പാലക്കാട് ഗവ. മെഡിക്കൽ കോളജ്; പതിറ്റാണ്ട് പിന്നിട്ടിട്ടും പൂർണ സജ്ജമായില്ല

പാ​ല​ക്കാ​ട്: പ​ട്ടി​ക​ജാ​തി വ​കു​പ്പി​ന് കീ​ഴി​ൽ രാ​ജ്യ​ത്ത് ആ​ദ്യ​മാ​യി ആ​രം​ഭി​ച്ച പാ​ല​ക്കാ​ട് ഗ​വ. മെ​ഡി​ക്ക​ൽ കോ​ള​ജ് ഒ​രു പ​തി​റ്റാ​ണ്ട് പി​ന്നി​ട്ടി​ട്ടും പൂ​ർ​ണ​മാ​യി പ്ര​വ​ർ​ത്ത​ന​സ​ജ്ജ​മാ​യി​ല്ല. പ​ഠ​ന​സൗ​ക​ര്യ​ങ്ങ​ളു​ടെ അ​പ​ര്യാ​പ്ത​ത​യും അ​ധ്യാ​പ​ക​രു​ടെ കു​റ​വു​മെ​ല്ലാം പ്ര​വ​ർ​ത്ത​ന​ത്തെ പ്ര​തി​കൂ​ല​മാ​യി ബാ​ധി​ക്കു​ന്നു. അ​ത്യാ​വ​ശ്യ ഘ​ട്ട​ങ്ങ​ളി​ലെ​ല്ലാം മ​റ്റു ജി​ല്ല​ക​ളി​ലെ ആ​ശു​പ​ത്രി​ക​ളെ ആ​ശ്ര​യി​ക്കു​ന്ന പാ​ല​ക്കാ​ടി​ന് ആ​ശ്വാ​സ​മാ​യി 2014 സെ​പ്റ്റം​ബ​ർ 19നാ​ണ് ഗ​വ. മെ​ഡി​ക്ക​ൽ കോ​ള​ജ് സ്ഥാ​പി​ത​മാ​യ​ത്. എ​ന്നാ​ൽ, 10 വ​ർ​ഷ​ത്തി​നി​പ്പു​റ​വും അ​ടി​യ​ന്ത​ര സാ​ഹ​ച​ര്യ​ങ്ങ​ളി​ൽ തൃ​ശൂ​ർ മെ​ഡി​ക്ക​ൽ കോ​ള​ജി​നെ​യോ കോ​യ​മ്പ​ത്തൂ​രി​നെ​യോ ആ​ശ്ര​യി​ക്കേ​ണ്ട ഗ​തി​കേ​ടി​ലാ​ണ് പാ​ല​ക്കാ​ട്ടെ ജ​നം. മി​ക​ച്ച ചി​കി​ത്സാ​സൗ​ക​ര്യ​ങ്ങ​ൾ വാ​ഗ്ദാ​നം ചെ​യ്ത് ആ​രം​ഭി​ച്ച മെ​ഡി​ക്ക​ൽ കോ​ള​ജി​ന് ത​ന്നെ ചി​കി​ത്സ വേ​ണ​മെ​ന്ന സ്ഥി​തി​യാ​ണി​പ്പോ​ൾ.

അ​തേ​സ​മ​യം, കെ​ട്ടി​ടം നി​ർ​മാ​ണ പ്ര​വൃ​ത്തി​ക​ൾ പൂ​ർ​ത്തി​യാ​ക്കി ബു​ധ​നാ​ഴ്ച കൈ​മാ​റു​മെ​ന്നാ​ണ് അ​റി​യി​ച്ചി​രി​ക്കു​ന്ന​തെ​ന്ന് മെ​ഡി​ക്ക​ൽ കോ​ള​ജ് ഡ​യ​റ​ക്ട​ർ ഒ.​കെ. മ​ണി പ​റ​ഞ്ഞു.

