കു​ഴി​യി​ൽ​വീ​ണ് സ്‌​കൂ​ട്ട​ർ യാ​ത്രി​ക​ൻ മ​രി​ച്ച സം​ഭ​വം; ക​ല​ക്ട​ർ അ​ന്വേ​ഷി​ച്ച് റി​പ്പോ​ർ​ട്ട് ന​ൽ​ക​ണ​മെ​ന്ന് മ​നു​ഷ്യാ​വ​കാ​ശ ക​മീ​ഷ​ൻ

പാ​ല​ക്കാ​ട്: തി​രു​നെ​ല്ലാ​യ് റോ​ഡി​ലെ കു​ഴി​യി​ൽ​വീ​ണ് സ്‌​കൂ​ട്ട​ർ യാ​ത്രി​ക​ൻ മ​രി​ച്ച സം​ഭ​വ​ത്തി​ൽ വാ​ട്ട​ർ അ​തോ​റി​റ്റി​യും കെ.​എ​സ്.​ഇ.​ബി​യും ന​ഗ​ര​സ​ഭ​യും പ​ര​സ്പ​രം പ​ഴി​ചാ​രു​മ്പോ​ൾ മ​ര​ണ​ത്തി​ന് ഉ​ത്ത​ര​വാ​ദി ആ​ര് എ​ന്ന​ത് ക​ണ്ടെ​ത്താ​ൻ അ​ന്വേ​ഷ​ണ ചു​മ​ത​ല ക​ല​ക്ട​ർ​ക്ക് ന​ൽ​കി മ​നു​ഷ്യാ​വ​കാ​ശ ക​മീ​ഷ​ൻ. അ​പ​ക​ടം ന​ട​ന്ന​ത് ഉ​ദ്യോ​ഗ​സ്ഥ​രു​ടെ വീ​ഴ്ച മൂ​ല​മാ​ണോ എ​ന്നും അ​ങ്ങ​നെ​യാ​ണെ​ങ്കി​ൽ ഉ​ദ്യോ​ഗ​സ്ഥ​ർ​ക്കെ​തി​രെ ന​ട​പ​ടി സ്വീ​ക​രി​ക്കാ​നും ക​മീ​ഷ​ൻ നി​ർ​ദേ​ശം ന​ൽ​കി. ആ​റു​മാ​സ​ത്തി​ന​കം അ​ന്വേ​ഷ​ണ റി​പ്പോ​ർ​ട്ട് ക​മീ​ഷ​ന് സ​മ​ർ​പ്പി​ക്ക​ണ​മെ​ന്നും ഉ​ത്ത​ര​വ് പ​റ​യു​ന്നു.

കു​നി​ശ്ശേ​രി സ്വ​ദേ​ശി സി. ​അ​ബ്ദു​ൽ റ​ഹ്മാ​ന്റെ (65) ജീ​വ​നാ​ണ് ന​ഷ്ട​മാ​യ​ത്. പാ​ല​ക്കാ​ട് ന​ഗ​ര​സ​ഭ​യി​ലെ തി​രു​നെ​ല്ലാ​യ് പാ​ള​യം റോ​ഡി​ലെ കു​ഴി​യി​ലി​റ​ങ്ങി മ​റി​ഞ്ഞ സ്കൂ​ട്ട​റി​ൽ​നി​ന്ന് അ​ബ്ദു റ​ഹ്മാ​ൻ റോ​ഡി​ലേ​ക്ക് തെ​റി​ച്ച് വീ​ഴു​ക​യാ​യി​രു​ന്നു. പി​റ​കെ ലോ​ഡു​മാ​യി വ​രി​ക​യാ​യി​രു​ന്ന ടോ​റ​സ് ലോ​റി ക​യ​റി​യി​റ​ങ്ങി​യാ​ണ് മ​രി​ച്ച​ത്. ജ​ല അ​തോ​റി​റ്റി പൈ​പ്പ് ലൈ​നു​ക​ൾ സ്ഥാ​പി​ക്കാ​നെ​ടു​ത്ത കു​ഴി​യി​ൽ വീ​ണാ​ണ് സ്കൂ​ട്ട​ർ യാ​ത്രി​ക​ൻ മ​രി​ക്കാ​നി​ട​യാ​യ​തെ​ന്നാ​ണ് കെ.​എ​സ്.​ഇ.​ബി റി​പ്പോ​ർ​ട്ട്. വീ​തി കു​റ​ഞ്ഞ റോ​ഡി​ൽ അ​പ​ക​ടം ഉ​ണ്ടാ​ക്കു​ന്ന വി​ധ​ത്തി​ലാ​ണ് പ​വ​ർ കേ​ബി​ളു​ക​ളു​ടെ കേ​സി​ങ് പൈ​പ്പു​ക​ൾ റോ​ഡി​ന്റെ ഉ​പ​രി​ത​ല​ത്തി​ന് മു​ക​ളി​ലേ​ക്ക് നി​ൽ​ക്കു​ന്ന​ത്.

സ​ഞ്ച​രി​ക്കു​ന്ന സ​മ​യ​ത്ത് ഉ​യ​ർ​ന്നു നി​ൽ​ക്കു​ന്ന പൈ​പ്പു​ക​ളി​ൽ ത​ട്ടാ​തി​രി​ക്കാ​ൻ വാ​ഹ​നം പെ​ട്ടെ​ന്ന് വെ​ട്ടി​ച്ച് മാ​റ്റി​യ​പ്പോ​ൾ റോ​ഡി​ലേ​ക്ക് വീ​ഴു​ക​യാ​യി​രു​ന്നെ​ന്നാ​ണ് വാ​ട്ട​ർ അ​തോ​റി​റ്റി റി​പ്പോ​ർ​ട്ട്. മേ​ലാ​മു​റി​യി​ൽ 110 കെ.​വി സ​ബ് സ്റ്റേ​ഷ​ൻ നി​ർ​മ്മി​ക്കാ​ൻ നി​ബ​ന്ധ​ന​ക​ളോ​ടെ കെ.​എ​സ്.​ഇ.​ബി​ക്ക് കൈ​മാ​റി​യ റോ​ഡി​ൽ പൈ​പ്പ് കു​റ്റി​ക​ൾ സ്ഥാ​പി​ച്ച ഭാ​ഗ​ത്താ​ണ് അ​പ​ക​ടം ന​ട​ന്ന​തെ​ന്ന് ന​ഗ​ര​സ​ഭ മ​നു​ഷ്യാ​വ​കാ​ശ ക​മീ​ഷ​ന് ന​ൽ​കി​യ റി​പ്പോ​ർ​ട്ട് പ​റ​യു​ന്ന​ത്.

വ​കു​പ്പു​ക​ൾ പ​ര​സ്പ​രം പ​ഴി​ചാ​രുന്ന സാ​ഹ​ച​ര്യ​ത്തി​ൽ മ​റ്റൊ​രു ഏ​ജ​ൻ​സി​യെ കൊ​ണ്ട് അ​ന്വ​ഷി​പ്പി​ക്ക​ണ​മെ​ന്ന് ആ​വ​ശ്യ​പ്പെ​ട്ട് പൊ​തു​പ്ര​വ​ർ​ത്ത​ക​ൻ ബോ​ബ​ൻ മാ​ട്ടു​മ​ന്ത ന​ൽ​കി​യ പ​രാ​തി​യി​ലാ​ണ് ന​ട​പ​ടി.