അക്ഷര സഞ്ചിയുമായി ശശി നടത്തം തുടങ്ങിയിട്ട് മൂന്ന് പതിറ്റാണ്ട്

പാ​ല​ക്കാ​ട്: തോ​ളി​ൽ തൂ​ക്കി​യ ക​റു​ത്ത ബാ​ഗ് നി​റ​യെ പു​സ്ത​ക​ങ്ങ​ളു​മാ​യി ശ​ശി ന​ട​ക്കാ​ൻ തു​ട​ങ്ങി​യി​ട്ട് മൂ​ന്ന് പ​തി​റ്റാ​ണ്ട് പി​ന്നി​ട്ടു. ഇ​തി​ന​കം വാ​യി​ച്ചു​തീ​ർ​ത്ത പു​സ്ത​ക​ങ്ങ​ളും വി​ൽ​പ​ന ന​ട​ത്തി​യ പു​സ്ത​ക​ങ്ങ​ളും അ​ന​വ​ധി. പു​സ്ത​ക വി​ൽ​പ​ന ശ​ശി​ക്ക് വ​രു​മാ​ന​ത്തി​ലു​പ​രി ജീ​വി​ത​വു​മാ​ണ്. 20ാം വ​യ​സ്സി​ലാ​ണ് പ​ത്തി​രി​പ്പാ​ല ന​ഗ​രി​പു​രം സ്വ​ദേ​ശി എ.​വി. ശ​ശി പു​സ്ത​ക​ങ്ങ​ൾ ബാ​ഗി​ലാ​ക്കി തോ​ളി​ൽ തൂ​ക്കി ന​ട​ന്ന് വി​ൽ​പ​ന ആ​രം​ഭി​ച്ച​ത്. ഇ​പ്പോ​ൾ 36 വ​ർ​ഷം പി​ന്നി​ട്ടു. വാ​യി​ച്ച് ഇ​ഷ്ട​പ്പെ​ട്ട പു​സ്ത​ക​ങ്ങ​ളേ വി​ൽ​ക്കാ​റു​ള്ളൂ. പു​സ്ത​ക​ങ്ങ​ളോ​ടു​ള്ള താ​ൽ​പ​ര്യ​മാ​ണ് ത​ന്നെ ഇ​തി​ലേ​ക്ക് ന​യി​ച്ച​തെ​ന്ന് ശ​ശി പ​റ‍യു​ന്നു. സ്കൂ​ളു​ക​ളി​ലും കോ​ള​ജു​ക​ളി​ലും സ​ർ​ക്കാ​ർ ഓ​ഫി​സു​ക​ളി​ലു​മെ​ല്ലാം ച​ലി​ക്കു​ന്ന ലൈ​ബ്ര​റി​യാ​യി എ​ത്തു​ന്ന ശ​ശി​യെ കാ​ത്തി​രി​ക്കു​ന്ന​വ​ർ ഏ​റെ​യാ​ണ്.

ത​ട്ടു​ക​ട​യി​ലും ബാ​റി​ലും വീ​ടു​ക​ളി​ലു​മെ​ല്ലാം ശ​ശി പ​ണി​ക്ക് നി​ന്നി​ട്ടു​ണ്ട്. എ​ന്നാ​ൽ, പു​സ്ത​ക​ങ്ങ​ളോ​ടു​ള്ള പ്രി​യം വീ​ണ്ടും തോ​ളി​ലൊ​രു ബാ​ഗു​മാ​യി ന​ട​ക്കാ​ൻ പ്രേ​രി​പ്പി​ച്ചു. മ​ല​പ്പു​റം, തൃ​ശൂ​ർ തു​ട​ങ്ങി​യ ജി​ല്ല​ക​ളി​ലും വി​ൽ​പ​ന​യു​ണ്ട്. റാം ​കെ​യ​ർ ഓ​ഫ് ആ​ന​ന്ദി, ഓ​രി​ക്ക​ൽ തു​ട​ങ്ങി​യ പു​സ്ത​ക​ങ്ങ​ളാ​ണ് ഈ​യ​ടു​ത്ത കാ​ല​ത്ത് ഏ​റ്റ​വും കൂ​ടു​ത​ൽ വി​റ്റ​ത്. ഖ​സാ​ക്കി​ന്‍റെ ഇ​തി​ഹാ​സം ഇ​പ്പോ​ഴും വാ​ങ്ങു​ന്ന​വ​രു​ണ്ട്.

ന​ല്ല പു​സ്ത​ക​ങ്ങ​ൾ വാ​യി​ക്കാ​ൻ ക​ഴി​ഞ്ഞ​തും കു​റേ എ​ഴു​ത്തു​കാ​രു​മാ​യി ബ​ന്ധ​മു​ണ്ടാ​യ​തും ഒ​രു​പാ​ട് വാ​യ​ന​ക്കാ​രെ കി​ട്ടി​യ​തു​മെ​ല്ലാം ഇ​ക്കാ​ല​ത്തി​നി​ട​ക്ക് കി​ട്ടി​യ ന​ല്ല ഓ​ർ​മ​ക​ളാ​ണെ​ന്ന് ശ​ശി പ​റ​യു​ന്നു. എ​ന്നാ​ൽ, പു​സ്ത​ക​ങ്ങ​ൾ വി​ൽ​ക്കാ​ൻ പോ​യ​തി​ന് ഇ​റ​ക്കി​വി​ട്ട സം​ഭ​വ​ങ്ങ​ളു​മു​ണ്ടാ​യി​ട്ടു​ണ്ടെ​ന്നും അ​ദ്ദേ​ഹം പ​റ​ഞ്ഞു. ന​ട​ന്മാ​രാ​യ മ​മ്മൂ​ട്ടി​ക്കും മു​ര​ളി​ക്കും ശ​ശി പു​സ്ത​ക​ങ്ങ​ൾ ന​ൽ​കി​യി​ട്ടു​ണ്ട്. വി.​കെ.​എ​ൻ, നി​ത്യ​ചൈ​ന്യ​യ​തി എ​ന്നി​വ​രു​മാ​യി അ​ടു​പ്പ​മു​ണ്ടാ​യി​രു​ന്നു. സു​നി​ൽ പി. ​ഇ​ള​യി​ടം, കെ.​ആ​ർ. മീ​ര, ടി.​ഡി. രാ​മ​കൃ​ഷ്ണ​ൻ കെ.​ഇ.​എ​ൻ. കു​ഞ്ഞ​ഹ​മ്മ​ദ് എ​ന്നി​വ​രു​മാ​യും സൗ​ഹൃ​ദ​മു​ണ്ട്. ഓ​ർ​മ​ക​ളും അ​നു​ഭ​വ​ങ്ങ​ളും കൊ​രു​ത്ത് 2009ൽ ​പ​ക​ർ​ച്ച: നീ​യ​റി​യു​ന്നോ വാ​യ​ന​ക്കാ​രാ എ​ന്ന പേ​രി​ലും വി​വ​ർ​ത്ത​ന​ങ്ങ​ളും ക​ഥ​ക​ളു​മാ​യി 2022ൽ ​ഭ​സ്മാ​സു​ര​ൻ എ​ന്ന പേ​രി​ലും സ്വ​ന്ത​മാ​യി സൃ​ഷ്ടി​ക​ൾ പു​റ​ത്തി​റ​ക്കി. ഭാ​ര്യ ജ​യ​ല​ക്ഷ്മി​യും മ​ക​ൻ നി​രൂ​പും ശ​ശി​ക്ക് പി​ന്തു​ണ​യു​മാ​യി കൂ​ടെ​യു​ണ്ട്.