യാ​ത്ര​ക്കാ​ർ ചോ​ദി​ക്കു​ന്നു, എ​ന്തി​നാ​ണ് ഇ​ങ്ങ​നെ​യൊ​രു ബ​സ് സ്റ്റാ​ൻ​ഡ്

പാ​ല​ക്കാ​ട്: ശോ​ച്യാ​വ​സ്ഥ​യി​ലാ​യ പാ​ല​ക്കാ​ട് ന​ഗ​ര​സ​ഭ സ്റ്റേ​ഡി​യം ബ​സ് സ്റ്റാ​ൻ​ഡി​ലെ​ത്തു​ന്ന യാ​ത്ര​ക്കാ​ർ വ​ല​യു​ന്നു. 2002ൽ ​നി​ർ​മി​ച്ച ബ​സ് സ്റ്റാ​ൻ​ഡി​ലെ ന​ട​പ്പാ​ത​യ​ട​ക്കം ഇ​രി​പ്പി​ട​ങ്ങ​ൾ വ​രെ പൊ​ട്ടി​പൊ​ളി​ഞ്ഞ നി​ല​യി​ലാ​ണ്. ബ​സ് സ്റ്റാ​ൻ​ഡി​നു​ള്ള ശു​ചി​മു​റി ഉ​പ​യോ​ഗ​ശൂ​ന്യ​മാ​യ നി​ല​യി​ലാ​ണ്.

ക്ലോ​സെ​റ്റി​നു​ള്ളി​ലെ ടൈ​ലു​ക​ൾ പൊ​ട്ടി ന​ശി​ച്ചി​ട്ടു​ണ്ട്. അ​തി​നു​ള്ളി​ൽ കു​പ്പി​ക​ൾ നി​റ​ഞ്ഞി​രി​പ്പാ​ണ്. ഇ​തി​നാ​ൽ ശു​ചി​മു​റി​യു​ടെ വാ​തി​ലു​ക​ൾ അ​ട​ക്കാ​ൻ പ​റ്റാ​ത്ത സാ​ഹ​ച​ര്യ​മാ​ണ്. ശു​ചി​മു​റി​യി​ൽ​നി​ന്ന് പു​റ​ന്ത​ള്ള​പ്പെ​ടു​ന്ന മാ​ലി​ന്യം കാ​ര​ണം സ്റ്റാ​ൻ​ഡി​നു​ള്ളി​ലെ കച്ച​വ​ട​ക്കാ​ർ​ക്കും യാ​ത്ര​ക്കാ​ർ​ക്കും മൂ​ക്കു​പൊ​ത്തേ​ണ്ട അ​വ​സ്ഥ​യാ​ണ്.

ബ​സ് സ്റ്റാ​ൻ​ഡി​ലെ മാ​ലി​ന്യം നീ​ക്കാ​നോ പ​രി​സ​രം വൃ​ത്തി​യാ​ക്കാ​നോ ന​ട​പ​ടി​യി​ല്ല. ഇ​തു​മൂ​ലം എ​ലി​ക​ൾ സ്റ്റാ​ൻ​ഡ് പ​രി​സ​ര​ങ്ങ​ളി​ൽ പെ​രു​കു​ക​യും അ​വ ക​ച്ച​വ​ട​ക്കാ​ർ​ക്ക് നാ​ശ​ന​ഷ്ട​ങ്ങ​ൾ ഉ​ണ്ടാ​ക്കു​ക​യും ചെ​യ്യു​ന്നു.

സ്റ്റാ​ൻ​ഡി​നു​ള്ളി​ലെ ബ​ൾ​ബു​ക​ൾ പ്ര​വ​ർ​ത്തി​ക്കാ​ത്ത​തി​നാ​ൽ രാ​ത്രി യാ​ത്ര​ക്കാ​ർ ഏ​റെ ബു​ദ്ധി​മു​ട്ടു​ക​യാ​ണ്. ഇ​തി​ന​കം നി​ര​വ​ധി പ​രാ​തി​ക​ളാ​ണ് ന​ഗ​ര​സ​ഭ​ക്ക് മു​ന്നി​ൽ വ​ന്ന​ത്. എ​ന്നാ​ൽ ന​ട​പ​ടി സ്വീ​ക​രി​ക്കു​ന്ന​തി​ൽ വി​മു​ഖ​ത​യാ​ണെ​ന്ന് സ്റ്റാ​ൻ​ഡി​ലെ ക​ച്ച​വ​ട​ക്കാ​ർ ആ​രോ​പി​ക്കു​ന്നു.

പാ​ല​ക്കാ​ട് മു​നി​സി​പ്പാ​ലി​റ്റി​യു​ടെ ഫ​ണ്ട് ഉ​പ​യോ​ഗി​ച്ച് നി​ല​വി​ലെ സ്റ്റാ​ൻ​ഡി​നു സ​മീ​പം പു​തി​യ ടെ​ർ​മി​ന​ലി​ന്റെ നി​ർ​മാ​ണം 2019 ൽ ​ആ​രം​ഭി​ച്ചെ​ങ്കി​ലും ര​ണ്ടു വ​ർ​ഷ​മാ​യി നി​ർ​മാ​ണം നി​ല​ച്ച അ​വ​സ്ഥ​യി​ലാ​ണ്.