ഷൊ​ർ​ണൂ​ർ റെ​യി​ൽ​വേ സ്റ്റേഷനിൽ മേ​ൽ​പാ​ലം പൂ​ട്ടി​യി​ട്ട് മാ​സ​ങ്ങ​ൾ; യാ​ത്ര​ക്കാ​ർ ഓ​ട​ടാ ഓ​ട്ടം...

ഷൊ​ർ​ണൂ​ർ: അ​റ്റു​കു​റ്റ​പ്പ​ണി​ക​ൾ​ക്കാ​യി ഷൊ​ർ​ണൂ​ർ റെ​യി​ൽ​വേ ജ​ങ്ഷ​നി​ലെ മേ​ൽ​പാ​ലം പൂ​ട്ടി​യി​ട്ട് മാ​സ​ങ്ങ​ളാ​യി. ട്രെ​യി​നി​റ​ങ്ങു​ന്ന​വ​ർ​ക്ക് സ്റ്റേ​ഷ​ന് പു​റ​ത്തേ​ക്ക് വ​രാ​നും പു​റ​ത്തു​നി​ന്നു​ള്ള​വ​ർ​ക്ക് അ​ക​ത്തേ​ക്ക് പ്ര​വേ​ശി​ക്കാ​നും വി​വി​ധ പ്ലാ​റ്റ്ഫോ​മി​ലേ​ക്ക് മാ​റി​ക്ക​യ​റാ​നും ഏ​റെ ചു​റ്റി​വ​ള​യേ​ണ്ട ദു​ര​വ​സ്ഥ​യാ​ണ്. കു​ടും​ബ​സ​മേ​ത​വും പ്രാ​യ​മാ​യ​വ​രും കു​ട്ടി​ക​ളു​മാ​യി യാ​ത്ര ന​ട​ത്തേ​ണ്ട​വ​രും വ​ട്ടം ക​റ​ങ്ങു​ക​യാ​ണ്.

