ആ​ശ​ങ്ക​യു​ടെ ട്രാ​ക്കി​ൽ പാ​ല​ക്കാ​ട് റെ​യി​ൽ​വേ ഡി​വി​ഷ​ൻ

പാ​ല​ക്കാ​ട്: ആ​റ് പ​തി​റ്റാ​ണ്ട് പി​ന്നി​ട്ട ദ​ക്ഷി​ണ റെ​യി​ൽ​വേ​യു​ടെ പാ​ല​ക്കാ​ട് ഡി​വി​ഷ​ൻ അ​ട​ച്ചു​പൂ​ട്ടു​ന്ന​തു​മാ​യി ബ​ന്ധ​പ്പെ​ട്ട് വാ​ർ​ത്ത​ക​ൾ സ​ജീ​വ​മാ​ണി​പ്പോ​ൾ. 2007ൽ ​പാ​ല​ക്കാ​ട് ഡി​വി​ഷ​ൻ വി​ഭ​ജി​ച്ച് സേ​ലം ഡി​വി​ഷ​ൻ രൂ​പ​വ​ത്ക​രി​ക്കു​ന്ന വാ​ർ​ത്ത വ​ന്ന​പ്പോ​ഴും റെ​യി​ൽ​വേ ആ​ദ്യം പ​റ​ഞ്ഞ​ത് അ​ടി​സ്ഥാ​ന ര​ഹി​ത​മാ​ണെ​ന്നാ​ണ്. ഇ​പ്പോ​ൾ പാ​ല​ക്കാ​ട് ഡി​വി​ഷ​ൻ ഇ​ല്ലാ​താ​ക്കു​ന്ന​താ​യി പ്ര​ച​രി​ക്കു​ന്ന വാ​ർ​ത്ത​ക​ൾ അ​ടി​സ്ഥാ​ന​മി​ല്ലാ​ത്ത​താ​ണെ​ന്ന് റെ‍‍യി​ൽ​വേ പ​റ​യു​മ്പോ​ഴും ആ​ശ​ങ്ക​യി​ലാ​ണ് യാ​ത്ര​ക്കാ​രും ജീ​വ​ന​ക്കാ​രും. ഡി​വി​ഷ​ൻ ആ​സ്ഥാ​ന​ത്ത് സ്ഥി​തി ചെ​യ്യു​ന്ന റെ​യി​ൽ​വേ ആ​ശു​പ​ത്രി​യു​ടെ ശോ​ച്യാ​വ​സ്ഥ​യി​ൽ തു​ട​ങ്ങി പാ​സ​ഞ്ച​ർ വ​ണ്ടി​ക​ൾ അ​നു​വ​ദി​ക്കു​ന്ന കാ​ര്യ​ത്തി​ൽ വ​രെ ചി​റ്റ​മ്മ ന​യം സ്വീ​ക​രി​ക്കു​ന്ന റെ​യി​ൽ​വേ​യു​ടെ ഇ​ര​ട്ട​ത്താ​പ്പ് വ്യ​ക്ത​മാ​ണ്.

പാ​ല​ക്കാ​ടി​ന് തൊ​ട്ട​ടു​ത്തെ ത​മി​ഴ്നാ​ട്ടി​ലെ കോ​യ​മ്പ​ത്തൂ​ർ-​മേ​ട്ടു​പ്പാ​ള​യം 36 കി​ലോ​മീ​റ്റ​ർ ദൂ​ര​ത്തി​ൽ ദി​വ​സ​വും ഇ​രു​ഭാ​ഗ​ത്തേ​ക്കു​മാ​യി 14 സ​ർ​വി​സ് ന​ട​ത്തു​ന്നു​ണ്ട്. പാ​ല​ക്കാ​ട്-​തൃ​ശൂ​ർ റൂ​ട്ടി​ലും, പാ​ല​ക്കാ​ട്-​ഷൊ​ർ​ണൂ​ർ റൂ​ട്ടി​ലും തി​ര​ക്ക് കു​റ​ക്കാ​ൻ വൈ​കീ​ട്ട് പാ​സ​ഞ്ച​ർ ട്രെ​യി​ൻ വേ​ണ​മെ​ന്ന യാ​ത്ര​ക്കാ​രു​ടെ ആ​വ​ശ്യ​ത്തി​ന് വ​ർ​ഷ​ങ്ങ​ളു​ടെ പ​ഴ​ക്ക​മു​ണ്ട്. ഇ​ത്ത​രം അ​വ​ഗ​ണ​ന​ക​ൾ പാ​ല​ക്കാ​ട് ഡി​വി​ഷ​ന്റെ മ​ര​ണ​മ​ണി​യു​ടെ തു​ട​ക്ക​മാ​ണെ​ന്നാ​ണ് യാ​ത്ര​ക്കാ​രു​ടെ ആ​ശ​ങ്ക.

