എ​ലി​പ്പ​നി ജാ​ഗ്ര​ത കൈ​വി​ട​ല്ലേ...

പാ​ല​ക്കാ​ട്​: ജി​ല്ല​യു​ടെ വി​വി​ധ ഭാ​ഗ​ങ്ങ​ളി​ല്‍ എ​ലി​പ്പ​നി റി​പ്പോ​ര്‍ട്ട് ചെ​യ്തി​ട്ടു​ള്ള​തി​നാ​ല്‍ ജാ​ഗ്ര​ത​യും നി​രീ​ക്ഷ​ണ​വും ഊ​ർ​ജി​ത​മാ​ക്കി​യ​താ​യി ഡി.​എം.​ഒ അ​റി​യി​ച്ചു. എ​ലി​ക​ളാ​ണ് പ്ര​ധാ​ന രോ​ഗ​വാ​ഹ​ക​ര്‍. ലെ​പ്‌​റ്റോ​സ്‌​പൈ​റ ബാ​ക്ടീ​രി​യ​യാ​ണ് രോ​ഗ​മു​ണ്ടാ​ക്കു​ന്ന​ത്. എ​ലി​യു​ടെ വൃ​ക്ക​ക​ളി​ലാ​ണ് ബാ​ക്ടീ​രി​യ വ​ള​ര്‍ന്നു​പെ​രു​കു​ന്ന​ത്.

ഇ​വ​യു​ടെ മൂ​ത്ര​ത്തി​ല്‍ കൂ​ടി രോ​ഗാ​ണു​ക്ക​ള്‍ ധാ​രാ​ള​മാ​യി വി​സ​ർ​ജി​ക്ക​പ്പെ​ടു​ന്നു. ഒ​രു മി​ല്ലീ ലി​റ്റ​ര്‍ മൂ​ത്ര​ത്തി​ല്‍ പോ​ലും കോ​ടി​ക്ക​ണ​ക്കി​ന് ബാ​ക്ടീ​രി​യ​ക​ള്‍ കാ​ണും. ഇ​വ എ​ലി​ക​ളി​ല്‍ രോ​ഗം ഉ​ണ്ടാ​ക്കാ​റി​ല്ല. എ​ലി മ​നു​ഷ്യ​നെ ക​ടി​ച്ചാ​ലും എ​ലി​പ്പ​നി വ​ര​ണ​മെ​ന്നി​ല്ല. എ​ലി​യെ കൂ​ടാ​തെ നാ​യ്ക്ക​ളും ആ​ടു​മാ​ടു​ക​ളും പ​ന്നി​യും മ​റ്റും ചി​ല​പ്പോ​ള്‍ രോ​ഗാ​ണു​വാ​ഹ​ക​രാ​കാ​റു​ണ്ട്.

രോ​ഗാ​ണു​ക്ക​ളു​ള്ള എ​ലി​മൂ​ത്രം മ​ണ്ണി​ലും, മ​ഴ പെ​യ്യു​മ്പോ​ള്‍ ഒ​ലി​ച്ച് ഓ​ട​ക​ളി​ലും ക​നാ​ലു​ക​ളി​ലും കെ​ട്ടി​ക്കി​ട​ക്കു​ന്ന വെ​ള്ള​ത്തി​ലു​മൊ​ക്കെ എ​ത്തു​ന്നു. കൂ​ടാ​തെ, എ​ലി​മാ​ള​ങ്ങ​ളി​ല്‍ വെ​ള്ളം ക​യ​റു​ന്ന​തോ​ടെ അ​വ കൂ​ട്ട​ത്തോ​ടെ പു​റ​ത്തേ​ക്കു വ​രു​ക​യും വെ​ള്ളം വ്യാ​പ​ക​മാ​യി എ​ലി​മൂ​ത്രം കൊ​ണ്ടും വി​സ​ർ​ജ്യം കൊ​ണ്ടും മ​ലി​ന​മാ​ക്കു​ന്ന​തു​മൂ​ലം എ​ലി​പ്പ​നി വ്യാ​പ​ക​മാ​കു​ക​യും ചെ​യ്യു​ന്നു. കെ​ട്ടി​ക്കി​ട​ക്കു​ന്ന ജ​ല​ത്തി​ലും ഈ​ര്‍പ്പ​മു​ള്ള മ​ണ്ണി​ലും ര​ണ്ടു മൂ​ന്ന് മാ​സ​മെ​ങ്കി​ലും എ​ലി​പ്പ​നി ഭീ​ഷ​ണി നി​ല​നി​ല്‍ക്കും.

എ​ങ്ങ​നെ ​േരാ​ഗം പ​ട​രു​ന്നു?

