മഴ: പാലക്കാട്​ ദുരിതം വ്യാപകം

കനത്ത മഴ; റോഡിൽ വെള്ളക്കെട്ട്

ഒ​റ്റ​പ്പാ​ലം: തു​ട​ർ​ച്ച​യാ​യി പെ​യ്യു​ന്ന ക​ന​ത്ത മ​ഴ​യി​ൽ വെ​ള്ളം​മൂ​ടി അ​പ​ക​ട ഭീ​ഷ​ണി​യാ​യി റോ​ഡു​ക​ൾ. വാ​ഹ​ന​ങ്ങ​ൾ ഇ​ട​ത​ട​വി​ല്ലാ​തെ സ​ഞ്ച​രി​ക്കു​ന്ന പ്ര​ധാ​ന പാ​ത​ക​ൾ​ക്ക് പു​റ​മെ വി​വി​ധ സ്ഥാ​പ​ന​ങ്ങ​ളു​ടെ മു​ന്നി​ലും രൂ​പ​പ്പെ​ടു​ന്ന വെ​ള്ള​ക്കെ​ട്ടു​ക​ൾ ജ​ന​ത്തെ വ​ല​ക്കു​ന്നു. ഒ​റ്റ​പ്പാ​ലം റെ​യി​ൽ​വേ സ്​​റ്റേ​ഷ​ന് മു​ന്നി​ൽ ച​ളി​വെ​ള്ളം ത​ളം കെ​ട്ടി കി​ട​ക്കു​ന്ന​ത് ട്രെ​യി​ൻ യാ​ത്ര​ക്കാ​രെ കൂ​ടാ​തെ പ​രി​സ​ര വാ​സി​ക​ളെ​യും ബു​ദ്ധി​മു​ട്ടി​ലാ​ക്കു​ന്നു. റെ​യി​ൽ​വേ സ്​​റ്റേ​ഷ​ൻ റോ​ഡി​ൽ നി​ന്നും ന​ഗ​ര​സ​ഭ ബ​സ് സ്​​റ്റാ​ൻ​ഡി​ൽ നി​ന്നും കാ​ൽ​ന​ട​യാ​യി നി​ര​വ​ധി പേ​രാ​ണ് റെ​യി​ൽ​വേ സ്​​റ്റേ​ഷ​നി​ലെ​ത്തു​ന്ന​ത്. സ്​​റ്റേ​ഷ​ന് മു​ന്നി​ലെ വെ​ള്ള​ക്കെ​ട്ട് താ​ണ്ടേ​ണ്ടി വ​രു​ന്ന​ത് ദു​ഷ്ക​ര​മാ​വു​ന്നു​ണ്ട്. അ​ഴു​ക്കു​ചാ​ൽ അ​ട​ഞ്ഞു​പോ​യ​ത് ന​ന്നാ​ക്കു​ന്ന​തി​ലെ കാ​ല​താ​മ​സ​മാ​ണ് വെ​ള്ള​ക്കെ​ട്ടി​ന് കാ​ര​ണ​മാ​യ​ത്.

പാ​ല​ക്കാ​ട്- കു​ള​പ്പു​ള്ളി പാ​ത ക​ട​ന്നു​പോ​കു​ന്ന മേ​ഖ​ല​യി​ൽ പ​ല ഭാ​ഗ​ത്തും ദു​രി​തം സ​മാ​ന​മാ​ണ്. അ​മ്പ​ല​പ്പാ​റ​യി​ലെ തൗ​ഫീ​ഖ് പ​ടി​യി​ൽ ക​ഴി​ഞ്ഞ ദി​വ​സ​മു​ണ്ടാ​യ വെ​ള്ള​ക്കെ​ട്ടി​നെ തു​ട​ർ​ന്ന് വാ​ഹ​ന​ങ്ങ​ളു​ടെ നീ​ണ്ട നി​ര ത​ന്നെ രൂ​പ​പ്പെ​ട്ടു. രോ​ഗി​യു​മാ​യി വ​ന്ന ആം​ബു​ല​ൻ​സി‍െൻറ പ്ര​വ​ർ​ത്ത​നം വെ​ള്ള​ക്കെ​ട്ടി​ൽ നി​ശ്ച​ല​മാ​യ​തോ​ടെ നാ​ട്ടു​കാ​ർ ത​ള്ളി​ക്ക​യ​റ്റി മ​റ്റൊ​രു വാ​ഹ​ന​ത്തി​ൽ രോ​ഗി​യെ ആ​ശു​പ​ത്രി​യി​ലെ​ത്തി​ക്കേ​ണ്ടി വ​ന്നു. പൊ​ലീ​സ് സ്ഥ​ല​ത്തെ​ത്തി ചു​റ്റു​മ​തി​ൽ​ക്കെ​ട്ടി​ലെ ക​ല്ലു​ക​ൾ നീ​ക്കി​യാ​ണ് വെ​ള്ളം ഒ​ഴി​വാ​ക്കി​യ​ത്. പു​തി​യ നി​ർ​മാ​ണ പ്ര​വൃ​ത്തി​ക​ളും വെ​ള്ള​ക്കെ​ട്ടി​ന് ആ​ക്കം കൂ​ട്ടു​ന്നു​ണ്ടെ​ന്ന് നാ​ട്ടു​കാ​ർ പ​റ​ഞ്ഞു.