ഫ​യ​ർ എ​ൻ.​ഒ.​സി ഇ​ല്ല

10 വ​ർ​ഷ​മാ​യി​ട്ടും കി​ട​ത്തി​ച്ചി​കി​ത്സ ആ​രം​ഭി​ക്കാ​നാ​യി​ട്ടി​ല്ല എ​ന്ന​താ​ണ് പാ​ല​ക്കാ​ട് ഗ​വ. മെ​ഡി​ക്ക​ൽ കോ​ള​ജ് നേ​രി​ടു​ന്ന ഏ​റ്റ​വും വ​ലി​യ പ്ര​ശ്നം. ലോ​ക്സ​ഭ തെ​ര​ഞ്ഞെ​ടു​പ്പി​ന് മു​ന്നോ​ടി​യാ​യി കി​ട​ത്തി​ച്ചി​കി​ത്സ തു​ട​ങ്ങി​യെ​ങ്കി​ലും പി​ന്നീ​ട് നി​ല​ച്ചു. കെ​ട്ടി​ട​ങ്ങ​ൾ ഉ​യ​ർ​ന്നി​ട്ടു​ണ്ടെ​ങ്കി​ലും മെ​ഡി​ക്ക​ൽ കോ​ള​ജി​ന് ഇ​തു​വ​രെ ഫ​യ​ർ എ​ൻ.​ഒ.​സി ല​ഭി​ച്ചി​ട്ടി​ല്ല. മൂ​വാ​റ്റു​പു​ഴ കേ​ന്ദ്ര​മാ​യ സ്വ​കാ​ര്യ ക​രാ​റു​കാ​രാ​ണ് മെ​ഡി​ക്ക​ൽ കോ​ള​ജ് നി​ർ​മാ​ണം ന​ട​ത്തു​ന്ന​ത്. പൊ​തു​മ​രാ​മ​ത്ത് വ​കു​പ്പി​നാ​ണ് മേ​ൽ​നോ​ട്ട ചു​മ​ത​ല. നി​ർ​മാ​ണ സ​മ​യ​ത്ത് ക​രാ​റു​കാ​ർ എ​ൻ.​ഒ.​സി​ക്കാ​യി അ​പേ​ക്ഷ ന​ൽ​കി​യി​ട്ടി​ല്ലെ​ന്നാ​ണ് പ​റ​യു​ന്ന​ത്. വേ​ണ്ട​ത്ര സു​ര​ക്ഷാ​സം​വി​ധാ​ന​ങ്ങ​ളി​ല്ലാ​തെ കി​ട​ത്തി​ച്ചി​കി​ത്സ തു​ട​ങ്ങു​ന്ന​ത് അ​പ​ക​ട​മാ​ണ്.

ഇ​നീ​ഷ്യ​ൽ ക​മീ​ഷ​ൻ, ഫൈ​ന​ൽ ക​മീ​ഷ​ൻ എ​ന്നി​ങ്ങ​നെ ര​ണ്ട് ത​ര​ത്തി​ൽ എ​ൻ.​ഒ.​സി​ക്കാ​യി അ​ഗ്നി​ര​ക്ഷാ​സേ​ന​യി​ൽ അ​പേ​ക്ഷ ന​ൽ​കാം. നി​ർ​മാ​ണം തു​ട​ങ്ങു​ന്ന സ​മ​യ​ത്ത് കെ​ട്ടി​ട​ത്തി​ന്‍റെ പ്ലാ​ൻ ഉ​ൾ​പ്പെ​ടെ ന​ൽ​കു​ന്ന​താ​ണ് ഇ​നീ​ഷ്യ​ൽ ക​മീ​ഷ​ൻ. സു​ര​ക്ഷ സം​വി​ധാ​ന​ങ്ങ​ളൊ​രു​ക്കു​ന്ന​തി​ൽ പോ​രാ​യ്മ​ക​ളു​ണ്ടെ​ങ്കി​ൽ ഈ ​സ​മ​യ​ത്ത് അ​റി​യി​ക്കും. കെ​ട്ടി​ട നി​ർ​മാ​ണം ക​ഴി​ഞ്ഞ ശേ​ഷം അ​പേ​ക്ഷ ന​ൽ​കു​ന്ന​താ​ണ് ​ഫൈ​ന​ൽ ക​മീ​ഷ​ൻ. ഈ ​ഘ​ട്ട​ത്തി​ൽ പോ​രാ​യ്മ​ക​ൾ ക​ണ്ടെ​ത്തി​യാ​ൽ കെ​ട്ടി​ടം പൊ​ളി​ച്ചു​മാ​റ്റേ​ണ്ട സ്ഥി​തി​യു​ണ്ടാ​കും. നി​ല​വി​ൽ മെ​ഡി​ക്ക​ൽ കോ​ള​ജി​ലെ സു​ര​ക്ഷാ​സം​വി​ധാ​ന​ങ്ങ​ളി​ൽ ചി​ല മാ​റ്റ​ങ്ങ​ൾ ഫ​യ​ർ​ഫോ​ഴ്സ് നി​ർ​ദേ​ശി​ച്ചി​ട്ടു​ണ്ട്.

