രോ​ഗി​യാ​യ മ​ക​നെ പി​താ​വ് വീ​ട്ടി​ൽ ക​യ​റ്റു​ന്നി​ല്ല; പൊ​ലീ​സ് ഇ​ട​പെ​ട​ണ​മെ​ന്ന് മ​നു​ഷ്യാ​വ​കാ​ശ ക​മീ​ഷ​ൻ

പാ​ല​ക്കാ​ട്: ഓ​ഹ​രി അ​വ​കാ​ശം ചോ​ദി​ച്ച​തി​ന്റെ പേ​രി​ൽ വൃ​ക്ക​രോ​ഗി​യാ​യ മ​ക​നെ അ​ച്ഛ​ൻ വീ​ടി​ന് പു​റ​ത്താ​ക്കി​യെ​ന്ന പ​രാ​തി​യി​ൽ മ​നു​ഷ്യാ​വ​കാ​ശ ക​മീ​ഷ​ൻ അ​ന്വേ​ഷ​ണ​ത്തി​ന് ഉ​ത്ത​ര​വി​ട്ടു. ചി​റ്റൂ​ർ പൊ​ലീ​സ് സ്റ്റേ​ഷ​ൻ ഹൗ​സ് ഓ​ഫി​സ​ർ അ​ന്വേ​ഷ​ണം ന​ട​ത്തി മൂ​ന്നാ​ഴ്ച​ക്ക​കം റി​പ്പോ​ർ​ട്ട് സ​മ​ർ​പ്പി​ക്ക​ണ​മെ​ന്ന് ക​മീ​ഷ​ൻ ആ​ക്റ്റി​ങ് ചെ​യ​ർ​പേ​ഴ്സ​നും ജു​ഡീ​ഷ്യ​ൽ അം​ഗ​വു​മാ​യ കെ. ​ബൈ​ജു​നാ​ഥ് ആ​വ​ശ്യ​പ്പെ​ട്ടു.

ജൂ​ണി​ൽ പാ​ല​ക്കാ​ട് ന​ട​ക്കു​ന്ന സി​റ്റി​ങ്ങി​ൽ കേ​സ് പ​രി​ഗ​ണി​ക്കും. ചി​റ്റൂ​ർ ന​ല്ലേ​പ്പി​ള്ളി സ്വ​ദേ​ശി ഷ​ൺ​മു​ഖ​ദാ​സ് സ​മ​ർ​പ്പി​ച്ച പ​രാ​തി​യി​ലാ​ണ് ന​ട​പ​ടി. അ​വി​വാ​ഹി​ത​നാ​യ പ​രാ​തി​ക്കാ​ര​ൻ വ​ർ​ഷ​ങ്ങ​ൾ​ക്ക് മു​മ്പേ വൃ​ക്ക​രോ​ഗ ബാ​ധി​ത​നാ​ണെ​ന്ന് പ​രാ​തി​യി​ൽ പ​റ​യു​ന്നു. പ​രാ​തി​ക്കാ​ര​ന്റെ വീ​ട് അ​ദ്ദേ​ഹ​ത്തി​ന്റെ പി​താ​വി​ന്റെ ഉ​ട​മ​സ്ഥ​ത​യി​ലു​ള്ള​താ​ണ്. രോ​ഗ ചി​കി​ത്സ​ക്ക് അ​ച്ഛ​നി​ൽ നി​ന്നും സാ​മ്പ​ത്തി​ക സ​ഹാ​യം തേ​ടി​യെ​ങ്കി​ലും ന​ൽ​കി​യി​ല്ല. തു​ട​ർ​ന്ന് ബ​ന്ധു​വി​ന്റെ കൂ​ടെ​യാ​ണ് പ​രാ​തി​ക്കാ​ര​ൻ താ​മ​സി​ക്കു​ന്ന​ത്. ഓ​ഹ​രി അ​വ​കാ​ശ​ത്തി​നാ​യി പ​രാ​തി​ക്കാ​ര​ൻ ന​ൽ​കി​യ ഹ​ര​ജി സ​ബ് കോ​ട​തി​യു​ടെ പ​രി​ഗ​ണ​ന​യി​ലാ​ണ്.