കരിമ്പുഴയിൽ വീട് കുത്തിത്തുറന്ന് മോഷണം; ആറര പവൻ സ്വർണവും 25,000 രൂപയും നഷ്ടപ്പെട്ടു
text_fieldsകരിമ്പുഴ തോട്ടരയിലെ മോഷണം നടന്ന വീട് വിരലടയാള വിദഗ്ധരും പൊലീസും പരിശോധിക്കുന്നു
ശ്രീകൃഷ്ണപുരം: കരിമ്പുഴ ഗ്രാമപഞ്ചായത്തിലെ തോട്ടരയിൽ വീട് കുത്തിത്തുറന്ന് മോഷണം. തോട്ടര പാൽ സൊസൈറ്റിക്ക് സമീപം ശ്രീലകം സുഭാഷിെൻറ വീട്ടിലാണ് മോഷണം. ആറര പവൻ സ്വർണാഭരണവും 25,000 രൂപയും നഷ്ടപ്പെട്ടതായി വീട്ടുകാർ പറഞ്ഞു. രണ്ട് ദിവസം മുമ്പ് സുഭാഷും കുടുംബവും പൊമ്പറയിലെ തറവാട്ടുവീട്ടിലേക്ക് പോയിരുന്നു. ശനിയാഴ്ച ഉച്ചയോെട വീട്ടിൽ തിരിച്ചെത്തിയപ്പോഴാണ് മോഷണം വിവരം അറിയുന്നത്.
മുൻവശത്തെ വാതിൽ കുത്തിത്തുറന്ന് അകത്തുകടന്ന മോഷ്ടാക്കൾ കിടപ്പുമുറിയുടെ അലമാര തകർത്താണ് ആഭരണവും പണവും കവർന്നത്.
മുറിയിലും അലമാരയിലുമുള്ള സാധനങ്ങൾ വാരിവലിച്ചിട്ട നിലയിലാണ്. ശ്രീകൃഷ്ണപുരം സി.ഐ കെ.എം. ബിനീഷും സംഘവും സ്ഥലത്തെത്തി. ഷൊർണൂരിൽനിന്ന് ഡോഗ് സ്ക്വാഡും പാലക്കാട്ടുനിന്ന് വിരലടയാള വിദഗ്ധരുമെത്തി പരിശോധന നടത്തി.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.