‘അടിയൊഴുക്കിന്റെ’ അകലത്തിൽ വ്യക്തതയില്ലാതെ പാലക്കാട്

പാ​ല​ക്കാ​ട്: അ​ര​ല​ക്ഷം വോ​ട്ടി​ന്റെ ഭൂ​രി​പ​ക്ഷം അ​വ​കാ​ശ​പ്പെ​ടു​ന്നു​ണ്ടെ​ങ്കി​ലും ഇ​നി​യും വ്യ​ക്ത​ത​യി​ല്ലാ​ത്ത ‘അ​ടി​യൊ​ഴു​ക്കി​ന്റെ’ അ​ക​ലം, ബൂ​ത്തു​ത​ല വോ​ട്ട് നി​ല​യു​ൾ​പ്പെ​ടെ വി​ല​യി​രു​ത്തി​യ ശേ​ഷ​വും പാ​ല​ക്കാ​ട്ട് ഇ​ട​ത്- വ​ല​ത് മു​ന്ന​ണി​ക​ളെ ആ​ശ​ങ്ക​യി​ലാ​ക്കു​ന്നു. ഭ​ര​ണ​വി​രു​ദ്ധ വി​കാ​ര​വും അ​ഞ്ച് വ​ർ​ഷ​ത്തെ മ​ണ്ഡ​ല പ​രി​ച​യ​വും യു.​ഡി.​എ​ഫി​ന്റെ വി.​കെ. ശ്രീ​ക​ണ്ഠ​ന് ആ​ത്മ​വി​ശ്വാ​സ​മേ​കു​മ്പോ​ൾ മ​ണ്ഡ​ല​ത്തി​ലെ ഇ​ട​തു​പ​ക്ഷ മേ​ൽ​ക്കൈ വോ​ട്ടാ​ക്കി മാ​റ്റാ​നാ​യെ​ന്ന വി​ല​യി​രു​ത്ത​ലി​ലാ​ണ് എ. ​വി​ജ​യ​രാ​ഘ​വ​ന്റെ ഇ​ട​ത് ക്യാ​മ്പ്.

ക്യൂ ​നീ​ണ്ട​തി​നാ​ൽ പ​ല​രും തി​രി​ച്ചു​പോ​യ​തും, പ്ര​വാ​സി വോ​ട്ടി​ലു​ണ്ടാ​യ കു​റ​വും, ഇ​ര​ട്ട​വോ​ട്ടു​ക​ൾ ക​യ​റി​ക്കൂ​ടി​യ​തു​മൊ​ക്കെ പോ​ളി​ങ് കു​റ​യാ​നി​ട​യാ​ക്കി.

ഈ ​കു​റ​വി​നി​ട​യി​ലും ത​ങ്ങ​ളു​ടെ പ​ര​മാ​വ​ധി വോ​ട്ടു​ക​ൾ വീ​ണി​ട്ടു​ണ്ടെ​ന്ന് ആ​വ​ർ​ത്തി​ച്ചു​റ​പ്പി​ക്കു​ന്നു സി.​പി.​എം. എം.​പി സ്ഥാ​ന​ത്തേ​ക്ക് മ​ത്സ​രി​ക്കു​ന്ന സി.​പി.​എ​മ്മി​ന്റെ ഏ​ക പോ​ളി​റ്റ് ബ്യൂ​റോ അം​ഗ​മാ​യ​തി​നാ​ൽ എ. ​വി​ജ​യ​രാ​ഘ​വ​ന് വേ​ണ്ടി പാ​ർ​ട്ടി മെ​ഷി​ന​റി അ​ത്ര മി​ക​ച്ച രീ​തി​യി​ൽ പ്ര​വ​ർ​ത്തി​ച്ചി​ട്ടു​മു​ണ്ട്. എ​ന്നാ​ൽ, ജ​ന​ത്തി​ന് ത​ന്നി​ലു​ള്ള വി​ശ്വാ​സം വോ​ട്ടാ​യി മാ​റു​മെ​ങ്കി​ൽ ക​ഴി​ഞ്ഞ ത​വ​ണ​ത്തെ വി​ജ​യ വോ​ട്ടി​നേ​ക്കാ​ൾ നാ​ലി​ര​ട്ടി വോ​ട്ട് നേ​ടു​മെ​ന്ന് വി.​കെ. ശ്രീ​ക​ണ്ഠ​ൻ പ​റ​യു​ന്നു.

