പ​ണി​തി​ട്ടും തീ​രാ​തെ പോ​ത്തു​ണ്ടി ഡാം ​കു​ടി​വെ​ള്ള പ​ദ്ധ​തി

ആ​ല​ത്തൂ​ർ: പോ​ത്തു​ണ്ടി ഡാ​മി​ൽ നി​ന്ന് ആ​റ് പ​ഞ്ചാ​യ​ത്തു​ക​ളി​ലേ​ക്ക് കു​ടി​വെ​ള്ള​മെ​ത്തി​ക്കു​ന്ന​തി​ന് ന​ട​പ്പാ​ക്കു​ന്ന സ​മ​ഗ്ര പ​ദ്ധ​തി​യു​ടെ അ​വ​സാ​ന​ഘ​ട്ട പ്ര​വൃ​ത്തി തീ​ർ​ത്തി​ട്ടും തീ​രു​ന്നി​ല്ല. 2024 മാ​ർ​ച്ചി​ൽ ക​മീ​ഷ​ൻ ചെ​യ്യാ​ൻ ക​ഴി​യു​മെ​ന്ന വി​ശ്വാ​സ​ത്തി​ലാ​യി​രു​ന്നു ജ​ല അ​തോ​റി​റ്റി പ​ദ്ധ​തി നി​ർ​വ​ഹ​ണ വി​ഭാ​ഗം.

നെ​ന്മാ​റ, അ​യി​ലൂ​ർ, മേ​ലാ​ർ​ക്കോ​ട് പ​ഞ്ചാ​യ​ത്തു​ക​ളി​ലേ​ക്ക് നി​ല​വി​ൽ ന​ട​പ്പാ​ക്കി​യ പ​ദ്ധ​തി​ക്ക് പു​റ​മെ എ​ല​വ​ഞ്ചേ​രി, പ​ല്ല​ശ്ശ​ന, എ​രി​മ​യൂ​ർ, ആ​ല​ത്തൂ​ർ, കാ​വ​ശ്ശേ​രി, പു​തു​ക്കോ​ട് പ​ഞ്ചാ​യ​ത്തു​ക​ളി​ലേ​ക്ക് കൂ​ടി ജ​ലം എ​ത്തി​ക്കു​ന്ന കി​ഫ്ബി​യു​ടെ 180 കോ​ടി​യു​ടെ പ​ദ്ധ​തി​യാ​ണ് പോ​ത്തു​ണ്ടി ഡാം ​കു​ടി​വെ​ള്ള പ​ദ്ധ​തി. പൊ​തു​മ​രാ​മ​ത്ത് വ​കു​പ്പി​നും മ​റ്റും ന​ൽ​കേ​ണ്ട തു​ക ഉ​ൾ​പ്പെ​ടു​ത്തി 274 കോ​ടി​യാ​ണ് ചെ​ല​വ് ക​ണ​ക്കാ​ക്കി​യി​ട്ടു​ള്ള​ത്. ഹൈ​ദ​റാ​ബാ​ദ് ആ​സ്ഥാ​ന​മാ​യ ക​മ്പ​നി​യാ​ണ് നി​ർ​മാ​ണ ക​രാ​ർ എ​ടു​ത്തി​ട്ടു​ള്ള​ത്.

ര​ണ്ടു പ​ഞ്ചാ​യ​ത്തു​ക​ളി​ലു​ണ്ടാ​യി​രു​ന്ന സാ​ങ്കേ​തി​ക ത​ട​സ്സ​ങ്ങ​ളാ​ണ് ഒ​രു ഘ​ട്ട​ത്തി​ൽ വൈ​കാ​ൻ കാ​ര​ണ​മാ​യ​ത്. പി​ന്നീ​ട​ത് ഒ​ഴി​വാ​ക്കി​യെ​ടു​ത്തു. പൈ​പ്പ് സ്ഥാ​പി​ക്കു​ന്ന പ​ണി​ക​ൾ അ​വ​സാ​ന ഘ​ട്ട​ത്തി​ലാ​ണ്. പൊ​തു​മ​രാ​മ​ത്ത് വ​കു​പ്പി​ന്റെ റോ​ഡ് പൊ​ളി​ക്കു​ന്ന കാ​ര്യ​ത്തി​ലാ​യി​രു​ന്നു എ​ല​വ​ഞ്ചേ​രി, പ​ല്ല​ശ്ശ​ന പ​ഞ്ചാ​യ​ത്തു​ക​ളി​ൽ ത​ട​സ്സം. റോ​ഡ​രി​കി​ൽ ചാ​ലെ​ടു​ക്ക​ണ​മെ​ങ്കി​ൽ പാ​ത​ക​ളു​ടെ നി​ർ​മാ​ണ​ശേ​ഷം ഒ​രു വ​ർ​ഷം ക​ഴി​യ​ണ​മെ​ന്ന​താ​ണ് പൊ​തു​മ​രാ​മ​ത്ത് വ​കു​പ്പ് വ്യ​വ​സ്ഥ. ഇ​താ​ണ് വി​ന​യാ​യ​ത്.

