പാ​ല​ക്കാ​ട് ജില്ലാശുപത്രിയിലെത്തുന്നു; 1.29 കോടിയുടെ സമഗ്ര ലാബ്

പാ​ല​ക്കാ​ട്: 1.29 കോ​ടി ചി​ല​വ​ഴി​ച്ച് ഹെ​മ​റ്റോ​ള​ജി, ക്ലി​നി​ക്ക​ൽ ബ​യോ​കെ​മി​സ്ട്രി, മൈ​ക്രോ​ബ​യോ​ള​ജി, വൈ​റോ​ള​ജി, പ​തോ​ള​ജി വി​ഭാ​ഗ​ങ്ങ​ളി​ലെ ക്ലി​നി​ക്ക​ൽ പ​രി​ശോ​ധ​ന​ക​ളെ ഒ​രു കു​ട​ക്കീ​ഴി​ലാ​ക്കി സ​മ​ഗ്ര ലാ​ബ് സ​ജ്ജ​മാ​കാ​നൊ​രു​ങ്ങി ജി​ല്ല ആ​ശു​പ​ത്രി. ദേ​ശീ​യ ​ഗ്രാ​മീ​ണ ആ​രോ​ഗ്യ ദൗ​ത്യ​ത്തി​ന്റെ ഭാ​ഗ​മാ​യി രോ​ഗീ സൗ​ഹൃ​ദ ക്ലി​നി​ക്ക് ല​ക്ഷ്യ​മി​ട്ട് സം​യോ​ജി​ത പൊ​തു​ജ​നാ​രോ​ഗ്യ ലാ​ബാ​ണ് ജി​ല്ല ആ​ശു​പ​ത്രി​യി​ൽ സ​ജ്ജ​മാ​കു​ക. സം​സ്ഥാ​ന​ത്തെ പ​ത്തു​ജി​ല്ല​ക​ൾ​ക്കാ​ണ് പ​ദ്ധ​തി ല​ഭ്യ​മാ​യ​ത്. ഇ​തി​ന്റെ നി​ർ​മാ​ണ ന​ട​പ​ടി ജി​ല്ല ലാ​ബ​റ​ട്ടി​യോ​ട് ചേ​ർ​ന്ന് തു​ട​ങ്ങി​യി​ട്ടു​ണ്ട്. ഇ​തോ​ടെ ഇ​പ്പോ​ൾ ര​ണ്ടി​ട​ത്താ​യി പ്ര​വ​ർ​ത്തി​ക്കു​ന്ന ജി​ല്ല ആ​ശു​പ​ത്രി ലാ​ബ്, ജി​ല്ലാ​ശു​പ​ത്രി​യി​ലെ ഹോ​സ്പി​റ്റ​ൽ മ​നേ​ജ്മ​ന്റെ് ക​മ്മി​റ്റി (എ​ച്ച്.​എം.​സി.)​യു​ടെ നി​യ​ന്ത്ര​ണ​ത്തി​ൽ പ്ര​വ​ർ​ത്തി​ക്കു​ന്ന ജി​ല്ല ലാ​ബ്, ആ​ർ.​ഡി.​സി ലാ​ബ് എ​ന്നി​വ ഒ​ന്നാ​യി മാ​റും.

ജി​ല്ലാ​ശു​പ​ത്രി​യി​ലെ രോ​ഗി​ക​ൾ​ക്കു പു​റ​മെ പു​റ​ത്തു​നി​ന്നു​ള്ള രോ​ഗി​ക​ൾ​ക്കും തു​ച്ഛ​മാ​യ തു​ക ന​ൽ​കി പ​രി​ശോ​ധ​ന ന​ട​ത്താ​മാ​യി​രു​ന്ന ആ​ർ.​ഡി.​സി സം​വി​ധാ​നം ഇ​ല്ലാ​താ​കു​മെ​ന്ന ആ​ശ​ങ്ക ഇ​തി​ന​കം ഉ​യ​ർ​ന്നി​ട്ടു​ണ്ട്. എ​ച്ച്.​എം.​സി​യി​ലെ ചി​ല അം​ഗ​ങ്ങ​ൾ ആ​ർ.​ഡി.​സി ലാ​ബ് ഇ​ല്ലാ​താ​കു​ന്ന​തി​നെ​തി​രെ യോ​ഗ​ത്തി​ൽ പ്ര​തി​ഷേ​ധ​മ​റി​യി​ച്ചി​രു​ന്നു. എ​ച്ച്.​എം.​സി​യു​ടെ നി​യ​ന്ത്ര​ണ​ത്തി​ൽ ആ​ർ.​ഡി.​സി ലാ​ബ് നി​ല നി​ർ​ത്ത​ണ​മെ​ന്നാ​വ​ശ്യ​പ്പെ​ട്ട് അം​ഗ​മാ​യി​രു​ന്ന മാ​ധ​വ വാ​ര്യ​ർ ഹൈ​ക്കോ​ട​തി​യെ സ​മീ​പി​ച്ചി​ട്ടു​ണ്ട്.