ക​ർ​ണാ​ട​ക ലോ​ബി​യു​ടെ ആ​വ​ശ്യ​ത്തി​ന് വ​ർ​ഷ​ങ്ങ​ളു​ടെ പ​ഴ​ക്കം

മം​ഗ​ലാ​പു​ര​ത്തെ പാ​ല​ക്കാ​ട് ഡി​വി​ഷ​നി​ൽ​നി​ന്ന് വേ​ർ​പെ​ടു​ത്തി കൊ​ങ്ക​ൺ റെ​യി​ൽ​വേ ശൃം​ഖ​ല സം​സ്ഥാ​ന​ത്തി​നു​ള്ളി​ൽ കൊ​ണ്ടു​വ​ര​ണ​മെ​ന്ന് ഡി.​വി. സ​ദാ​ന​ന്ദ ഗൗ​ഡ ക​ർ​ണാ​ട​ക​യി​ൽ മു​ഖ്യ​മ​ന്ത്രി​യാ​യി​രു​ന്ന​പ്പോ​ൾ ആ​വ​ശ്യ​പ്പെ​ട്ട​താ​ണ്. മം​ഗ​ളൂ​രു മേ​ഖ​ല​യെ സൗ​ത്ത് വെ​സ്റ്റേ​ൺ റെ​യി​ൽ​വേ​യു​ടെ കീ​ഴി​ലാ​ക്കി ഡി​വി​ഷ​നാ​യി പ്ര​ഖ്യാ​പി​ക്ക​ണ​മെ​ന്ന​തും ഏ​റെ​ക്കാ​ല​ത്തെ ആ​വ​ശ്യ​മാ​ണെ​ന്നും അ​ദ്ദേ​ഹം അ​ന്ന് പ​റ​ഞ്ഞി​രു​ന്നു.

മ​ൻ​മോ​ഹ​ൻ സി​ങ് സ​ർ​ക്കാ​റി​ന്‍റെ കാ​ല​ത്ത് 2007ൽ ​പാ​ല​ക്കാ​ട് ഡി​വി​ഷ​ൻ ജോ​ലാ​ർ​പേ​ട്ട​യി​ൽ​നി​ന്ന് പോ​ത്ത​ന്നൂ​രി​ലേ​ക്കു​ള്ള 623 കി​ലോ​മീ​റ്റ​ർ റൂ​ട്ട് വെ​ട്ടി​ക്കു​റ​ച്ച് കോ​യ​മ്പ​ത്തൂ​ർ മേ​ഖ​ല ഉ​ൾ​പ്പെ​ടെ, ഡി​വി​ഷ​നി​ൽ​നി​ന്ന് നീ​ക്കം​ചെ​യ്ത് സേ​ലം ഡി​വി​ഷ​ൻ രൂ​പ​വ​ത്ക​രി​ച്ചു. ഇ​തി​നു​ശേ​ഷം പ​ല​പ്പോ​ഴാ​യി പാ​ല​ക്കാ​ട് ഡി​വി​ഷ​നെ ഇ​ല്ലാ​താ​ക്കാ​ൻ ശ്ര​മം ന​ട​ന്നെ​ങ്കി​ലും പ്ര​തി​ഷേ​ധം മൂ​ലം നീ​ക്കം വി​ജ​യി​ച്ചി​ല്ല. പാ​ല​ക്കാ​ടി​നെ ഇ​ല്ലാ​താ​ക്കി കോ​യ​മ്പ​ത്തൂ​ർ, മം​ഗ​ളൂ​രു ഡി​വി​ഷ​നു​ക​ൾ ആ​രം​ഭി​ക്കാ​നാ​ണ് നീ​ക്ക​മെ​ന്നാ​ണ് സൂ​ച​ന.

പ്ര​തി​ഷേ​ധം ശ​ക്ത​മാ​ക്കി സം​സ്ഥാ​ന സ​ർ​ക്കാ​റും യാ​ത്ര​ക്കാ​രും

ദ​ക്ഷി​ണ റെ​യി​ല്‍വേ​യു​ടെ പ്ര​ധാ​ന ഡി​വി​ഷ​നു​ക​ളി​ലൊ​ന്നാ​യ പാ​ല​ക്കാ​ട് അ​ട​ച്ചു​പൂ​ട്ടാ​നു​ള്ള നീ​ക്ക​ത്തി​നെ​തി​രെ പ്ര​തി​ഷേ​ധം ശ​ക്ത​മാ​ക്കി സം​സ്ഥാ​ന​സ​ർ​ക്കാ​റും യാ​ത്ര​ക്കാ​രും. പു​തി​യ വ​ണ്ടി അ​നു​വ​ദി​ക്കാ​തെ​യും നി​ല​വി​ലു​ള്ള​വ​യു​ടെ എ​ണ്ണം കു​റ​ച്ചും കേ​ര​ള​ത്തി​ന്റെ വ​രു​മാ​നം കു​റ​ക്കാ​നു​ള്ള ഇ​ട​പെ​ട​ല്‍ റെ​യി​ല്‍വേ നേ​ര​ത്തേ ന​ട​ത്തി​യി​രു​ന്നു.