1. രോ​ഗാ​ണു​ക്ക​ള്‍ ക​ല​ര്‍ന്ന മ​ലി​ന ജ​ല​ത്തി​ല്‍ ച​വി​ട്ടു​ക​യോ ക​ളി​ക്കു​ക​യോ ഒ​ക്കെ ചെ​യ്യു​മ്പോ​ള്‍ രോ​ഗാ​ണു​ക്ക​ള്‍ ശ​രീ​ര​ത്തി​ല്‍ പ്ര​വേ​ശി​ക്കാം. പ്ര​ത്യേ​കി​ച്ച് ശ​രീ​ര​ത്തി​ല്‍ മു​റി​വു​ക​ളോ പോ​റ​ലോ വ്ര​ണ​ങ്ങ​ളോ ഉ​ണ്ടെ​ങ്കി​ല്‍.

2. ശ​രീ​ര​ത്തി​ല്‍ മു​റി​വു​ക​ള്‍ ഒ​ന്നും ഇ​ല്ലെ​ങ്കി​ലും ദീ​ര്‍ഘ​നേ​രം മ​ലി​ന​ജ​ല​ത്തി​ല്‍നി​ന്ന് പ​ണി​യെ​ടു​ക്കു​ന്ന​വ​രി​ല്‍ ജ​ല​വു​മാ​യി സ​മ്പ​ര്‍ക്ക​മു​ള്ള ത്വ​ക്ക് മൃ​ദു​ല​മാ​കു​ക​യും ആ ​ഭാ​ഗ​ത്തു​കൂ​ടി രോ​ഗാ​ണു ശ​രീ​ര​ത്തി​ല്‍ പ്ര​വേ​ശി​ക്കു​ക​യും ചെ​യ്യു​ന്നു.

3. ക​ണ്ണ്, മൂ​ക്ക്, വാ​യ, ജ​ന​നേ​ന്ദ്രി​യം എ​ന്നി​വ​യു​ടെ മൃ​ദു​ല​മാ​യ ച​ര്‍മ​ത്തി​ല്‍ കൂ​ടി രോ​ഗാ​ണു​ക്ക​ള്‍ ശ​രീ​ര​ത്തി​ല്‍ പ്ര​വേ​ശി​ക്കാം.

4. രോ​ഗാ​ണു ക​ല​ര്‍ന്ന ജ​ലം കു​ടി​ക്കു​ന്ന​തി​ലൂ​ടെ​യും രോ​ഗം ഉ​ണ്ടാ​കാം.

ല​ക്ഷ​ണ​ങ്ങ​ള്‍ ശ്ര​ദ്ധി​ക്ക​ണം

രോ​ഗാ​ണു ശ​രീ​ര​ത്തി​ല്‍ പ്ര​വേ​ശി​ച്ചാ​ല്‍ 10 -14 ദി​വ​സ​ങ്ങ​ള്‍ക്ക​കം രോ​ഗ​ല​ക്ഷ​ണ​ങ്ങ​ള്‍ പ്ര​ത്യ​ക്ഷ​പ്പെ​ടും.

1. ശ​ക്ത​മാ​യ പ​നി

2. ശ​ക്ത​മാ​യ ത​ല​വേ​ദ​ന

3. ശ​ക്ത​മാ​യ പേ​ശി​വേ​ദ​ന, പ്ര​ത്യേ​കി​ച്ച് ന​ടു​വി​നും കാ​ലു​ക​ളി​ലെ പേ​ശി​ക​ള്‍ക്കും. കാ​ല്‍മു​ട്ടി​ന് താ​ഴെ​യു​ള്ള പേ​ശി​ക​ളി​ല്‍ കൈ​വി​ര​ല്‍കൊ​ണ്ട് അ​മ​ര്‍ത്തു​മ്പോ​ള്‍ വേ​ദ​ന ഉ​ണ്ടാ​കും.

4. അ​മി​ത​മാ​യ ക്ഷീ​ണം.

5. ക​ണ്ണി​ന് ചു​വ​പ്പ് നി​റം, നീ​ര്‍വീ​ഴ്ച. ക​ണ്ണി​െൻറ കൃ​ഷ്ണ​മ​ണി​ക്ക് ചു​റ്റും വെ​ള്ള ഭാ​ഗ​ത്തു​ണ്ടാ​കു​ന്ന ചു​വ​പ്പ് നി​റം എ​ലി​പ്പ​നി​യു​ടെ പ്ര​ധാ​ന ല​ക്ഷ​ണ​ങ്ങ​ളി​ലൊ​ന്നാ​ണ്. ക​ണ്ണു​ക​ളി​ല്‍ ഉ​ണ്ടാ​കു​ന്ന ര​ക്ത​സ്രാ​വ​മാ​ണ് ചു​വ​പ്പു നി​റ​ത്തി​ന് കാ​ര​ണം. പ​നി​ക്കും ശ​രീ​ര വേ​ദ​ന​ക്കും ഒ​പ്പം ക​ണ്ണി​െൻറ ചു​വ​പ്പ് നി​റം കൂ​ടി​യെ​ങ്കി​ല്‍ ഉ​ട​നെ ഡോ​ക്ട​റെ കാ​ണ​ണം.

