വ​ഴി ന​ഷ്ട​പ്പെ​ട്ട പ​ട്ടി​ക​ജാ​തി വീ​ടു​ക​ൾ; തി​രി​ച്ചു​പി​ടി​ക്കാ​ൻ വ​ഴി​തേ​ടി ന​ഗ​ര​സ​ഭ

പാ​ല​ക്കാ​ട്: വ​ഴി​യി​ല്ലാ​തെ അ​നു​വ​ദി​ക്ക​പ്പെ​ട്ട ഭൂ​മി​യി​ൽ കു​ടു​ങ്ങി​പ്പോ​യ പ​ട്ടി​ക ജാ​തി​ക്കാ​ർ​ക്ക് വേ​ണ്ടി കൗ​ൺ​സി​ല​ർ​മാ​ർ പ​ര​സ്പ​രം പ​ഴി​ചാ​രി, പോ​ര​ടി​ച്ചു; ഒ​ടു​വി​ൽ ഒ​ന്നി​ച്ചു​നി​ന്നു. ഒ​ടു​വി​ൽ പ​ട്ടി​ക​ജാ​തി​ക്കാ​ര്‍ക്ക് വ​ഴി ഉ​ണ്ടെ​ന്ന് ക​ബ​ളി​പ്പി​ച്ച് വീ​ട് നി​ര്‍മി​ക്കാ​ൻ സ്ഥ​ലം വി​ട്ടു​ന​ല്‍കി​യ ഉ​ട​മ​സ്ഥ​ര്‍ക്കെ​തി​രെ​യും വ​ഴി ക​വ​ർ​ന്ന​വ​ർ​ക്കെ​തി​രെ​യും നി​യ​മ​ന​ട​പ​ടി സ്വീ​ക​രി​ക്കാ​നും ആ​ർ.​ഡി.​ഒ​ക്ക് പ​രാ​തി ന​ല്‍കാ​നും കൗ​ണ്‍സി​ല്‍ തീ​രു​മാ​നി​ച്ചു. വ​ഴി​യി​ല്ലാ​തെ പെ​രു​വ​ഴി​യി​ലാ​യ പാ​റ​ക്കു​ള​ത്തു​കാ​രു​മൊ​ത്ത് ന​ഗ​ര​സ​ഭ​യി​ൽ കു​ത്തി​യി​രി​ക്കു​മെ​ന്ന പ്ര​തി​പ​ക്ഷ കൗ​ൺ​സി​ല​ർ എ. ​കൃ​ഷ്ണ​ന്റെ വാ​ക്കു​ക​ളി​ൽ ചൊ​ടി​ച്ച് ബി.​ജെ.​പി കൗ​ൺ​സി​ല​ർ​മാ​രാ​യ ഇ ​കൃ​ഷ്ണ​ദാ​സ്, എ​ൻ. ശി​വ​രാ​ജ​ൻ, സ്മി​തേ​ഷ് എ​ന്നി​വ​ർ രം​ഗ​ത്തെ​ത്തി. യു.​ഡി.​എ​ഫ് ഭ​ര​ണ​ത്തി​ലി​രി​ക്കു​ന്ന കാ​ല​ത്തു​ണ്ടാ​യ അ​ഴി​മ​തി​യാ​ണ് കാ​ര​ണ​മെ​ന്നാ​യി​രു​ന്നു ഇ​വ​രു​ടെ എ​തി​ർ​വാ​ദം. മ​റു​ഭാ​ഗ​ത്ത് ഡി. ​ഷ​ജി​ത്ത് കു​മാ​ർ, മു​ഹ​മ്മ​ദ് ബ​ഷീ​ർ, സെ​യ്തു​മീ​രാ​ൻ, സാ​ജോ ജോ​ൺ, കെ. ​മ​ൻ​സൂ​ർ, ഹ​സ​നു​പ്പ തു​ട​ങ്ങി​യ​വ​രും രം​ഗ​ത്തി​റ​ങ്ങി. അ​തേ​സ​മ​യം, റി​യ​ൽ എ​സ്റ്റേ​റ്റ്-​ഭൂ മാ​ഫി​യ​യു​ടെ ഇ​ട​പെ​ട​ലാ​ണ് ഇ​തി​ന് കാ​ര​ണ​മെ​ന്നും ഭൂ​മി തി​രി​ച്ചെ​ടു​ത്ത് വ​ഴി​യൊ​രു​ക്ക​ണ​മെ​ന്ന ​പൊ​തു​തീ​രു​മാ​ന​ത്തി​ൽ എ​ത്തു​ക​യു​മാ​യി​രു​ന്നു.