അ​ര​ല​ക്ഷം വോ​ട്ടു​ക​ൾ ഇ​രു​മു​ന്ന​ണി​ക​ളും അ​വ​കാ​ശ​പ്പെ​ടു​ന്നു​ണ്ടെ​ങ്കി​ലും വ​ലി​യ ഭൂ​രി​പ​ക്ഷം ഇ​രു​പ​ക്ഷ​ത്തി​നു​മു​ണ്ടാ​വി​ല്ല.

ക​ഴി​ഞ്ഞ തെ​ര​ഞ്ഞെ​ടു​പ്പി​ലെ ശ്രീ​ക​ണ്ഠ​ന്റെ ജ​യം നി​ർ​ണ​യി​ച്ച വോ​ട്ടു​ക​ളേ​ക്കാ​ൾ എ​ത്ര​യോ അ​ധി​കം പു​തു​വോ​ട്ട​ർ​മാ​രെ ത​ങ്ങ​ൾ ചേ​ർ​ത്തി​ട്ടു​ണ്ടെ​ന്ന് സി.​പി.​എം ആ​ത്മ​വി​ശ്വാ​സ​ത്തോ​ടെ പ​റ​യു​ന്നു. ശ​​ത​​മാ​​നം നോ​​ക്കി​​യാ​​ൽ 2009, 2014 തെ​​ര​​ഞ്ഞെ​​ടു​​പ്പി​​ലെ ശ​​ത​​മാ​​ന​​ക്ക​​ണ​​ക്കി​​നൊ​​പ്പ​​മാ​​ണ് ഇ​​ത്ത​​വ​​ണ​​ത്തെ വോ​​ട്ടി​​ങ് നി​​ല (യ​​ഥാ​​ക്ര​​മം 73.5, 73.25). ഇ​​ട​​തു​​പ​​ക്ഷ​​ത്തോ​​ടൊ​​പ്പം നി​​ന്ന തെ​​ര​​ഞ്ഞെ​​ടു​​പ്പ് ഫ​​ല​​മാ​​യി​​രു​​ന്നു അ​​വ.

ഇ​ത്ത​വ​ണ പ​ട്ടാ​മ്പി ത​ങ്ങ​ൾ​ക്കൊ​പ്പ​മാ​ണെ​ന്നാ​ണ് എ​ൽ.​ഡി.​എ​ഫ് ഉ​റ​ച്ച് വി​ശ്വ​സി​ക്കു​ന്ന​ത്. ത​ങ്ങ​ൾ​ക്ക് നി​ർ​ണാ​യ​ക​മാ​യ മ​ണ്ണാ​ർ​ക്കാ​ട് മ​ണ്ഡ​ല​ത്തി​ൽ നി​ന്ന് ക​ഴി​ഞ്ഞ ഭൂ​രി​പ​ക്ഷ​മാ​യ 29,625 വോ​ട്ടി​നേ​ക്കാ​ൾ കൂ​ടു​ത​ൽ വോ​ട്ട് ത​ങ്ങ​ൾ​ക്കു​റ​പ്പാ​ണെ​ന്ന് യു.​ഡി.​എ​ഫ് വി​ശ്വ​സി​ക്കു​ന്നു. ഇ​തി​നെ ഷൊ​ർ​ണൂ​ർ, ഒ​റ്റ​പ്പാ​ലം, മ​ല​മ്പു​ഴ, കോ​ങ്ങാ​ട്​ മ​ണ്ഡ​ല​ങ്ങ​ളി​ലെ ഭൂ​രി​പ​ക്ഷ​ത്തി​ലൂ​ടെ മ​റി​ക​ട​ക്കാ​നാ​കു​മെ​ന്ന ആ​ത്​​മ​വി​ശ്വാ​സ​ത്തി​ലാ​ണ്​ സി.​പി.​എം. ഇ​​ട​​തു​​കോ​​ട്ട​​യാ​​യ മ​​ല​​മ്പു​​ഴ മ​​ണ്ഡ​​ല​​ത്തി​​ൽ അ​​ഞ്ച് ശ​​ത​​മാ​​നം വോ​​ട്ടി​​ന്റെ കു​​റ​​വു​​ണ്ടാ​​യി.