ക​ഴി​ഞ്ഞ സാ​മ്പ​ത്തി​ക​വ​ര്‍ഷം ദ​ക്ഷി​ണ റെ​യി​ല്‍വേ​ക്കാ​യി കൂ​ടു​ത​ല്‍ വ​രു​മാ​ന​മു​ണ്ടാ​ക്കി​യ റെ​യി​ല്‍വേ സ്റ്റേ​ഷ​നു​ക​ളി​ല്‍ ആ​ദ്യ പ​ത്തി​ൽ കേ​ര​ള​ത്തി​ൽ​നി​ന്ന് നാ​ലു സ്റ്റേ​ഷ​നു​ക​ളാ​ണ് ഉ​ൾ​പ്പെ​ട്ട​ത്. ഒ​ന്നാം സ്ഥാ​ന​ത്ത് തി​രു​വ​ന​ന്ത​പു​ര​മാ​ണ്. പാ​ല​ക്കാ​ട് റെ​യി​ൽ​വേ സ്റ്റേ​ഷ​ൻ 115 കോ​ടി​രൂ​പ വ​രു​മാ​ന​മു​ണ്ടാ​ക്കി.

കോ​ടി​ക​ള്‍ വ​രു​മാ​ന​മു​ണ്ടാ​ക്കി​യി​ട്ടും കേ​ര​ള​ത്തി​ന് അ​വ​ഗ​ണ​ന മാ​ത്രം

അ​ധി​ക ട്രെ​യി​നു​ക​ള്‍ അ​നു​വ​ദി​ക്കാ​തെ​യും വേ​ന​ല്‍ക്കാ​ല പ്ര​ത്യേ​ക വ​ണ്ടി​ക​ളി​ല്‍ ജ​ന​റ​ല്‍, സ്ലീ​പ്പ​ര്‍ കോ​ച്ചു​ക​ൾ വെ​ട്ടി​ച്ചു​രു​ക്കി​യും യാ​ത്രി​ക​രെ ദു​രി​ത​ത്തി​ലാ​ക്കു​മ്പോ​ഴും റെ​യി​ല്‍വേ​ക്ക് വ​രു​മാ​ന​ത്തി​ൽ വ​ര്‍ധ​ന​വു​ണ്ടാ​ക്കി കേ​ര​ളം. ദ​ക്ഷി​ണ റെ​യി​ല്‍വേ​യി​ല്‍ 25 സ്റ്റേ​ഷ​നു​ക​ളി​ല്‍ കേ​ര​ള​ത്തി​ലെ 11 എ​ണ്ണ​മാ​ണ് റെ​യി​ല്‍വേ​ക്ക് അ​ധി​ക വ​രു​മാ​ന​മു​ണ്ടാ​ക്കി​യ​തെ​ന്ന് അ​ധി​കൃ​ത​ര്‍ അ​റി​യി​ച്ചു. സം​സ്ഥാ​ന​ത്ത് ആ​കെ 21 റെ​യി​ല്‍വേ സ്റ്റേ​ഷ​നു​ക​ളാ​ണു​ള്ള​ത്. ഇ​തി​ല്‍ പ​കു​തി​യി​ലേ​റെ വ​ന്‍ലാ​ഭം റെ​യി​ല്‍വേ​ക്ക് ഉ​ണ്ടാ​ക്കി കൊ​ടു​ത്തി​ട്ടും പാ​സ​ഞ്ച​ര്‍ ട്രെ​യി​നു​ക​ളു​ള്‍പ്പെ​ടെ അ​ധി​കം ഓ​ടി​ക്കാ​ത്ത​തി​നാ​ല്‍ ജ​നം ദു​രി​ത​ത്തി​ലാ​ണ്. രാ​വി​ലെ​യും വൈ​കീ​ട്ടും സം​സ്ഥാ​ന​ത്ത് വി​വി​ധ​യി​ട​ങ്ങ​ളി​ലേ​ക്ക് ജോ​ലി​ക്ക് പോ​കാ​ൻ സ​ര്‍ക്കാ​ര്‍, സ്വ​കാ​ര്യ ജീ​വ​ന​ക്കാ​രു​ള്‍പ്പെ​ടെ ട്രെ​യി​നു​ക​ളാ​ണ് പ്ര​ധാ​ന​മാ​യും ആ​ശ്ര​യി​ക്കു​ന്ന​തെ​ങ്കി​ലും പാ​സ​ഞ്ച​ര്‍ ട്രെ​യി​നു​ക​ള്‍ വേ​ണ്ട​ത്ര​യി​ല്ല.

