡോ​ക്ട​ർ​മാ​രു​ടെ ഇ​ത്ത​ര​ത്തി​ലു​ള്ള പെ​രു​മാ​റ്റം നി​യ​മ​ലം​ഘ​ന​മാ​ണെ​ന്നും ചി​കി​ത്സാ​നി​ഷേ​ധം നീ​തി​ക​രി​ക്കാ​നാ​കാ​ത്ത​താ​ണെ​ന്നും ഡോ​ക്ട​ർ​ക്കെ​തി​രെ അ​ന്വേ​ഷ​ണം ന​ട​ത്തി ന​ട​പ​ടി സ്വീ​ക​രി​ക്ക​ണ​മെ​ന്നും സ​ബ് ക​ല​ക്ട​ർ, ആ​ശു​പ​ത്രി സൂ​പ്ര​ണ്ട്, ന​ഗ​ര​സ​ഭ അ​ധ്യ​ക്ഷ എ​ന്നി​വ​ർ​ക്ക് ന​ൽ​കി​യ പ​രാ​തി​യി​ൽ പ​റ​യു​ന്നു. അ​തേ​സ​മ​യം ഇ​ത്ത​രം ഒ​രു പ​രാ​തി ഇ​തേ​വ​രെ ല​ഭി​ച്ചി​ട്ടി​ല്ലെ​ന്നും എ​ന്നാ​ൽ കേ​ട്ടു​കേ​ൾ​വി​യു​ടെ അ​ടി​സ്ഥാ​ന​ത്തി​ൽ ആ​ശു​പ​ത്രി സൂ​പ്ര​ണ്ടി​നോ​ട് വാ​ക്കാ​ൽ വി​ശ​ദീ​ക​ര​ണം ആ​വ​ശ്യ​പ്പെ​ടു​ക​യാ​ണു​ണ്ടാ​യ​തെ​ന്നും ന​ഗ​ര​സ​ഭ അ​ധ്യ​ക്ഷ ജാ​ന​കി​ദേ​വി പ​റ​ഞ്ഞു.