വാ​ടാ​നാം​കു​റു​ശ്ശി മേ​ൽ​പാ​ലം നിർമാണം അന്തിമഘട്ടത്തിൽ

പ​ട്ടാ​മ്പി: പ​ട്ടാ​മ്പി-​പാ​ല​ക്കാ​ട് റൂ​ട്ടി​ലെ റെ​യി​ൽ​വേ ഗേ​റ്റ് ത​ട​സ്സം ഒ​ഴി​വാ​ക്കു​ന്ന വാ​ടാ​നാം​കു​റു​ശ്ശി മേ​ൽ​പാ​ല നി​ർ​മാ​ണം അ​ന്തി​മ​ഘ​ട്ട​ത്തി​ലെ​ത്തി. സം​സ്ഥാ​ന സ​ർ​ക്കാ​റി​ന്റെ ഭാ​ഗ​ത്തു​നി​ന്നു​ള്ള പ്ര​വൃ​ത്തി പൂ​ർ​ത്തി​യാ​വു​മ്പോ​ഴും റെ​യി​ൽ​വേ ചെ​യ്യേ​ണ്ട പ്ര​വൃ​ത്തി വൈ​കു​ന്ന​ത് പാ​ലം പൂ​ർ​ത്തീ​ക​ര​ണ​ത്തി​ൽ ആ​ശ​ങ്ക​യു​ണ്ടാ​ക്കി​യി​രു​ന്നു. റെ​യി​ൽ​വേ ലൈ​നി​ന്റെ ഭാ​ഗ​ത്തെ തൂ​ണു​ക​ളും സ്പാ​നു​മാ​ണ് റെ​യി​ൽ​വേ നി​ർ​മി​ക്കേ​ണ്ടി​യി​രു​ന്ന​ത്. റെ​യി​ൽ ലൈ​നി​ന് ഇ​രു​വ​ശ​വു​മു​ള്ള തൂ​ണു​ക​ളു​ടെ നി​ർ​മാ​ണം പൂ​ർ​ത്തി​യാ​യ​തോ​ടെ പാ​ലം പൂ​ർ​ത്തീ​ക​ര​ണ​ത്തി​നു​ള്ള ത​ട​സ്സം നീ​ങ്ങി. സ്പാ​നും കൂ​ടി സ്ഥാ​പി​ക്കു​ന്ന​തോ​ടെ റെ​യി​ൽ​വേ​യു​ടെ ചു​മ​ത​ല​യി​ലു​ള്ള നി​ർ​മാ​ണ പ്ര​വൃ​ത്തി​ക​ൾ പൂ​ർ​ത്തി​യാ​കും. ഭാ​വി​യി​ൽ ഒ​രു റെ​യി​ൽ​വേ ലൈ​നും കൂ​ടി സ്ഥാ​പി​ക്കാ​ൻ സൗ​ക​ര്യ​മു​ള്ള ത​ര​ത്തി​ലാ​ണ് റെ​യി​ൽ​വേ തൂ​ണു​ക​ൾ സ്ഥാ​പി​ച്ചി​ട്ടു​ള്ള​ത്.

സ്പാ​നു​ക​ൾ​ക്ക് മു​ക​ളി​ലെ കോ​ൺ​ക്രീ​റ്റി​ങ് സം​സ്ഥാ​ന സ​ർ​ക്കാ​റി​ന്റെ ബാ​ധ്യ​ത​യാ​ണ്. ഇ​തും ഷൊ​ർ​ണൂ​ർ റോ​ഡി​ലെ അ​പ്രോ​ച്ച് റോ​ഡ് നി​ർ​മാ​ണ​വും പു​രോ​ഗ​തി​യി​ലാ​ണ്. കി​ഫ്ബി വ​ഴി 34 കോ​ടി രൂ​പ ചെ​ല​വ​ഴി​ച്ചാ​ണ് വാ​ടാ​നാം​കു​റു​ശ്ശി റെ​യി​ൽ​വേ ഓ​വ​ർ ബ്രി​ഡ്ജ് നി​ർ​മി​ക്കു​ന്ന​ത്. 13 തൂ​ണു​ക​ളി​ൽ 680 മീ​റ്റ​ർ നീ​ള​ത്തി​ലും 10.5 മീ​റ്റ​ർ വീ​തി​യി​ലു​മാ​ണ് മേ​ൽ​പാ​ലം നി​ർ​മി​ക്കു​ന്ന​ത്. ന​ട​പ്പാ​ത​യും ഒ​രു​ക്കു​ന്നു​ണ്ട്. മൂ​ന്നു വ​ർ​ഷം മു​മ്പാ​ണ് മു​ഖ്യ​മ​ന്ത്രി ഓ​ൺ​ലൈ​നി​ൽ പാ​ലം നി​ർ​മാ​ണോ​ദ്‌​ഘാ​ട​നം ന​ട​ത്തി​യ​ത്. ഒ​രു വ​ർ​ഷം കൊ​ണ്ട് പൂ​ർ​ത്തി​യാ​ക്കാ​നാ​ണ് ല​ക്ഷ്യ​മി​ട്ട​തെ​ങ്കി​ലും ന​ട​പ്പാ​യി​ല്ല. ഷൊ​ർ​ണൂ​ർ-​നി​ല​മ്പൂ​ർ പാ​ത​യി​ലെ വാ​ടാ​നാം​കു​റു​ശ്ശി റെ​യി​ൽ​വേ ഗേ​റ്റ് അ​ട​ക്കു​മ്പോ​ൾ പാ​ല​ക്കാ​ട്-​ഗു​രു​വാ​യൂ​ർ യാ​ത്ര​ക്കാ​ർ നേ​രി​ട്ടി​രു​ന്ന പ്ര​യാ​സം പാ​ലം യാ​ഥാ​ർ​ഥ്യ​മാ​കു​ന്ന​തോ​ടെ പ​ഴ​ങ്ക​ഥ​യാ​വും.