‘മോ​ശം വാ​ക്കി​ൽ’ ന​ഗ​ര​സ​ഭ യോ​ഗം സ്തം​ഭി​ച്ചു

പാ​ല​ക്കാ​ട്: പ​ട്ടി​ക ജാ​തി വീ​ടു​ക​ളു​ടെ നി​ർ​മാ​ണ​വു​മാ​യി ബ​ന്ധ​പ്പെ​ട്ട് ന​ഗ​ര​സ​ഭ വൈ​സ് ചെ​യ​ർ​മാ​ൻ ഇ. ​കൃ​ഷ്ണ​ദാ​സി​ന്റെ വാ​യി​ൽ നി​ന്നു​വീ​ണ ‘മോ​ശം വാ​ക്കി​ൽ’ അ​ൽ​പ​നേ​രം ന​ഗ​ര​സ​ഭ യോ​ഗം സ്തം​ഭി​ച്ചു. പ​ട്ടി​ക ജാ​തി വീ​ടു​ക​ൾ അ​നു​വ​ദി​ക്കു​ന്ന​തു​മാ​യി ബ​ന്ധ​പ്പെ​ട്ട് യു.​ഡി.​എ​ഫ് ഭ​ര​ണ​ത്തി​ലി​രി​ക്കു​ന്ന കാ​ല​ത്തു​ണ്ടാ​യ അ​ഴി​മ​തി സൂ​ചി​പ്പി​ക്ക​വേ​യാ​യി​രു​ന്നു ‘പ്ര​യോ​ഗം’. ഉ​ട​നെ യു.​ഡി.​എ​ഫ് കൗ​ൺ​സി​ല​ർ​മാ​ർ ന​ടു​ത്ത​ള​ത്തി​ലി​റ​ങ്ങി ചെ​യ​ർ​പേ​ഴ്സ​നെ ഉ​പ​രോ​ധി​ച്ചു. ഇ​രു​ഭാ​ഗ​ത്തു​നി​ന്നും പ്ര​കോ​പ​ന​മു​ണ്ടാ​യെ​ന്ന ചെ​യ​ർ​പേ​ഴ്സ​ന്റെ പ്ര​തി​ക​ര​ണം പ്ര​തി​പ​ക്ഷ കൗ​ൺ​സി​ല​ർ​മാ​രെ കൂ​ടു​ത​ൽ ചൊ​ടി​പ്പി​ച്ചു. ഒ​ടു​വി​ൽ മോ​ശം പ്ര​തി​ക​ര​ണ​ങ്ങ​ളും വാ​ക്കു​ക​ളും കൗ​ൺ​സി​ല​ർ​മാ​ർ ഒ​ഴി​വാ​ക്ക​ണ​മെ​ന്ന് പ​റ​ഞ്ഞ് ചെ​യ​ർ​പേ​ഴ്സ​ൻ ത​ടി​യൂ​രി.

പ്ല​ക്കാ​ർ​ഡു​യ​ർ​ത്തി ഗാ​ല​റി​യി​ൽ പ്ര​തി​ഷേ​ധം

പാ​ല​ക്കാ​ട്: മീ​ൻ മാ​ർ​ക്ക​റ്റി​നോ​ട് ചേ​ർ​ന്ന റോ​ഡി​ന്റെ ശോ​ച്യാ​വ​സ്ഥ​യി​ൽ പ്ര​തി​ഷേ​ധി​ച്ച് നാ​ട്ടു​കാ​ർ ന​ഗ​ര​സ​ഭ കൗ​ൺ​സി​ൽ ന​ട​ക്കു​ന്ന​യി​ട​ത്ത് ഗാ​ല​റി​യി​ലി​രു​ന്ന് പ്ല​ക്കാ​ർ​ഡു​ക​ളു​യ​ർ​ത്തി പ്ര​തി​ഷേ​ധി​ച്ചു. മു​ദ്രാ​വാ​ക്യം വി​ളി​ക​ൾ പ്ര​ക്ഷു​ബ്ദാ​ന്ത​രീ​ക്ഷം സൃ​ഷ്ടി​ച്ച​പ്പോ​ൾ പൊ​ലീ​സി​നെ വി​ളി​ക്കു​മെ​ന്ന് ചെ​യ​ർ​മാ​ൻ പ്ര​മീ​ള ശ​ശി​ധ​ര​ൻ മു​ന്ന​റി​യി​പ്പ് ന​ൽ​കി​യി​ട്ടും പോ​കാ​ൻ കൂ​ട്ടാ​ക്കി​യി​ല്ല. സെ​ക്ര​ട്ട​റി​യെ​ത്തി പ്ര​തി​ഷേ​ധ​ക്കാ​രു​മാ​യി സം​സാ​രി​ച്ചു. അ​ൽ​പ​നേ​രം ക​ഴി​ഞ്ഞ് അ​വ​ർ മ​ട​ങ്ങി​യ​തോ​ടെ കോ​ൺ​ഗ്ര​സു​കാ​രാ​ണ് പ്ര​തി​ഷേ​ധ​ക്കാ​രെ എ​ത്തി​ച്ച​തെ​ന്ന് ചെ​യ​ർ​മാ​ൻ കു​റ്റ​പ്പെ​ടു​ത്തി. സ​മ​രം പ്ര​ഖ്യാ​പി​ക്കു​ക​യാ​ണെ​ങ്കി​ൽ ചെ​യ​ർ​മാ​നെ അ​റി​യി​ക്ക​ണ​മെ​ന്നും മു​ന്ന​റി​യി​പ്പ് ന​ൽ​കി. ഗോ​ൾ​ഡ​ൻ പാ​ല​സ് മു​ത​ൽ ശ​കു​ന്ത​ള ജ​ങ്ഷ​ൻ വ​രെ​യു​ള്ള റോ​ഡ് ബി​റ്റു​മി​ൻ- മെ​ക്കാ​ഡം (ബി.​എം.​ബി.​സി) ടാ​റി​ങ്ങി​ന് വേ​ണ്ടി അ​നു​വ​ദി​ച്ചി​ട്ടു​ണ്ടെ​ന്നും പ്ര​തി​ഷേ​ധ​ത്തി​ന്റെ ആ​വ​ശ്യ​മി​ല്ലാ​യി​രു​ന്നെ​ന്നും പ​റ​ഞ്ഞു.