പോ​​ളി​​ങ്ങി​​ൽ ഏ​​റ്റ​​വും കു​​റ​​വ് പാ​​ല​​ക്കാ​​ട് മ​​ണ്ഡ​​ല​​ത്തി​​ലാ​യി​രു​ന്നെ​ന്ന​ത് വി.​കെ. ശ്രീ​ക​ണ്ഠ​ന്റെ നെ​ഞ്ചി​ടി​പ്പ് കൂ​ട്ടി​യി​ട്ടു​ണ്ട്. ബി.​​ജെ.​​പി കൂ​​ടു​​ത​​ൽ വോ​​ട്ട് ​നേ​​ടു​​മെ​​ന്നു​​റ​​പ്പി​​ക്കു​​മെ​​ന്ന് പ്ര​​തീ​​ക്ഷി​​ക്കു​​ന്ന മ​​ണ്ഡ​​ല​​ത്തി​​ലെ വോ​​ട്ട് കു​​റ​​വ് യു.​​ഡി.​​എ​​ഫി​നെ​​യാ​​ണ് ബാ​​ധി​​ക്കു​​ക.

വോട്ടെണ്ണൽ ഒരുക്കങ്ങൾ പൂ​ർത്തിയായി

രാ​വി​ലെ എ​ട്ടി​ന് പോ​സ്റ്റ​ല്‍ ബാ​ല​റ്റു​ക​ള്‍ എ​ണ്ണി​ത്തു​ട​ങ്ങും

പാ​ല​ക്കാ​ട്: ലോ​ക്സ​ഭ തെ​ര​ഞ്ഞെ​ടു​പ്പി​ന്റെ വോ​ട്ടെ​ണ്ണ​ല്‍ കേ​ന്ദ്ര​മാ​യ ഗ​വ. വി​ക്ടോ​റി​യ കോ​ള​ജി​ല്‍ ഒ​രു​ക്ക​ങ്ങ​ൾ പൂ​ർ​ത്തി​യാ​യ​താ​യി ക​ല​ക്ട​ർ വാ​ർ​ത്ത​സ​മ്മേ​ള​ന​ത്തി​ൽ അ​റി​യി​ച്ചു.

പാ​ല​ക്കാ​ട് ലോ​ക്സ​ഭ മ​ണ്ഡ​ല​ത്തി​ലു​ള്‍പ്പെ​ട്ട പ​ട്ടാ​മ്പി, ഷൊ​ര്‍ണൂ​ര്‍, ഒ​റ്റ​പ്പാ​ലം, കോ​ങ്ങാ​ട്, മ​ണ്ണാ​ര്‍ക്കാ​ട്, മ​ല​മ്പു​ഴ, പാ​ല​ക്കാ​ട് നി​യ​മ​സ​ഭ മ​ണ്ഡ​ല​ങ്ങ​ളി​ലു​ള്‍പ്പെ​ട്ട 1329 വീ​തം പോ​ളി​ങ് സ്റ്റേ​ഷ​നു​ക​ളി​ലേ​ത് വി​ക്ടോ​റി​യ കോ​ള​ജി​ലെ പു​തി​യ ബ്ലോ​ക്കി​ലും ആ​ല​ത്തൂ​ര്‍ ലോ​ക്സ​ഭ മ​ണ്ഡ​ല​ത്തി​ലെ ചി​റ്റൂ​ര്‍, നെ​ന്മാ​റ, ആ​ല​ത്തൂ​ര്‍, ത​രൂ​ര്‍, ചേ​ല​ക്ക​ര, കു​ന്നം​കു​ളം, വ​ട​ക്ക​ഞ്ചേ​രി നി​യ​മ​സ​ഭ മ​ണ്ഡ​ല​ങ്ങ​ളി​ലെ 1156 പോ​ളി​ങ് സ്റ്റേ​ഷ​നു​ക​ളി​ലേ​ത് പ​ഴ​യ ബ്ലോ​ക്കി​ലു​മാ​യി എ​ണ്ണും.