ഇ​തി​നാ​ല്‍ ദീ​ര്‍ഘ​ദൂ​ര ട്രെ​യി​നു​ക​ളി​ല്‍ അ​ധി​ക നി​ര​ക്ക് ന​ല്‍കി യാ​ത്ര ചെ​യ്യേ​ണ്ട ഗ​തി​കേ​ടു​മു​ണ്ട്. ഇ​തി​ന് പു​റ​മെ മ​റ്റു ഡി​വി​ഷ​നു​ക​ളി​ലേ​ത് പോ​ലെ യാ​തൊ​രു അ​ടി​സ്ഥാ​ന സൗ​ക​ര്യ​വും കേ​ര​ള​ത്തി​ലി​ല്ല.​എ​ന്നി​ട്ടും വ​രു​മാ​ന​ത്തി​ല്‍ മ​റ്റു സം​സ്ഥാ​ന​ത്തേ​ക്കാ​ള്‍ കേ​ര​ളം വ​ലി​യൊ​രു നേ​ട്ട​മാ​ണു​ണ്ടാ​ക്കി കൊ​ടു​ക്കു​ന്ന​ത്.

ഏ​റ്റ​വും പ​ഴ​ക്ക​മേ​റി​യ റെ​യി​ല്‍വേ ഡി​വി​ഷ​ൻ

1956 ഓ​ഗ​സ്റ്റ് 31നാ​ണ് ദ​ക്ഷി​ണ റെ​യി​ൽ​വേ​യു​ടെ അ​ഞ്ചാം ഡി​വി​ഷ​നാ​യി പാ​ല​ക്കാ​ട് രൂ​പ​വ​ത്ക​രി​ച്ച​ത്. അ​ക്കാ​ല​ത്ത് ഇ​തി​ന് ഒ​ല​വ​ക്കോ​ട് റെ​യി​ൽ​വേ ഡി​വി​ഷ​ൻ എ​ന്നാ​യി​രു​ന്നു പേ​ര്. പി​ന്നീ​ട് അ​ത് പാ​ല​ക്കാ​ട് ജ​ങ്ഷ​ൻ എ​ന്ന് പു​ന​ർ​നാ​മ​ക​ര​ണം ചെ​യ്തു.

രൂ​പ​വ​ത്ക​ര​ണ സ​മ​യ​ത്ത്, ത​മി​ഴ്നാ​ട്ടി​ലെ വെ​ല്ലൂ​ർ ജി​ല്ല​യി​ലെ ജോ​ലാ​ർ​പേ​ട്ടി​ൽ​നി​ന്ന് മം​ഗ​ലാ​പു​ര​ത്തേ​ക്കു​ള്ള ബ്രോ​ഡ്-​ഗേ​ജ് ട്ര​ങ്ക് ലൈ​ൻ ഇ​ത് കൈ​കാ​ര്യം ചെ​യ്തു. ക​ർ​ണാ​ട​ക​യി​ൽ കോ​യ​മ്പ​ത്തൂ​ർ, ഷൊ​ർ​ണൂ​ർ വ​ഴി, നീ​ല​ഗി​രി മൗ​ണ്ട​ൻ റെ​യി​ൽ​വേ, ഷൊ​ർ​ണൂ​ർ-​കൊ​ച്ചി ഹാ​ർ​ബ​ർ ടെ​ർ​മി​ന​സ് ലൈ​ൻ, ഷൊ​ർ​ണൂ​ർ-​നി​ല​മ്പൂ​ർ റോ​ഡ് ബ്രാ​ഞ്ച് ലൈ​ൻ എ​ന്നി​വ ഉ​ൾ​പ്പെ​ടെ മൊ​ത്തം 1,247 റൂ​ട്ട് കി​ലോ​മീ​റ്റ​റു​ക​ൾ ന​ൽ​കി​യി​രു​ന്നു. 1979 ൽ ​ഷൊ​ർ​ണൂ​ർ-​സി.​എ​ച്ച്.​ടി.​എ​സ് ലൈ​ൻ വേ​ർ​പെ​ടു​ത്തി പു​തി​യ തി​രു​വ​ന​ന്ത​പു​രം റെ​യി​ൽ​വേ ഡി​വി​ഷ​ൻ രൂ​പ​വ​ത്ക​രി​ക്കു​ക​യും ഡി​വി​ഷ​ന്റെ ട്രാ​ക്കേ​ജ് 1132 കി​ലോ​മീ​റ്റ​റാ​യി ചു​രു​ക്കു​ക​യും ചെ​യ്തു.