ഞാറുകൾ ഒലിച്ചുപോയി

ഷൊ​ർ​ണൂ​ർ: മ​ഴ​യി​ൽ വ്യാ​പ​ക കൃ​ഷി നാ​ശം. ഏ​ക്ക​ർ ക​ണ​ക്കി​ന് സ്ഥ​ല​ത്ത് ന​ടാ​ൻ ത​യാ​റാ​ക്കി​യി​രു​ന്ന ഞാ​റു​ക​ൾ ഒ​ന്നാ​യി ഒ​ലി​ച്ചു​പോ​യി. കും​ഭാ​ര​ൻ​ക​ട്ടി പാ​ട​ത്ത് പ​റി​ച്ചി​ട്ടി​രു​ന്ന ഞാ​റാ​ണ് ഒ​ലി​ച്ച് പോ​യ​ത്. ചൊ​വ്വാ​ഴ്ച്ച പ​ക​ൽ ഇ​വി​ടെ ട്രാ​ക്ട​റു​പ​യോ​ഗി​ച്ച് നി​ലം ഉ​ഴു​ത് ന​ടു​ന്ന​തി​ന് പാ​ക​മാ​ക്കി​യി​ട്ടി​രി​ക്കു​ക​യാ​യി​രു​ന്നു. ബു​ധ​നാ​ഴ്ച രാ​വി​ലെ​യാ​ണ് സം​ഭ​വം അ​റി​യു​ന്ന​ത്. അ​പ്പോ​ഴേ​ക്കും മു​ക്കാ​ൽ ഭാ​ഗ​വും ഒ​ഴു​കി​പ്പോ​യി​രു​ന്നു. സ​മീ​പ​ത്തെ ഏ​താ​ണ്ടെ​ല്ലാ പാ​ട​ത്തെ​യും ന​ടീ​ൽ ക​ഴി​ഞ്ഞ​തി​നാ​ൽ ഇ​വ​ർ​ക്ക് ന​ടാ​നു​ള്ള ഞാ​റ് സം​ഘ​ടി​പ്പി​ക്കാ​നാ​കു​മോ എ​ന്ന ആ​ശ​ങ്ക​യാ​ണു​ള്ള​ത്. ഒ​രാ​ഴ്ച്ച​യാ​യി പെ​യ്യു​ന്ന മ​ഴ​യി​ൽ ക​ഴി​ഞ്ഞ ദി​വ​സ​ങ്ങ​ളി​ൽ ന​ട്ട ഞാ​റും വെ​ള്ള​ത്തി​ന​ടി​യി​ലാ​ണ്‌. ഇ​വ ചീ​ഞ്ഞ് പോ​കു​മോ​യെ​ന്ന ആ​ശ​ങ്ക​യു​മു​ണ്ട്.

