മു​ണ്ടൂ​ർ പ​ഞ്ചാ​യ​ത്ത് സ്റ്റാ​ൻ​ഡി​നെ അ​വ​ഗ​ണി​ച്ച് സ്വ​കാ​ര്യ ബ​സു​ക​ൾ

മു​ണ്ടൂ​ർ: പ​ഞ്ചാ​യ​ത്ത് ബ​സ് സ്റ്റാ​ൻ​ഡി​നോ​ടു​ള്ള അ​വ​ഗ​ണ​ന​ക്ക് ഒ​രു വ​ർ​ഷം പി​ന്നി​ടു​ന്നു. ബ​സ് സ്റ്റാ​ൻ​ഡ് ക​ഴി​ഞ്ഞ വ​ർ​ഷം ത​ദ്ദേ​ശ​മ​ന്ത്രി എം.​ബി. രാ​ജേ​ഷാ​ണ് പൊ​തു​ജ​ന​ങ്ങ​ൾ​ക്ക് തു​റ​ന്നു​കൊ​ടു​ത്ത​ത്. മൂ​ന്ന് ഘ​ട്ട​ങ്ങ​ളി​ൽ എം.​എ​ൽ.​എ ഫ​ണ്ട്, ത്രി​ത​ല പ​ഞ്ചാ​യ​ത്ത് ഫ​ണ്ട് എ​ന്നി​വ ഉ​ൾ​പ്പെ​ടെ ഒ​രു കോ​ടി രൂ​പ ചെ​ല​വ​ഴി​ച്ച് നി​ർ​മി​ച്ച ബ​സ് സ്റ്റാ​ൻ​ഡ് കം ​ഷോ​പ്പി​ങ് കോം​പ്ല​ക്സ് ബ​സ് സ്റ്റാ​ൻ​ഡ് ഉ​പ​യോ​ഗി​ക്കാ​ത്ത​താ​യ​തോ​ടെ നോ​ക്കു​കു​ത്തി​യാ​യി. ഉ​ദ്ഘാ​ട​ന​ത്തി​ന് ശേ​ഷം ര​ണ്ട് ദി​വ​സം മാ​ത്ര​മാ​ണ് ബ​സ് സ്റ്റാ​ൻ​ഡി​ൽ സ്വ​കാ​ര്യ ബ​സു​ക​ൾ ക​യ​റി​യി​റ​ങ്ങി​യ​ത്. പി​ന്നീ​ട് സ്വ​കാ​ര്യ ബ​സു​ക​ൾ സ്റ്റാ​ൻ​ഡി​ൽ പ്ര​വേ​ശി​ക്കാ​തെ​യാ​യി. ഒ​രു മാ​സ​ത്തി​ന് ശേ​ഷം മു​ണ്ടൂ​ർ ഗ്രാ​മ​പ​ഞ്ചാ​യ​ത്ത് ഭ​ര​ണ​സ​മി​തി ബ​സ് സ്റ്റാ​ൻ​ഡ് ഉ​പ​കാ​ര​പ്ര​ദ​മാ​കു​ന്ന​തി​ന്റെ ഭാ​ഗ​മാ​യി സ​ർ​വ​ക​ക്ഷി യോ​ഗം വി​ളി​ച്ചെ​ങ്കി​ലും പൊ​ലീ​സി​ന്റെ​യും വി​വി​ധ വ​കു​പ്പ് ത​ല മേ​ധാ​വി​ക​ളു​ടെ​യും യോ​ഗ​ത്തി​ൽ എ​ടു​ത്ത തീ​രു​മാ​ന​ങ്ങ​ൾ പ്രാ​വ​ർ​ത്തി​ക​മാ​യി​ല്ല.

ബ​സു​ക​ൾ സ്റ്റാ​ൻ​ഡി​ൽ പ്ര​വേ​ശി​ക്കു​ന്ന​തി​ന് സ്വ​കാ​ര്യ ബ​സു​കാ​രു​ടെ സ​ഹ​ക​ര​ണ​വും പൊ​ലീ​സി​ന്റെ സാ​ന്നി​ധ്യ​വും ഉ​റ​പ്പാ​ക്കാ​നാ​യി​രു​ന്നു ധാ​ര​ണ. ബ​സു​ക​ൾ ക​യ​റി​യി​റ​ങ്ങു​മ്പോ​ൾ സ​മ​യ​ന​ഷ്ട​മാ​ണ് പ്ര​ധാ​ന​മാ​യും സ്വ​കാ​ര്യ ബ​സ് ജീ​വ​ന​ക്കാ​ർ ചൂ​ണ്ടി​ക്കാ​ട്ടു​ന്ന​ത്. ബ​സ് സ്റ്റാ​ൻ​ഡ് തു​റ​ക്കാ​ത്ത​ത് കാ​ര​ണം നി​ല​വി​ൽ മു​ണ്ടൂ​ർ ടൗ​ണി​ൽ ശു​ചി മു​റി സൗ​ക​ര്യ​വും പൊ​തു​ജ​ന​ങ്ങ​ൾ​ക്ക് അ​ന്യ​മാ​വു​ക​യാ​ണ്. കൂ​ടാ​തെ പ​ഞ്ചാ​യ​ത്തി​ന് ക​ട​മു​റി​ക​ളു​ടെ വാ​ട​ക ഇ​ന​ത്തി​ലും മ​റ്റും പ്ര​തി​വ​ർ​ഷം കി​ട്ടാ​ൻ സാ​ധ്യ​ത​യു​ള്ള വ​രു​മാ​ന​വും ന​ഷ്ട​മാ​വു​ന്നു.

ബ​സു​ക​ൾ സ്റ്റാ​ൻ​ഡി​ൽ ക​യ​റാ​താ​യ​തോ​ടെ വ​ഴി​യാ​ത്ര​ക്കാ​രും ബ​സി​ൽ ക​യ​റി പ​റ്റാ​ൻ പു​തി​യ ഇ​ട​ങ്ങ​ളെ ആ​ശ്ര​യി​ക്കേ​ണ്ട അ​വ​സ്ഥ സം​ജാ​ത​മാ​യി.