ഷൊ​ർ​ണൂ​ർ സ​ർ​ക്കി​ളി​ൽ വൈ​ദ്യു​തി​ലൈ​ൻ ക​വ​ചി​ത കേ​ബി​ളു​ക​ളാ​ക്കു​ന്നു

ഷൊ​ർ​ണൂ​ർ: കെ.​എ​സ്.​ഇ.​ബി ഷൊ​ർ​ണൂ​ർ സ​ർ​ക്കി​ളി​ന് കീ​ഴി​ലെ വൈ​ദ്യു​തി​ലൈ​നു​ക​ളി​ലെ അ​ലു​മി​നി​യം ക​മ്പി​ക​ൾ മാ​റ്റി ക​വ​ചി​ത കേ​ബി​ളു​ക​ളാ​ക്കി മാ​റ്റു​ന്നു. സ​ർ​ക്കി​ളി​ന് കീ​ഴി​ലെ ഷൊ​ർ​ണൂ​ർ, പ​ട്ടാ​മ്പി, മ​ണ്ണാ​ർ​ക്കാ​ട് ഡി​വി​ഷ​നു​ക​ളി​ലാ​ണ് 83 കോ​ടി രൂ​പ ചെ​ല​വി​ൽ ന​വീ​ക​ര​ണം ന​ട​ത്തു​ന്ന​ത്.

വൈ​ദു​തി വി​ത​ര​ണ​ത്തി​ലെ ത​ട​സ്സ​ങ്ങ​ളും പ്ര​സ​ര​ണ ന​ഷ്ട​വും അ​പ​ക​ട​ങ്ങ​ളും കു​റ​ക്കാ​നാ​ണ് ഇ​ൻ​സു​ലേ​റ്റ​ഡ് കേ​ബി​ൾ (ക​വേ​ർ​ഡ് ക​ണ്ട​ക്ട​ർ ) സം​വി​ധാ​നം സ്ഥാ​പി​ക്കു​ന്ന​ത്. മൂ​ന്ന് ഡി​വി​ഷ​നു​ക​ളി​ലാ​യി 29 സെ​ക്ഷ​നു​ക​ൾ ഷൊ​ർ​ണൂ​ർ സ​ർ​ക്കി​ളി​ന് കീ​ഴി​ലു​ണ്ട്.

ഇ​തി​ൽ വാ​ണി​യം​കു​ളം സെ​ക്ഷ​നി​ലെ ഷൊ​ർ​ണൂ​ർ കു​ള​പ്പു​ള്ളി സ​ബ് സ്റ്റേ​ഷ​ൻ മു​ത​ൽ കൂ​ന​ത്ത​റ വ​രെ​യു​ള്ള 2.8 കി​ലോ​മീ​റ്റ​ർ ദൂ​ര​ത്ത് ക​വ​ചി​ത കേ​ബി​ളു​ക​ളാ​ക്കി ക​ഴി​ഞ്ഞു.

ഒ​രു ത​ട​സ്സ​വു​മി​ല്ലാ​തെ ദി​വ​സ​വും വൈ​ദ്യു​തി ന​ൽ​കു​ക​യാ​ണ് കേ​ന്ദ്ര സ​ർ​ക്കാ​രി​ന്റെ ആ​ർ.​ഡി.​എ​സ്.​എ​സ് പ​ദ്ധ​തി​യു​ടെ പ്ര​ധാ​ന ല​ക്ഷ്യം. പു​തി​യ കേ​ബി​ളു​ക​ൾ വ​ലി​ക്കു​ന്ന​തി​നൊ​പ്പം ഭാ​രം താ​ങ്ങാ​ൻ പ​റ്റാ​ത്ത, കാ​ല​പ്പ​ഴ​ക്കം ചെ​ന്ന തൂ​ണു​ക​ൾ മാ​റ്റു​ന്നു​മു​ണ്ട്. ഇ​തോ​ടൊ​പ്പം തൂ​ണു​ക​ളി​ൽ വ​യ​റു​ക​ൾ ഘ​ടി​പ്പി​ക്കു​ന്ന കോ​മ്പോ​സി​റ്റ് പി​ന്നു​ക​ളും മാ​റ്റു​ന്നു​ണ്ട്. മ​ഴ​ക്കാ​ല​മാ​യാ​ൽ കെ.​എ​സ്.​ഇ.​ബി.​ക്ക് നേ​രി​ടേ​ണ്ടി വ​രു​ന്ന നി​ര​വ​ധി പ്ര​ശ്ന​ങ്ങ​ൾ ക​വ​ചി​ത കേ​ബി​ളു​ക​ളാ​ക്കു​ന്ന​തോ​ടെ ഏ​റെ പ​രി​ഹ​രി​ക്ക​പ്പെ​ടും.

മ​ര​ങ്ങ​ൾ ക​ട​പു​ഴ​കി​യും കൊ​മ്പു​ക​ൾ പൊ​ട്ടി​വീ​ണും വൈ​ദ്യു​തി ക​മ്പി​ക​ൾ പൊ​ട്ടു​ന്ന​തി​നും തൂ​ണു​ക​ൾ മ​റി​യു​ന്ന​തി​നു​മൊ​ക്കെ കാ​ര​ണ​മാ​കാ​റു​ണ്ട്. പ​ല​പ്പോ​ഴും ഇ​ത്ത​രം സം​ഭ​വ​ങ്ങ​ൾ അ​പ​ക​ട​ങ്ങ​ളി​ലേ​ക്കും ന​യി​ക്കാ​റു​ണ്ട്. ല​ക്ഷ​ങ്ങ​ളു​ടെ നാ​ശ​ന​ഷ്ട​ങ്ങ​ൾ കെ.​എ​സ്.​ഇ.​ബി​ക്കു​ണ്ടാ​വു​ന്നു​മു​ണ്ട്. പ്ര​ശ്ന​ങ്ങ​ൾ പ​രി​ഹ​രി​ക്കാ​ൻ വൈ​ദ്യു​തി ബ​ന്ധം വി​ച്ഛേ​ദി​ക്കേ​ണ്ട​തി​നാ​ൽ ജ​ന​ങ്ങ​ളും ഏ​റെ വ​ല​യും.

ഇ​തി​നെ​ല്ലാം പു​തി​യ സം​വി​ധാ​നം പൂ​ർ​ത്തി​യാ​കു​ന്ന​തോ​ടെ ഏ​റെ​ക്കു​റെ പ​രി​ഹാ​ര​മാ​വു​മെ​ന്നാ​ണ് ക​ണ​ക്ക് കൂ​ട്ടു​ന്ന​ത്. ഇ​തി​നാ​യി വൈ​ദ്യു​തി ഓ​പ​റേ​റ്റ​ർ പ്രോ​ജ​ക്ട് മാ​നേ​ജ്‌​മെ​ന്റ് യൂ​നി​റ്റാ​ണ്ട് നേ​തൃ​ത്വം ന​ൽ​കു​ന്ന​ത്.