മഴ: ഏക്കർകണക്കിന് നെൽകൃഷി വെള്ളത്തിൽ

മ​ണ്ണൂ​ർ: ശ​ക്ത​മാ​യ മ​ഴ​യി​ൽ വെ​ള്ളം മൂ​ടി ഏ​ക്ക​ർ ക​ണ​ക്കെ നെ​ൽ​കൃ​ഷി വെ​ള്ള​ത്തി​ൽ മു​ങ്ങി ന​ശി​ച്ചു. മ​ണ്ണൂ​ർ ഞാ​റ​ക്കോ​ട് പാ​ട​ശേ​ഖ​ര​ത്തി​ലെ ര​ണ്ടാം വി​ള​യി​റ​ക്കി​യ 15 ഏ​ക്ക​റാ​ണ് പൂ​ർ​ണ​മാ​യും വെ​ള്ള​ത്തി​ന​ടി​യി​ലാ​യ​ത്. ഒ​രാ​ഴ്ച മു​ൻ​പാ​ണ് ഇ​വ​ർ കൃ​ഷി​യി​റ​ക്കി​യ​ത്. രാ​സ​വ​ള​വും ഇ​ട്ടു. ച​വി​റ്റി​ല തോ​ട് ക​ര​ക​വി​ഞ്ഞൊ​ഴു​കി​യ​താ​ണ് വ്യാ​പ​ക​മാ​യി കൃ​ഷി വെ​ള്ളം മൂ​ടാ​ൻ പ്ര​ധാ​ന കാ​ര​ണം.

ഒ​രേ​ക്ക​ർ കൃ​ഷി​യി​റ​ക്കാ​ൻ 15,000 രൂ​പ വ​രെ ചി​ല​വാ​യി. അ​പ്ര​തീ​ക്ഷി​ത​മാ​യ മ​ഴ ക​ർ​ഷ​ക​രെ ദു​രി​ത​ത്തി​ലാ​ക്കി​യി​ട്ടു​ണ്ട്. കൂ​ടാ​തെ കൃ​ഷി​യി​റ​ക്കാ​ൻ പാ​ക​മാ​യ ഞാ​റ്റ​ടി​ക​ളും ന​ശി​ച്ച​താ​യി സ​മി​തി സെ​ക​ട്ട​റി എ​ൻ.​ആ​ർ. ര​വീ​ന്ദ്ര​ൻ പ​റ​ഞ്ഞു. ര​ണ്ടു നാ​ൾ​ക്ക​കം വെ​ള്ളം​വാ​ർ​ന്നി​ല്ലെ​ങ്കി​ൽ മു​ഴു​വ​ൻ കൃ​ഷി​യും​ന​ശി​ക്കും. കൃ​ഷി ന​ശി​ച്ച ക​ർ​ഷ​ക​ർ​ക്ക് സ​ഹാ​യം ല​ഭ്യ​മാ​ക്കാ​ൻ ന​ട​പ​ടി വേ​ണ​മെ​ന്നും സ​മി​തി സെ​ക്ര​ട്ട​റി ര​വീ​ന്ദ്ര​ൻ​ആ​വ​ശ്യ​പെ​ട്ടു.

120 ഏക്കർ ഞാർ വെള്ളത്തിൽ

പു​തു​ന​ഗ​രം: ക​ന​ത്ത മ​ഴ​യി​ൽ 120 ഏ​ക്ക​ർ ഞാ​ർ വെ​ള്ള​ത്തി​ന​ടി​യി​ലാ​യി. പു​തു​ന​ഗ​രം, വ​ട​വ​ന്നൂ​ർ, കൊ​ല്ല​ങ്കോ​ട് പ​ഞ്ചാ​യ​ത്തു​ക​ളി​ലാ​ണ് ബു​ധ​നാ​ഴ്ച രാ​ത്രി​യി​ലും വ്യാ​ഴാ​ഴ്ച പ​ക​ലും ഉ​ണ്ടാ​യ ശ​ക്ത​മാ​യ മ​ഴ​യി​ൽ പാ​ട​ശേ​ഖ​ര​ങ്ങ​ൾ വെ​ള്ള​ത്തി​ന​ടി​യി​ലാ​യ​ത്. ന​ട്ട് ഒ​രാ​ഴ്ച പ്രാ​യ​മാ​യ നെ​ൽ​ച്ചെ​ടി​ക​ൾ വ​ട​വ​ന്നൂ​ർ, കൊ​ല്ല​ങ്കോ​ട് പ​ഞ്ചാ​യ​ത്തു​ക​ളി​ലെ പാ​ട​ശേ​ഖ​ര​ങ്ങ​ളി​ൽ ഒ​ഴു​കി​പ്പോ​യി. വി​ത​ച്ച 36 ഏ​ക്ക​ർ പാ​ട​ശേ​ഖ​ര​ങ്ങ ളി​ൽ പ​കു​തി​യോ​ളം വി​ത്ത് ഒ​ഴു​കി​പ്പോ​യി. 52 മ​ണി​ക്കൂ​റി​ല​ധി​കം വെ​ള്ള​ത്തി​ന​ടി​യി​ൽ മു​ങ്ങി​ക്കി​ട​ന്നാ​ൽ ഞാ​ർ ന​ശി​ക്കു​മെ​ന്ന് ക​ർ​ഷ​ക​ർ പ​റ​യു​ന്നു.

നെല്ല് നശിക്കുന്നു

കു​ഴ​ൽ​മ​ന്ദം: കു​ഴ​ൽ​മ​ന്ദം കൃ​ഷി​ഭ​വ​ന്റെ പ​രി​ധി​യി​ൽ ക​ർ​ഷ​ക​ർ നെ​ല്ല് ഉ​ണ​ക്കി സൂ​ക്ഷി​ച്ചി​ട്ട് ദി​വ​സ​ങ്ങ​ളാ​യി​ട്ടും മി​ല്ല് അ​ധി​കൃ​ത​ർ വ​രു​ന്നി​ല്ലെ​ന്ന് ബ്ലോ​ക്ക് പാ​ട​ശേ​ഖ​ര സ​മി​തി കോ​ഓ​ർ​ഡി​നേ​ഷ​ൻ ക​മ്മി​റ്റി ജ​ന​റ​ൽ ക​ൺ​വീ​ന​ർ എം.​സി.​മു​ര​ളീ​ധ​ര​ൻ പ​റ​ഞ്ഞു. ക​ന​ത്ത മ​ഴ​യി​ൽ നെ​ല്ല് ന​ശി​ക്കാ​ൻ തു​ട​ങ്ങി.

നെ​ല്ല് ഉ​ണ​ക്കി സൂ​ക്ഷി​ക്കാ​ൻ സ്ഥ​ല​മി​ല്ലാ​ത്ത​വ​ർ ക​റ്റ​ക്ക​ള​ങ്ങ​ളി​ലും പൊ​തു​സ്ഥ​ല​ങ്ങ​ളി​ലു​മാ​ണ് സൂ​ക്ഷി​ച്ച​ത്. നെ​ല്ല് സം​ഭ​ര​ണം എ​ത്ര​യും പെ​ട്ടെ​ന്ന് പൂ​ർ​ത്തി​യാ​ക്ക​ണ​മെ​ന്ന് ആ​വ​ശ്യ​പ്പെ​ട്ട് ക​ല​ക്ട​ർ, ജി​ല്ല പാ​ഡി മാ​ർ​ക്ക​റ്റി​ങ് ഓ​ഫി​സ​ർ എ​ന്നി​വ​ർ​ക്ക് നി​വേ​ദ​നം ന​ൽ​കി.