6. മ​ഞ്ഞ​പ്പി​ത്ത ല​ക്ഷ​ണ​ങ്ങ​ള്‍- പ​നി​യോ​ടൊ​പ്പം ക​ണ്ണി​ന് മ​ഞ്ഞ​നി​റം, മ​നം മ​റി​ച്ചി​ല്‍, ഛര്‍ദി. രോ​ഗം ക​ര​ളി​നെ ബാ​ധി​ക്കു​ന്ന​തി​നാ​ലാ​ണ് മ​ഞ്ഞ​പ്പി​ത്ത ല​ക്ഷ​ണ​ങ്ങ​ള്‍ ഉ​ണ്ടാ​കു​ന്ന​ത്. രോ​ഗ​ത്തി​െൻറ ഗൗ​ര​വ സ്വ​ഭാ​വ​മു​ള്ള ല​ക്ഷ​ണ​ങ്ങ​ളി​ല്‍ ഒ​ന്നാ​ണി​ത്.

7. ശ​രീ​ര​ത്തി​ല്‍ ചു​വ​ന്ന പാ​ടു​ക​ള്‍ പ്ര​ത്യ​ക്ഷ​പ്പെ​ടു​ക. ത്വ​ക്കി​ല്‍ ര​ക്ത​സ്രാ​വം ഉ​ണ്ടാ​കു​ന്ന​താ​ണ് കാ​ര​ണം. രോ​ഗം ഗു​രു​ത​രാ​വ​സ്ഥ​യി​ലാ​ണെ​ങ്കി​ല്‍ മൂ​ക്കി​ലൂ​ടെ ര​ക്ത​സ്രാ​വം, ര​ക്തം ഛര്‍ദി​ക്കു​ക, മ​ലം ക​റു​ത്ത നി​റ​ത്തി​ല്‍ പോ​കു​ക എ​ന്നി​വ​യും ഉ​ണ്ടാ​കാം.

8. ചി​ല​രി​ല്‍ പ​നി​യോ​ടൊ​പ്പം വ​യ​റി​ള​ക്ക​വും ഛര്‍ദി​യും ഉ​ണ്ടാ​കും.

ര​ക്ത​പ​രി​ശോ​ധ​ന​യി​ലൂ​ടെ​യാ​ണ് എ​ലി​പ്പ​നി സ്ഥി​രീ​ക​രി​ക്കു​ക. മി​ക്ക​വ​രി​ലും ശ​ക്ത​മാ​യ പ​നി​യും ദേ​ഹ​വേ​ദ​ന​യും മാ​ത്ര​മേ ഉ​ണ്ടാ​കൂ. 5 -6 ദി​വ​സ​ത്തി​ല്‍ പ​നി സു​ഖ​മാ​കു​ക​യും ചെ​യ്യും. 10 ശ​ത​മാ​നം പേ​രി​ല്‍ ഗൗ​ര​വ​മാ​യ സ​ങ്കീ​ര്‍ണ​ത​ക​ള്‍ ഉ​ണ്ടാ​കു​ന്നു. ശ​രീ​ര​ത്തി​ലെ എ​ല്ലാ പ്ര​ധാ​ന അ​വ​യ​വ​ങ്ങ​ളെ​യും ഇ​ത് ബാ​ധി​ക്കാം. വൃ​ക്ക​ക​ളെ ബാ​ധി​ച്ചാ​ല്‍ അ​വ​യു​ടെ പ്ര​വ​ര്‍ത്ത​നം​ത​ന്നെ നി​ല​ച്ച് മ​ര​ണം സം​ഭ​വി​ക്കാം. ആ​രം​ഭ​ത്തി​ല്‍ത​ന്നെ രോ​ഗ​നി​ര്‍ണ​യം ന​ട​ത്തി ചി​കി​ത്സി​ക്ക​ണം.

പ്ര​തി​രോ​ധം പ്ര​ധാ​നം

1. മ​ലി​ന​ജ​ലം, പ്ര​ത്യേ​കി​ച്ച് കെ​ട്ടി​ക്കി​ട​ക്കു​ന്ന ജ​ല​വു​മാ​യി സ​മ്പ​ര്‍ക്കം ഒ​ഴി​വാ​ക്കു​ക. കു​ട്ടി​ക​ളെ മ​ലി​ന​ജ​ല​ത്തി​ല്‍ ക​ളി​ക്കാ​ന്‍ അ​നു​വ​ദി​ക്ക​രു​ത്. ശ​രീ​ര​ത്തി​ല്‍ മു​റി​വു​ള്ള​വ​ര്‍ ശു​ചീ​ക​ര​ണ പ്ര​വ​ര്‍ത്ത​ന​ത്തി​ല്‍ ഇ​റ​ങ്ങ​രു​ത്.