സ്റ്റേ​ഷ​ന്റെ പ​ടി​ഞ്ഞാ​റ് ഭാ​ഗ​ത്ത് പു​തി​യ മേ​ൽ​പാ​ലം തു​റ​ന്ന് വൈ​കാ​തെ ഏ​താ​ണ്ട് മ​ധ്യ​ഭാ​ഗ​ത്തു​ള്ള പ​ഴ​യ മേ​ൽ​പാ​ലം അ​റ്റ​കു​റ്റ​പ്പ​ണി​യു​ടെ പേ​രി​ൽ അ​ട​ച്ചി​ടു​ക​യാ​യി​രു​ന്നു. അ​ടി​യ​ന്ത​ര പ്രാ​ധാ​ന്യ​ത്തോ​ടെ ന​ട​ത്തേ​ണ്ട ഈ ​പ​ണി ഒ​ച്ചി​ഴ​യും വേ​ഗ​ത്തി​ലാ​ണ് മു​ന്നോ​ട്ട് നീ​ങ്ങു​ന്ന​ത്. കാ​ര്യ​മാ​യ പ​ണി​യൊ​ന്നും ന​ട​ക്കു​ന്നി​ല്ല. ക​രാ​റു​കാ​ര​ന്റെ വീ​ഴ്ച​യും ഉ​ദ്യോ​ഗ​സ്ഥ​രു​ടെ അ​ലം​ഭാ​വ​വും തു​ട​രു​ക​യാ​ണ്. നി​ല​വി​ൽ പു​തി​യ മേ​ൽ​പാ​ല​മു​ണ്ട​ല്ലോ​യെ​ന്നാ​ണ് അ​ധി​കൃ​ത​ർ ചോ​ദി​ക്കു​ന്ന​ത്. എ​ന്നാ​ൽ, സ്റ്റേ​ഷ​ന്റെ കി​ഴ​ക്കേ അ​റ്റ​ത്ത് ട്രെ​യി​നി​റ​ങ്ങു​ന്ന​വ​ർ​ക്ക് പ്ലാ​റ്റ്ഫോ​മി​ന്റെ പ​ടി​ഞ്ഞാ​റെ​യ​റ്റം വ​രെ ന​ട​ക്കാ​തെ ര​ക്ഷ​യി​ല്ല. സ്റ്റേ​ഷ​ന് പു​റ​ത്തേ​ക്ക് ക​ട​ക്കാ​ൻ മാ​ത്ര​മ​ല്ല അ​ടു​ത്ത പ്ലാ​റ്റ്ഫോ​മു​ക​ളി​ലേ​ക്ക് പോ​ക​ണ​മെ​ങ്കി​ലും ഈ ​ക​ട​മ്പ ക​ട​ക്കാ​തെ നി​വൃ​ത്തി​യി​ല്ല. കൂ​ടു​ത​ൽ ല​ഗേ​ജു​ക​ളു​മാ​യി വ​രു​ന്ന​വ​രു​ടെ കാ​ര്യം അ​തി​ലും ക​ഷ്ട​മാ​ണ്. ഒ​രു ട്രെ​യി​നി​ൽ വ​ന്നി​റ​ങ്ങി മ​റ്റൊ​രു പ്ലാ​റ്റ്ഫോ​മി​ലു​ള്ള ട്രെ​യി​നി​ൽ ക​യ​റി പോ​കേ​ണ്ട​വ​ർ​ക്ക് പെ​ടാ​പ്പാ​ടാ​ണ്. മാ​റി​ക്ക​യ​റേ​ണ്ട ട്രെ​യി​ൻ പു​റ​പ്പെ​ടു​ന്ന സ​മ​യ​ത്താ​ണെ​ങ്കി​ൽ ദു​രി​തം ഇ​ര​ട്ടി​യാ​കും. എ​റ​ണാ​കു​ളം ഭാ​ഗ​ത്തു​നി​ന്നു​മു​ള്ള എ​ക്സി​ക്യൂ​ട്ടി​വ് എ​ക​സ് പ്ര​സി​ൽ വ​ന്നി​റ​ങ്ങി നി​ല​മ്പൂ​രി​ലേ​ക്കു​ള്ള അ​വ​സാ​ന ട്രെ​യി​നി​ൽ പോ​കേ​ണ്ട​വ​ർ മി​ക്ക​ദി​വ​സ​വും ഏ​റെ സാ​ഹ​സ​പ്പെ​ട്ടാ​ണ് ക​യ​റി​പ്പ​റ്റു​ന്ന​ത്. പ​ല​പ്പോ​ഴും ഇ​ത് അ​പ​ക​ട​ങ്ങ​ൾ​ക്കും വ​ഴി​വെ​ക്കു​ന്നു.

പ​ഴ​യ മേ​ൽ​പാ​ലം പൂ​ട്ടി​യ​തോ​ടെ ഫ​ല​ത്തി​ൽ സ്റ്റേ​ഷ​നി​ലെ ലി​ഫ്റ്റ് സൗ​ക​ര്യ​വും ഉ​പ​യോ​ഗ​ശൂ​ന്യ​മാ​യ നി​ല​യി​ലാ​ണ്. ലി​ഫ്റ്റ് പ​ഴ​യ മേ​ൽ​പാ​ല​ത്തി​ലേ​ക്കാ​ണ് ബ​ന്ധി​പ്പി​ച്ചി​രി​ക്കു​ന്ന​ത് എ​ന്ന​തി​നാ​ലാ​ണ് ഈ ​അ​വ​സ്ഥ​യും കൈ​വ​ന്ന​ത്. തൊ​ട്ട​ടു​ത്തു​ള്ള ചെ​റി​യ സ്റ്റേ​ഷ​നു​ക​ളി​ലെ മേ​ൽ​പാ​ല​ങ്ങ​ൾ വ​രെ ധ്രു​ത​ഗ​തി​യി​ൽ നി​ർ​മി​ച്ച സാ​ഹ​ച​ര്യ​ത്തി​ലാ​ണ് കേ​ര​ള​ത്തി​ലെ പ്ര​ധാ​ന​പ്പെ​ട്ട റെ​യി​ൽ​വേ ജ​ങ്ഷ​ന്റെ ദു​രി​തം തു​ട​ർ​ക്ക​ഥ​യാ​വു​ന്ന​ത്.