അ​ട്ട​പ്പാ​ടി​യി​ൽ വ്യാ​പ​ക​മാ​യി പു​ഴയിലെ പു​റ​മ്പോ​ക്ക് കൈ​യേ​റി​യെ​ന്ന് റി​പ്പോ​ർ​ട്ട്

പാ​ല​ക്കാ​ട്: അ​ട്ട​പ്പാ​ടി​യി​ൽ വ്യാ​പ​ക​മാ​യി പു​ഴയിലെ പു​റ​മ്പോ​ക്ക് ഭൂ​മി കൈ​യേ​റി​യെ​ന്ന് റി​പ്പോ​ർ​ട്ട്. ജി​ല്ല സ​ർ​വേ സൂ​പ്ര​ണ്ടും ജി​ല്ല എ​ച്ച്.​എ​സും ചേ​ർ​ന്ന് ബ​ന്ധ​പ്പെ​ട്ട ഫ​യ​ലു​ക​ൾ പ​രി​ശോ​ധി​ച്ച് ത​യാ​റാ​ക്കി​യ പ്രാ​ഥ​മി​ക റി​പ്പോ​ർ​ട്ടി​ലാ​ണ് ഇ​ക്കാ​ര്യം വ്യ​ക്ത​മാ​ക്കി​യ​ത്. സ​ർ​വേ ഡ​യ​റ​ക്ട​ർ​ക്ക് റി​പ്പോ​ർ​ട്ട് കൈ​മാ​റി.

അ​ട്ട​പ്പാ​ടി താ​ലൂ​ക്കി​ലെ ര​ഹ്ന ബി​ജോ​യു​ടെ അ​പേ​ക്ഷ​യി​ൽ അ​ഗ​ളി വി​ല്ലേ​ജി​ലെ സ​ർ​വേ ന​മ്പ​ർ 386ൽ ​പെ​ട്ട ‘സ​ർ​ക്കാ​ർ പു​റ​മ്പോ​ക്ക് പു​ഴ’ എ​ന്ന് രേ​ഖ​പ്പെ​ടു​ത്തി​യി​ട്ടു​ള്ള സ്ഥ​ല​വും കൂ​ടെ ചേ​ർ​ത്ത് അ​പേ​ക്ഷ​ക​രു​ടെ പേ​രി​ൽ സ​ബ്ഡി​വി​ഷ​ൻ രേ​ഖ ത​യാ​റാ​ക്കി​യെ​ന്നാ​ണ് ഫ​യ​ലി​ൽ ക​ണ്ടെ​ത്തി​യ​ത്.

2024 ആ​ഗ​സ്റ്റ് 13ന് ​ഈ ന​ട​പ​ടി അ​ട്ട​പ്പാ​ടി ഭൂ​രേ​ഖ ത​ഹ​സി​ൽ​ദാ​ർ ത​ള്ളി. ഇ​ത് ഗു​രു​ത​ര കു​റ്റ​മാ​യി ത​ഹ​സി​ൽ​ദാ​ർ രേ​ഖ​​പ്പെ​ടു​ത്തു​ക​യും ചെ​യ്തു. ഫ​യ​ലി​ൽ സ​ർ​വേ​യ​റും ഹെ​ഡ് സ​ർ​വേ​യ​റും ചെ​യ്‌​ത ന​ട​പ​ടി​ക​ൾ ശ​രി​യാ​ണോ എ​ന്ന് വി​ശ​ദ​മാ​യ ഫ​യ​ൽ /ഫീ​ൽ​ഡ് പ​രി​ശോ​ധ​ന​യി​ലൂ​ടെ മാ​ത്ര​മേ മ​ന​സ്സി​ലാ​ക്കാ​ൻ ക​ഴി​യു​ക​യു​ള്ളൂ​വെ​ന്നാ​ണ് റി​പ്പോ​ർ​ട്ട്.

സം​ഘം ര​ണ്ടാ​മ​ത് പ​രി​ശോ​ധി​ച്ച ലീ​ലാ​മ​ണി​യു​ടെ അ​പേ​ക്ഷ​യും ഫ​യ​ലും പ​രി​ശോ​ധി​ച്ച​പ്പോ​ൾ ഈ ​ഫ​യ​ൽ സ​ർ​വേ​യ​ർ​ക്ക് കൈ​മാ​റി​യ​താ​യി രേ​ഖ​യി​ല്ലെ​ന്ന് ക​ണ്ടെ​ത്തി.

അ​പേ​ക്ഷ​യി​ൽ സ​ർ​വേ​യ​ർ ഫീ​ൽ​ഡ് പ​രി​ശോ​ധ​ന ന​ട​ത്തി​യ​താ​യും കു​റി​ച്ചി​ട്ടി​ല്ല. പ​ക്ഷെ ഹെ​ഡ് സ​ർ​വേ​യ​റും ഡെ​പ്യൂ​ട്ടി ത​ഹ​സി​ൽ​ദാ​റും ഒ​പ്പി​ട്ട പ​തി​ച്ച സ്കെ​ച്ച് അ​പേ​ക്ഷ​ക സ​മ​ർ​പ്പി​ച്ചി​രു​ന്നു. അ​പേ​ക്ഷ​യി​ൽ, താ​ലൂ​ക്ക് സ​ർ​വേ​യ​റെ കൊ​ണ്ട് അ​ള​ന്നു​നോ​ക്കി ഭൂ​രേ​ഖ ത​യാ​റാ​ക്കി എ​ന്നും പ്ര​തി​പാ​ദി​ച്ചി​ട്ടു​ണ്ട്.

ഈ ​അ​പേ​ക്ഷ ല​ഭി​ക്കാ​തെ ത​ന്നെ ഹെ​ഡ് സ​ർ​വേ​യ​ർ ഒ​പ്പി​ട്ട് സ്കെ​ച്ച് ക​ക്ഷി​ക്ക് ല​ഭ്യ​മാ​യ​ത് സം​ബ​ന്ധി​ച്ച് വി​ശ​ദ​മാ​യി അ​ന്വേ​ഷ​ണം വേ​ണ​മെ​ന്നാ​ണ് റി​പ്പോ​ർ​ട്ടി​ൽ രേ​ഖ​പ്പെ​ടു​ത്തി​യി​ട്ടു​ണ്ട്. പ​രി​ശോ​ധി​ച്ച ന​ബീ​സ​യു​ടെ അ​പേ​ക്ഷ​യി​ൽ വി​ശ​ദ​മാ​യ അ​ന്വേ​ഷ​ണം ആ​വ​ശ്യ​മാ​ണെ​ന്ന റി​പ്പോ​ർ​ട്ടി​ൽ വ്യ​ക്ത​മാ​ക്കി​യി​ട്ടു​ണ്ട്.

പ​രി​മി​ത​മാ​യ സ​മ​യ​ത്തി​ൽ ല​ഭ്യ​മാ​യ രേ​ഖ​ക​ൾ പ​രി​ശോ​ധി​ച്ചാ​ണ് പ്രാ​ഥ​മി​ക റി​പ്പോ​ർ​ട്ട് ത​യാ​റാ​ക്കി​യ​ത്. അ​ട്ട​പ്പാ​ടി​യി​ൽ സ​ർ​ക്കാ​ർ പു​ഴ പു​റ​മ്പോ​ക്ക് ഭൂ​മി വ്യാ​പ​ക​മാ​യി കൈ​യേ​റി​യി​ട്ടു​ണ്ടെ​ന്നാ​ണ് റി​പ്പോ​ർ​ട്ട് ന​ൽ​കു​ന്ന സൂ​ച​ന.