2. വീ​ടും പ​രി​സ​ര​വും വൃ​ത്തി​യാ​യി സൂ​ക്ഷി​ക്കു​ക. ഭ​ക്ഷ​ണാ​വ​ശി​ഷ്​​ട​ങ്ങ​ള്‍ ചു​റ്റു​പാ​ടും വ​ലി​ച്ചെ​റി​യാ​തി​രി​ക്കു​ക. എ​ലി​ക​ളെ നി​യ​ന്ത്രി​ക്കാ​ന്‍ ഇ​വ ഉ​പ​ക​രി​ക്കും.

3. പ​ശു, മ​റ്റു ക​ന്നു​കാ​ലി​ക​ള്‍, ഓ​മ​ന​മൃ​ഗ​ങ്ങ​ള്‍ തു​ട​ങ്ങി​യ​വ​യു​ടെ മൂ​ത്ര​ത്തി​ലൂ​ടെ​യും എ​ലി​പ്പ​നി പ​ട​രാ​ന്‍ സാ​ധ്യ​ത​യു​ള്ള​തി​നാ​ല്‍ ഇ​ത്ത​രം മൃ​ഗ​ങ്ങ​ളു​മാ​യി ഇ​ട​പ​ഴ​കു​ന്ന​വ​ര്‍ പ്ര​ത്യേ​കം മു​ന്‍ക​രു​ത​ലു​ക​ള്‍ സ്വീ​ക​രി​ക്ക​ണം.

4. കെ​ട്ടി​ക്കി​ട​ക്കു​ന്ന ജ​ല​വു​മാ​യി സ​മ്പ​ര്‍ക്കം ആ​വ​ശ്യ​മാ​യി വ​രു​ന്ന​വ​ര്‍- ഉ​ദാ: വീ​ടും പ​രി​സ​ര​വും ശു​ചീ​ക​ര​ണ​ത്തി​ന് എ​ത്തു​ന്ന​വ​ര്‍, പ​ണി​യെ​ടു​ക്കു​ന്ന​വ​ര്‍, ഈ​ര്‍പ്പ​മു​ള്ള മ​ണ്ണി​ല്‍ കൃ​ഷി ചെ​യ്യു​ന്ന​വ​ര്‍- പ്ര​ത്യേ​കം ശ്ര​ദ്ധി​ക്ക​ണം. ​കൈ​യു​റ​ക​ള്‍, ബൂ​ട്‌​സ് എ​ന്നി​വ ധ​രി​ക്കു​ന്ന​ത് കൂ​ടാ​തെ രോ​ഗ​പ്ര​തി​രോ​ധം ന​ല്‍കു​ന്ന ഡോ​ക്‌​സി​സൈ​ക്ലി​ന്‍ ആ​രോ​ഗ്യ പ്ര​വ​ര്‍ത്ത​ക​രു​ടെ നി​ർ​ദേ​ശ​പ്ര​കാ​രം ക​ഴി​ക്ക​ണം.

5. ഏ​തെ​ങ്കി​ലും കാ​ര​ണ​വ​ശാ​ല്‍ മ​ലി​ന​ജ​ല​ത്തി​ല്‍ ച​വി​ട്ടേ​ണ്ടി​വ​ന്നാ​ല്‍ കാ​ലു​ക​ള്‍ ശു​ദ്ധ​ജ​ല​വും സോ​പ്പും ഉ​പ​യോ​ഗി​ച്ച് ക​ഴു​കി ഉ​ണ​ക്കു​ക.

6. കു​ടി​ക്കാ​നു​ള്ള ജ​ലം അ​ഞ്ച് മി​നി​റ്റെ​ങ്കി​ലും തി​ള​പ്പി​ച്ചാ​റ്റി ഉ​പ​യോ​ഗി​ക്കു​ക. എ​ലി​മൂ​ത്രം ക​ല​ര്‍ന്നി​ട്ടി​ല്ലെ​ന്ന് ഉ​റ​പ്പാ​ക്കു​ക.

7. പാ​ച​ക​ത്തി​നും കു​ളി​ക്കാ​നും വാ​യ് ശു​ദ്ധി​ക​രി​ക്കാ​നു​മൊ​ക്കെ ക്ലോ​റി​നേ​റ്റ് ചെ​യ്ത ജ​ലം മാ​ത്ര​മേ ഉ​പ​യോ​ഗി​ക്കാ​വൂ.