ഏക്കർ കണക്കിന്​ നെൽകൃഷി വെള്ളത്തിൽ

പ​ത്തി​രി​പ്പാ​ല: ശ​ക്ത​മാ​യ കാ​റ്റി​ലും മ​ഴ​യി​ലും മ​ണ്ണൂ​രി​ൽ പ​ത്ത്​ ഏ​ക്ക​ർ നെ​ൽ​കൃ​ഷി ന​ശി​ച്ചു. ച​ന്ദ​ന​പു​റം പാ​ട​ശേ​ഖ​ര​ത്തി​ലെ കൊ​യ്തെ​ടു​ക്കാ​റാ​യ പ​ത്ത്​ ക​ർ​ഷ​ക​രു​ടെ നെ​ൽ​കൃ​ഷി​യാ​ണ് വെ​ള്ളം​മൂ​ടി ന​ശി​ച്ച​ത്. ന​ഷ്​​ട​പ​രി​ഹാ​രം ല​ഭ്യ​മാ​ക്ക​ണ​മെ​ന്ന് ക​ർ​ഷ​ക​ർ ആ​വ​ശ്യ​പ്പെ​ട്ടു.

കേ​ര​ള​ശ്ശേ​രി: ക​ന​ത്ത മ​ഴ​യി​ൽ വ​ര​മ്പ് ത​ക​ർ​ന്ന് ത​ടു​ക്ക​ശ്ശേ​രി ചെ​റു​ക​ര പാ​ട​ശേ​ഖ​ര​ത്തി​ലെ നെ​ൽ​കൃ​ഷി ന​ശി​ച്ചു. വ​ട്ട​മ​ണ്ണ പ​രി​യ​ത്ത് ജ​യ​ശ്രീ​യു​ടെ ഉ​ട​മ​സ്ഥ​ത​യി​ലു​ള്ള നെ​ൽ​കൃ​ഷി​യാ​ണ് മ​ഴ​വെ​ള്ളം ക​യ​റി​യും മ​ണ്ണ​ടി​ഞ്ഞും ന​ശി​ച്ച​ത്. ചൊ​വ്വാ​ഴ്ച രാ​ത്രി കൂ​ടി മ​ഴ ക​ന​ത്ത​തോ​ടെ വ​ര​മ്പ് ത​ക​ർ​ന്ന് കൃ​ഷി വെ​ള്ള​ത്തി​ലാ​വു​ക​യാ​യി​രു​ന്നു. ചെ​റു​ക​ര പ​ട​ശേ​ഖ​ര​ത്തി​ലെ ശേ​ഷി​ക്കു​ന്ന വ​ര​മ്പു​ക​ളും ക​ന​ത്ത മ​ഴ​യി​ൽ ത​ക​ർ​ച്ച ഭീ​ഷ​ണി​യി​ലാ​ണ്.

ല​ക്കി​ടി: ക​ന​ത്ത മ​ഴ​യി​ൽ തോ​ടും ബ​ണ്ടും ക​നാ​ലും ത​ക​ർ​ന്ന് ല​ക്കി​ടി​പേ​രൂ​ർ പ​ഞ്ചാ​യ​ത്തി​ലെ അ​ടി​യം​മ്പാ​ടം പാ​ട​ശേ​ഖ​ര​ത്തി​ലെ 65 ഏ​ക്ക​ർ കൃ​ഷി​ക്കു​ള്ള ഞാ​റ്റ​ടി വെ​ള്ള​ത്തി​ലാ​യി. ഞാ​റ്റ​ടി​ക്കാ​യി ക​ഴി​ഞ്ഞ ദി​വ​സ​മാ​ണ് വി​ത്തി​റ​ക്കി​യ​ത്. അ​ടി​യം​ബാ​ടം, ചാ​ത്ത​ണാം​കു​ണ്ട് എ​ന്നീ തോ​ടു​ക​ളു​ടെ ബ​ണ്ടു പൊ​ട്ടി​യ​തോ​ടെ​യാ​ണ് നെ​ൽ​പാ​ടം പൂ​ർ​ണ​മാ​യും വെ​ള്ള​ത്തി​ലാ​യ​ത്. ചെ​റി​യ കാ​ഡ​ക​നാ​ലു​ക​ളും ത​ക​ർ​ന്നു. സി. ​ഹ​രി​ദാ​സ്, എ​ൽ. പ​ര​മേ​ശ്വ​ര​ൻ, ത​ങ്ക​ൻ, രാ​ഘ​വ​ൻ​കു​ട്ടി, ദി​ലീ​പ് തു​ട​ങ്ങി​യ 20 പേ​രു​ടെ കൃ​ഷി​യാ​ണ് വെ​ള്ളം മൂ​ടി ന​ശി​ച്ച​ത്.