ഡാ​മി​ന് മു​ൻ​ഭാ​ഗ​ത്ത് 17.58 കോ​ടി ചെ​ല​വി​ൽ 26 ദ​ശ​ല​ക്ഷം ലി​റ്റ​ർ ജ​ല​ശു​ദ്ധി​ക​ര​ണ​ശാ​ല​യു​ടെ നി​ർ​മാ​ണം പൂ​ർ​ത്തി​യാ​യി. എ​ല​വ​ഞ്ചേ​രി പ​ഞ്ചാ​യ​ത്തി​ലേ​ക്കു​ള്ള വെ​ങ്കാ​യ​പാ​റ​യി​ലെ 10 ല​ക്ഷം ലി​റ്റ​ർ ജ​ല​സം​ഭ​ര​ണി​യി​ലേ​ക്ക് വെ​ള്ളം പ​മ്പ് ചെ​യ്ത് എ​ത്തി​ച്ചു.

പ​ല്ല​ശ്ശ​ന, എ​രി​മ​യൂ​ർ പ​ഞ്ചാ​യ​ത്തി​ലേ​ക്കു​ള്ള പ​ല്ലാ​വൂ​ർ കു​ന്നി​ൻ​മു​ക​ളി​ലെ 33 ല​ക്ഷം ലി​റ്റ​ർ സം​ഭ​ര​ണ ടാ​ങ്കി​ലേ​ക്കും ആ​ല​ത്തൂ​ർ, കാ​വ​ശ്ശേ​രി, പു​തു​ക്കോ​ട് പ​ഞ്ചാ​യ​ത്തു​ക​ളി​ലേ​ക്കു​ള്ള ആ​ല​ത്തൂ​ർ വെ​ങ്ങ​ന്നൂ​ർ നെ​ര​ങ്ങാം​പാ​റ കു​ന്നി​ൻ​മു​ക​ളി​ൽ നി​ർ​മാ​ണ​ത്തി​ലു​ള്ള 40 ല​ക്ഷം ലി​റ്റ​ർ സം​ഭ​ര​ണി​യി​ലേ​ക്കും വെ​ള്ളം എ​ത്തി​ക്ക​ണം. അ​തി​ന്റെ അ​വ​സാ​ന ഘ​ട്ട പ്ര​വൃ​ത്തി​ക​ൾ ന​ട​ന്നു​വ​രു​ന്നു.

വെ​ങ്ങ​ന്നൂ​ർ മ​രു​തം​ത​ടം റോ​ഡും ആ​ല​ത്തൂ​ർ ക്ര​സ​ന്റ് ആ​ശു​പ​ത്രി റോ​ഡും പൊ​ളി​ച്ച് പൈ​പ്പ് സ്ഥാ​പി​ക്കാ​ൻ സാ​ങ്കേ​തി​ക ത​ട​സ്സം വ​ന്ന​താ​ണ് കാ​ല​താ​മ​സ​ത്തി​ന് മ​റ്റൊ​രു കാ​ര​ണ​മാ​യ​ത്. വെ​ങ്ങ​ന്നൂ​ർ ടാ​ങ്കി​ലേ​ക്കും വെ​ള്ളം എ​ത്തി​ക്കാ​ൻ പ്ര​വൃ​ത്തി ന​ട​ന്നു വ​രു​ന്നു.

പൈ​പ്പ് ശു​ദ്ധീ​ക​ര​ണം കൂ​ടി ക​ഴി​ഞ്ഞാ​ൽ ജ​ല​വി​ത​ര​ണം ന​ട​ത്താ​വു​ന്ന​താ​ണ്. എ​ന്നാ​ൽ വേ​ന​ൽ ക​ന​ത്ത​തും മ​ഴ​യെ​ത്താ​ത്ത​തും പു​തി​യ പ്ര​തി​സ​ന്ധി സൃ​ഷ്ടി​ച്ചി​രി​ക്കു​ക​യാ​ണ്.