പാ​ല​ക്കാ​ട് പ​ത്തും ആ​ല​ത്തൂ​ര്‍ അ​ഞ്ചും സ്ഥാ​നാ​ർ​ഥി​ക​ളാ​ണു​ള്ള​ത്. നാ​ലി​ന് രാ​വി​ലെ എ​ട്ടി​ന് പോ​സ്റ്റ​ല്‍ ബാ​ല​റ്റു​ക​ളാ​വും ആ​ദ്യം എ​ണ്ണി​ത്തു​ട​ങ്ങു​ക. തു​ട​ര്‍ന്ന് സ്ഥാ​നാ​ർ​ഥി​ക​ളെ​യോ സ്ഥാ​നാ​ർ​ഥി പ്ര​തി​നി​ധി​ക​ളെ​യോ സാ​ക്ഷി​യാ​ക്കി സ്ട്രോ​ങ് റൂ​മു​ക​ളു​ടെ സീ​ലി​ങ് നീ​ക്കി വോ​ട്ടി​ങ് മെ​ഷീ​നു​ക​ള്‍ വോ​ട്ടെ​ണ്ണ​ല്‍ ഹാ​ളു​ക​ളി​ലെ​ത്തി​ച്ച് മേ​ശ​ക​ളി​ല്‍ സ​ജ്ജീ​ക​രി​ച്ച് 8.30 മു​ത​ല്‍ എ​ണ്ണാ​ന്‍ തു​ട​ങ്ങും.

പാ​ല​ക്കാ​ട് ലോ​ക്സ​ഭ മ​ണ്ഡ​ല​ത്തി​ന്റെ ഏ​ഴ് നി​യ​മ​സ​ഭ മ​ണ്ഡ​ല​ങ്ങ​ള്‍ക്കാ​യി ഏ​ഴ് വോ​ട്ടെ​ണ്ണ​ല്‍ ഹാ​ളു​ക​ളാ​ണു​ള്ള​ത്. ഓ​രോ വോ​ട്ടെ​ണ്ണ​ല്‍ ഹാ​ളു​ക​ളി​ലും 14 മേ​ശ​ക​ള്‍ വീ​തം മൊ​ത്തം 98 മേ​ശ​ക​ള്‍ സ​ജ്ജീ​ക​രി​ക്കും. ആ​ല​ത്തൂ​ര്‍ ലോ​ക്സ​ഭ മ​ണ്ഡ​ല​ത്തി​ന്റെ ഏ​ഴ് നി​യ​മ​സ​ഭ മ​ണ്ഡ​ല​ങ്ങ​ള്‍ക്കാ​യി 11 കൗ​ണ്ടി​ങ് ഹാ​ളു​ക​ളു​ക​ളി​ലാ​യി 91 മേ​ശ​ക​ള്‍ സ​ജ്ജീ​ക​രി​ക്കും.

ഓ​രോ വോ​ട്ടെ​ണ്ണ​ല്‍ ഹാ​ളു​ക​ളി​ലും ആ​ദ്യ​ത്തെ മേ​ശ വി.​വി.​പാ​റ്റ് കൗ​ണ്ടി​ങ് ബൂ​ത്താ​യി വേ​ര്‍തി​രി​ച്ച് സ​ജ്ജീ​ക​രി​ച്ചി​രി​ക്കും. അ​വ​ക്ക​ക​ത്താ​യി​രി​ക്കും വി.​വി.​പാ​റ്റ് സ്ലി​പ്പു​ക​ള്‍ എ​ണ്ണു​ക. ഓ​രോ നി​യ​മ​സ​ഭ മ​ണ്ഡ​ല​ത്തി​ലും ന​റു​ക്കി​ട്ടെ​ടു​ക്കു​ന്ന അ​ഞ്ച് പോ​ളി​ങ് സ്റ്റേ​ഷ​നു​ക​ളി​ലെ വി.​വി.​പാ​റ്റ് മെ​ഷീ​നു​ക​ളി​ലു​ള്ള സ്ലി​പ്പു​ക​ള്‍ വി.​വി.​പാ​റ്റ് കൗ​ണ്ടി​ങ് ബൂ​ത്തി​ല്‍ എ​ണ്ണും.

