പ്ര​തി​സ​ന്ധി​ക​ൾ​ക്ക് കു​റ​വി​ല്ല; നെ​ൽ​പ്പാ​ട​ങ്ങ​ളി​ൽ ഓ​ല​ചു​രു​ട്ടി പു​ഴു​ശ​ല്യം

ഒ​റ്റ​പ്പാ​ലം: പ്ര​തി​സ​ന്ധി​ക​ളെ ത​ര​ണം ചെ​യ്‌​തും ര​ണ്ടാം വി​ള ഇ​റ​ക്കി​യ മേ​ഖ​ല​യി​ലെ നെ​ൽ​പ്പാ​ട​ങ്ങ​ളി​ൽ ഓ​ല​ചു​രു​ട്ടി പു​ഴു​ശ​ല്യം രൂ​ക്ഷം. ര​ണ്ടും മൂ​ന്നും ത​വ​ണ കീ​ട​നാ​ശി​നി പ്ര​യോ​ഗം ന​ട​ത്തി​യി​ട്ടും ഫ​ല​മി​ല്ലാ​ത്ത അ​വ​സ്ഥ​യാ​ണ്. മ​രു​ന്ന് ത​ളി​ച്ചി​ട്ടും ന​ശി​ക്കാ​ത്ത ഓ​ല​ചു​രു​ട്ടി പു​ഴു​വി​ന് ഇ​നി​യെ​ന്ത് ചെ​യ്യ​ണ​മെ​ന്ന​റി​യാ​ത്ത സ്ഥി​തി​യി​ലാ​ണ് പ​ര​മ്പ​രാ​ഗ​ത നെ​ൽ​ക​ർ​ഷ​ക​രും. നെ​ൽ​ചെ​ടി​ക​ൾ നി​റം മാ​റു​ക​യും ഓ​ല​യു​ടെ അ​ഗ്ര​ങ്ങ​ൾ മു​റി​ഞ്ഞ് വ​ള​ർ​ച്ച മു​ര​ടി​ക്കു​ന്ന​തു​മാ​ണ് ഓ​ല​ചു​രു​ട്ടി പു​ഴു​വി​ന്റെ ല​ക്ഷ​ണം. തു​ട​ർ​ന്ന് നെ​ൽ​ച്ചെ​ടി അ​പ്പാ​ടെ ന​ശി​ക്കു​ക​യും ചെ​യ്യും.

എ​ക്കാ​ല​ക്സ് ഉ​ൾ​പ്പ​ടെ​യു​ള്ള നി​ര​വ​ധി കീ​ട​നാ​ശി​നി​ക​ൾ മാ​റി മാ​റി പ്ര​യോ​ഗി​ച്ചി​ട്ടും പു​ഴു​ശ​ല്യ​ത്തി​ന് ശാ​ശ്വ​ത പ​രി​ഹാ​രം കാ​ണാ​നാ​കാ​ത്ത​താ​ണ് ക​ർ​ഷ​ക​രെ കു​ഴ​പ്പി​ക്കു​ന്ന​ത്. ഓ​ല​ചു​രു​ട്ടി പു​ഴു​ശ​ല്യ​ത്തി​ന് പു​റ​മെ മേ​ഖ​ല​യി​ലെ ചി​ല പാ​ട​ശേ​ഖ​ര​ങ്ങ​ളി​ൽ ത​ണ്ടു​തു​ര​പ്പ​ൻ, മ​ഞ്ഞ​ളി​പ്പ് ബാ​ധ എ​ന്നി​വ അ​നു​ബ​ന്ധ ദു​രി​ത​ങ്ങ​ളാ​ണ്.

ഓ​ണം പി​ന്നി​ട്ട​തോ​ടെ മു​ള​പ്പി​ച്ച് ന​ടീ​ൽ പൂ​ർ​ത്തി​യാ​ക്കി​യ വ​യ​ലു​ക​ളി​ലും പു​ഴു​ശ​ല്യം പ്ര​ക​ട​മാ​ണ്. കാ​ലം തെ​റ്റി​പെ​യ്യു​ന്ന മ​ഴ​യും മൂ​ടി​യ അ​ന്ത​രീ​ക്ഷ​വു​മാ​ണ് ഓ​ല​ചു​രു​ട്ടി പു​ഴു​വി​ന്റെ വ്യാ​പ​ന​ത്തി​ന് കാ​ര​ണ​മെ​ന്ന് തോ​ട്ട​ക്ക​ര പാ​ട​ശേ​ഖ​ര സ​മി​തി മു​ൻ ഭാ​ര​വാ​ഹി അ​തി​യാ​ര​ത്ത് പ്ര​ഭാ​ക​ര​ൻ നാ​യ​ർ പ​റ​യു​ന്നു.

മ​ഞ്ഞു​മൂ​ടി​യ അ​ന്ത​രീ​ക്ഷം പു​ഴു​ശ​ല്യ​ത്തെ ത​ട​യി​ടാ​ൻ സ​ഹാ​യ​ക​മാ​ണെ​ന്നും ഇ​ദ്ദേ​ഹം ചൂ​ണ്ടി​ക്കാ​ട്ടു​ന്നു. പു​ഴു​ശ​ല്യം പ്ര​തി​രോ​ധി​ക്കാ​ൻ കീ​ട​നാ​ശി​നി​യി​ൽ ഞാ​റ് മു​ക്കി ന​ടു​ന്ന പ​തി​വ് പ​ണ്ടു​കാ​ല​ത്തു​ണ്ടാ​യി​രു​ന്നു. എ​ന്നാ​ൽ ഇ​ത​ര സം​സ​ഥാ​ന തൊ​ഴി​ലാ​ളി​ക​ളെ ന​ടീ​ലി​ന് പാ​ട​ത്ത് ഇ​റ​ക്കി​യ​തോ​ടെ ഇ​തി​നു​ള്ള അ​വ​സ​ര​വും ന​ഷ്ട​മാ​യി. ക​രാ​ർ അ​ടി​സ്ഥാ​ന​ത്തി​ൽ ജോ​ലി ചെ​യ്യു​ന്ന ഇ​വ​ർ​ക്ക് മ​രു​ന്നി​ൽ മു​ക്കി​യു​ള്ള ന​ടീ​ലി​ന് സ​മ​യ​വു​മി​ല്ലാ​താ​യി. പു​ഴു​ശ​ല്യ​ത്തി​ന് അ​ടി​യ​ന്ത​ര പ​രി​ഹാ​രം കാ​ണാ​ൻ അ​ധി​കൃ​ത​ർ രം​ഗ​ത്ത് വ​ര​ണ​മെ​ന്ന​താ​ണ് ക​ർ​ഷ​ക​രു​ടെ ആ​വ​ശ്യം.