നെ​ല്ലി​യാ​മ്പ​തി​യി​ലെ വി​നോ​ദ​സ​ഞ്ചാ​ര​കേ​ന്ദ്ര​ങ്ങ​ളി​ൽ നി​യ​ന്ത്ര​ണ​ങ്ങ​ൾ​ക്ക് പു​ല്ലു​വി​ല

നെ​ല്ലി​യാ​മ്പ​തി: അ​പ​ക​ട​ങ്ങ​ൾ തു​ട​ർ​ക്ക​ഥ​യാ​വു​ന്ന വി​നോ​ദ​സ​ഞ്ചാ​ര കേ​ന്ദ്ര​ങ്ങ​ളി​ൽ നി​യ​ന്ത്ര​ണ​സം​വി​ധാ​ന​ങ്ങ​ൾ പേ​രി​നു​മാ​ത്രം. സീ​താ​ർ​കു​ണ്ട്, കാ​ര​പ്പാ​റ എ​ന്നി​വി​ട​ങ്ങ​ളി​ലു​ണ്ടാ​യ അ​പ​ക​ട​ങ്ങ​ളി​ൽ ക​ഴി​ഞ്ഞ ഒ​രു​മാ​സ​ത്തി​നി​ടെ മ​രി​ച്ച​ത് മൂ​ന്നു പേരാ​ണ്.

അ​പ​ക​ട​ങ്ങ​ൾ നി​യ​ന്ത്രി​ക്കാ​നു​ള്ള സം​വി​ധാ​ന​മെ​ന്ന പേ​രി​ൽ പാ​ട​ഗി​രി പൊ​ലീ​സ് സീ​താ​ർ​കു​ണ്ട് വ്യൂ ​പോ​യ​ൻ​റി​ൽ മു​ള​കൊ​ണ്ട് സ​ന്ദ​ർ​ശ​ക​രെ ത​ട​യാ​ൻ വേ​ലി കെ​ട്ടി​യി​ട്ടും സ​ന്ദ​ർ​ശ​ക​ർ വേ​ലി ചാ​ടി​ക്ക​ട​ന്ന് അ​പ​ക​ട​മേ​ഖ​ല​യി​ൽ എ​ത്തു​ന്നു​ണ്ട് എ​ന്നാ​ണ് വി​വ​രം.

ക​ഴി​ഞ്ഞ​ദി​വ​സ​ങ്ങ​ളി​ൽ മ​ക​ര​പ്പൊ​ങ്ക​ൽ അ​വ​ധി​ദി​വ​സ​ങ്ങ​ളി​ൽ നൂ​റു​ക​ണ​ക്കി​ന് സ​ന്ദ​ർ​ശ​ക​രാ​ണ് ത​മി​ഴ്നാ​ട്ടി​ൽ​നി​ന്ന് എ​ത്തി​യ​ത്. അ​പ​ക​ട​സൂ​ച​ന​യു​ള്ള ബോ​ർ​ഡൊ​ഴി​ച്ചാ​ൽ നി​രീ​ക്ഷ​ണ സം​വി​ധാ​ന​ങ്ങ​ളൊ​ന്നും ഇ​ല്ലാ​ത്ത​ത് പോ​രാ​യ്മയാ​ണ്.

അ​തു​പോ​ലെ കാ​ര​പ്പാ​റ​പ്പു​ഴ​യി​ൽ സ​ന്ദ​ർ​ശ​ക​ർ കു​ളി​ക്കാ​നി​റ​ങ്ങു​ന്ന​ത് നി​യ​ന്ത്രി​ക്കാ​ൻ സംവിധാനമി​ല്ല. സ​ന്ദ​ർ​ശ​ക​ർ വ​ണ്ണാ​ത്തി​പ്പാ​ല​വും വി​ക്ടോ​റി​യ വെ​ള്ള​ച്ചാ​ട്ട​വും ക​ണ്ട​ശേ​ഷം നേ​രെ പു​ഴ​യി​ലി​റ​ങ്ങു​ന്ന​ത് സ്ഥി​രം കാ​ഴ്ച​യാ​ണ്. അ​പ​ക​ട​ങ്ങ​ൾ തു​ട​രെ​യു​ണ്ടാ​യി​ട്ടും അ​തു നി​യ​ന്ത്രി​ക്കാ​ൻ അ​ധി​കൃ​ത​ർ കാ​ര്യ​മാ​യി ഒ​ന്നും ചെ​യ്യാ​ത്ത​ത് ആ​ശ​ങ്ക​യു​ണ്ടാ​ക്കു​ന്നെ​ന്നാ​ണ് സ​ന്ദ​ർ​ശ​ക​ർ പ​റ​യു​ന്ന​ത്.