പോ​സ്റ്റ​ല്‍ ബാ​ല​റ്റ്, ഇ.​വി.​എം, പി​ന്നെ വി.​വി.​പാ​റ്റ് സ്ലി​പ് എ​ന്നി​ങ്ങ​നെ​യാ​ണ് എ​ണ്ണു​ന്ന​തി​നു​ള്ള ക്ര​മം. ഏ​തെ​ങ്കി​ലും കാ​ര​ണ​വ​ശാ​ല്‍ പോ​സ്റ്റ​ല്‍ ബാ​ല​റ്റു​ക​ളു​ടെ വോ​ട്ടെ​ണ്ണ​ല്‍ നീ​ണ്ടു​പോ​കു​ന്ന പ​ക്ഷം ഇ.​വി.​എ​മ്മി​ന്റെ അ​വ​സാ​ന റൗ​ണ്ട് വോ​ട്ടെ​ണ്ണ​ല്‍ നി​ര്‍ത്തി​വെ​ച്ച് പോ​സ്റ്റ​ല്‍ ബാ​ല​റ്റു​ക​ളു​ടെ വോ​ട്ടെ​ണ്ണ​ല്‍ പൂ​ര്‍ത്തി​യാ​യ ശേ​ഷം മാ​ത്ര​മാ​വും ഇ.​വി.​എ​മ്മി​ന്റെ അ​വ​സാ​ന റൗ​ണ്ട് വോ​ട്ടെ​ണ്ണ​ല്‍ പു​ന​രാ​രം​ഭി​ക്കു​ക​യു​ള്ളൂ.

ഓ​രോ ടേ​ബി​ളി​നു​മാ​യി കൗ​ണ്ടി​ങ് സൂ​പ്പ​ര്‍വൈ​സ​ര്‍, അ​സി​സ്റ്റ​ന്റ് എ​ന്നി​വ​ര്‍ക്കു പു​റ​മെ മൈ​ക്രോ ഒ​ബ്സ​ര്‍വ​ര്‍മാ​രെ നി​യോ​ഗി​ച്ചി​ട്ടു​ണ്ടാ​കും. ഓ​രോ ഹാ​ളി​നു​മാ​യി അ​ത​ത് മ​ണ്ഡ​ല​ങ്ങ​ളി​ലെ അ​സി​സ്റ്റ​ന്റ് റി​ട്ടേ​ണി​ങ് ഓ​ഫി​സ​ര്‍മാ​ര്‍ ചു​മ​ത​ല​യി​ലു​ണ്ടാ​കും. വോ​ട്ടെ​ണ്ണ​ല്‍ പ്ര​ക്രി​യ പൂ​ര്‍ണ​മാ​യും വി​ഡി​യോ ചി​ത്രീ​ക​ര​ണം ന​ട​ത്തും. വോ​ട്ടെ​ണ്ണ​ല്‍ ഫ​ലം ത​ത്സ​മ​യ​മ​റി​യാ​ല്‍ അ​തോ​റി​റ്റി ലെ​റ്റ​ര്‍ ഉ​ള​ള മാ​ധ്യ​മ​പ്ര​വ​ര്‍ത്ത​ക​ര്‍ക്കാ​യി വോ​ട്ടെ​ണ്ണ​ല്‍ കേ​ന്ദ്ര​ത്തി​ല്‍ പി.​ആ​ര്‍.​ഡി​യു​ടെ മേ​ല്‍നോ​ട്ട​ത്തി​ല്‍ മീ​ഡി​യ സെ​ന്റ​റും സ​ജ്ജീ​ക​രി​ച്ചി​ട്ടു​ണ്ട്.