കെ​ട്ടി​ട നി​കു​തി വെ​ട്ടി​പ്പ് ക​ണ്ടെ​ത്താ​ൻ സ​മി​തി

പാ​ല​ക്കാ​ട്: ഒ​രേ കെ​ട്ടി​ട ന​മ്പ​ര്‍ ഉ​പ​യോ​ഗി​ച്ച് ര​ണ്ടും മൂ​ന്നു​നി​ല​ക​ളി​ലാ​യി ന​ഗ​ര​ത്തി​ല്‍ നി​ര​വ​ധി ക​ട​ക​ള്‍ പ്ര​വ​ര്‍ത്തി​ച്ച് കെ​ട്ടി​ട നി​കു​തി​യി​ൽ ന​ട​ത്തു​ന്ന ത​ട്ടി​പ്പ് ​ക​ണ്ടെ​ത്താ​ൻ കൗ​ണ്‍സി​ല​ര്‍മാ​രും ജീ​വ​ന​ക്കാ​രും ഉ​ള്‍പ്പെ​ടു​ന്ന ക​മ്മി​റ്റി രൂ​പ​വ​ത്ക​രി​ക്കാ​ൻ ന​ഗ​ര​സ​ഭ കൗ​ൺ​സി​ൽ യോ​ഗം തീ​രു​മാ​നി​ച്ചു. നി​യ​മ​ലം​ഘ​നം ക​ണ്ടെ​ത്തി​യാ​ല്‍ ന​ട​പ​ടി സ്വീ​ക​രി​ക്കും. അ​ടി​സ്ഥാ​ന​സൗ​ക​ര്യ​ങ്ങ​ള്‍ ഒ​രു​ക്കി​യ തു​റ​ന്നു​കൊ​ടു​ക്കാ​ത്ത മു​നി​സി​പ്പ​ല്‍ ബ​സ് സ്റ്റാ​ന്‍ഡി​നെ​തി​രെ കൗ​ൺ​സി​ല​ർ​മാ​ർ പ്ര​തി​ഷേ​ധി​ച്ചു. ഉ​ട​ൻ തു​റ​ന്നു​കൊ​ടു​ക്കു​മെ​ന്ന് ചെ​യ​ര്‍പേ​ഴ്‌​സ​ൻ അ​റി​യി​ച്ചു. ന​ഗ​ര​സ​ഭ മു​ഖ്യ​ക​വാ​ട​ത്തി​ന് മു​മ്പി​ൽ അ​പ​ക​ട​ങ്ങ​ൾ തു​ട​ർ​ക്ക​ഥ​യാ​വു​ന്ന​ത് ത​ട​യാ​ൻ സ്പീ​ഡ് ബ്രേ​ക്ക​റു​ക​ൾ സ്ഥാ​പി​ക്ക​ണ​മെ​ന്ന് കൗ​ൺ​സി​ല​ർ എം. ​സു​ലൈ​മാ​ൻ ആ​വ​ശ്യ​പ്പെ​ട്ടു. പൈ​പ്പ് ന​ന്നാ​ക്കു​ന്ന​തി​നാ​യി വാ​ട്ട​ര്‍ അ​തോ​റി​റ്റി വെ​ട്ടി​പ്പൊ​ളി​ച്ച തി​രു​നെ​ല്ലാ​യി-​മേ​ഴ്‌​സി കോ​ള​ജ് റോ​ഡി​ല്‍ അ​പ​ക​ട​ങ്ങ​ള്‍ പ​തി​വാ​ണെ​ന്നും ന​ന്നാ​ക്കാ​ണ​മെ​ന്നാ​വ​ശ്യ​പ്പെ​ട്ടി​ട്ടും അ​ധി​കൃ​ത​രു​ടെ ഭാ​ഗ​ത്ത് നി​ന്നും ന​ട​പ​ടി​യു​ണ്ടാ​യി​ല്ലെ​ന്നും അം​ഗ​ങ്ങ​ള്‍ ചൂ​ണ്ടി​ക്കാ​ട്ടി.