33 പേ​ർ​ക്ക് നി​യ​മ​ന ഉ​ത്ത​ര​വ് ന​ൽ​കി

അ​ധ്യാ​പ​ക​രു​ടെ കു​റ​വ് നി​ക​ത്താ​ൻ ആ​ഗ​സ്റ്റി​ൽ ന​ട​ത്തി​യ അ​ഭി​മു​ഖ​ത്തി​ൽ തെ​ര​ഞ്ഞെ​ടു​ക്ക​പ്പെ​ട്ട 33 പേ​ർ​ക്ക് നി​യ​മ​ന ഉ​ത്ത​ര​വ് ന​ൽ​കി​യ​താ​യി മെ​ഡി​ക്ക​ൽ കോ​ള​ജ് ഡ​യ​റ​ക്ട​ർ പ​റ​ഞ്ഞു.

30 ജൂ​നി​യ​ർ റ​സി​ഡ​ന്‍റു​മാ​ർ, ര​ണ്ട് സീ​നി​യ​ർ റ​സി​ഡ​ന്‍റു​മാ​ർ, ഒ​രു അ​സി​സ്റ്റ​ന്‍റ് പ്ര​ഫ​സ​ർ എ​ന്നി​വ​ർ​ക്കാ​ണ് നി​യ​മ​ന ഉ​ത്ത​ര​വ് ന​ൽ​കി​യ​ത്. ഇ​തി​നു പു​റ​മെ ഡെ​പ്യൂ​ട്ടേ​ഷ​ൻ വ്യ​വ​സ്ഥ​യി​ലു​ള്ള നി​യ​മ​ന​ങ്ങ​ൾ​ക്കും ന​ട​പ​ടി പു​രോ​ഗ​മി​ക്കു​ന്നു​ണ്ടെ​ന്ന് അ​ദ്ദേ​ഹം പ​റ​ഞ്ഞു. നേ​ര​ത്തെ ജൂ​ലൈ​യി​ൽ അ​പേ​ക്ഷ ക്ഷ​ണി​ച്ച് കൂ​ടി​ക്കാ​ഴ്ച ന​ട​ത്തി 34 പേ​ർ​ക്ക് നി​യ​മ​ന ഉ​ത്ത​ര​വ് ന​ൽ​കി​യി​രു​ന്നു. ഇ​തി​ൽ 14 പേ​ർ നി​യ​മി​ത​രാ​യെ​ങ്കി​ലും പി​ന്നീ​ട് ജോ​ലി ഉ​പേ​ക്ഷി​ച്ച​തോ​ടെ​യാ​ണ് വീ​ണ്ടും അ​ഭി​മു​ഖം ന​ട​ത്തേ​ണ്ടി വ​ന്ന​ത്. മെ​ഡി​ക്ക​ൽ കോ​ള​ജി​ൽ ശ​മ്പ​ളം കൃ​ത്യ​മാ​യി കി​ട്ടു​ന്നി​ല്ലെ​ന്ന ത​ര​ത്തി​ൽ വ്യാ​ജ​പ്ര​ചാ​ര​ണം ന​ട​ക്കു​ന്നു​ണ്ടെ​ന്നും അ​ത് വാ​സ്ത​വ​വി​രു​ദ്ധ​മാ​ണെ​ന്നും ഡ​യ​റ​ക്ട​ർ പ​റ​ഞ്ഞു.