തെരഞ്ഞെടുപ്പ് കഴിഞ്ഞാലും തിരക്കൊഴിയാതെ 'വാർ റൂം

പാ​ല​ക്കാ​ട്: വോ​ട്ടെ​ടു​പ്പ് ക​ഴി​ഞ്ഞ​തോ​ടെ രാ​ഷ്​​ട്രീ​യ​പാ​ർ​ട്ടി​ക​ൾ ക​ണ​ക്കു​കൂ​ട്ട​ലു​ക​ളു​മാ‍യി വോ​ട്ടെ​ണ്ണ​ൽ ദി​ന​ത്തി​നാ‍യു​ള്ള കാ​ത്തി​രി​പ്പാ​ണ്. എ​ന്നാ​ൽ, തെ​ര​ഞ്ഞെ​ടു​പ്പ് വി​ജ്ഞാ​പ​നം വ​ന്ന​തു​മു​ത​ൽ രാ​പ്പ​ക​ൽ ഭേ​ദ​മി​ല്ലാ​തെ ജോ​ലി​ചെ​യ്യു​ന്ന തെ​ര​ഞ്ഞെ​ടു​പ്പ് ജീ​വ​ന​ക്കാ​ർ​ക്ക് ഇ​പ്പോ​ഴും തി​ര​ക്കു​ക​ളൊ​ഴി​ഞ്ഞി​ട്ടി​ല്ല.

കാ​ര്യ​മാ​യ പ്ര​ശ്ന​ങ്ങ​ളി​ല്ലാ​തെ ക​ട​ന്നു​പോ​യ വോ​ട്ടെ​ടു​പ്പു​പോ​ലെ വോ​ട്ടെ​ണ്ണ​ലും സു​ഗ​മ​മാ​ക്കാ​നു​ള്ള തി​രി​ക്കി​ലാ​ണി​വ​ർ. വോ​ട്ടെ​ടു​പ്പി​ന് ന​ട​ത്തി​പ്പു​കാ​രാ​യി 21,000 ജീ​വ​ന​ക്കാ​രെ​യാ​ണ് രം​ഗ​ത്തി​റ​ങ്ങി​യ​ത്. 3000 പ്രി​സൈ​ഡി​ങ് ഓ​ഫീ​സ​ർ​മാ​ർ, 9,000 പോ​ളി​ങ്ങ് ജീ​വ​ന​ക്കാ​ർ, 3000 പോ​ളി​ങ്ങ് അ​സി​സ്​​റ്റ​ൻ​റു​മാ​ർ, 3000 റി​സ​ർ​വ് ജീ​വ​ന​ക്കാ​ർ എ​ന്നി​ങ്ങ​നെ​യാ​ണ് വോ​ട്ടെ​ടു​പ്പു​ദി​വ​സം ബൂ​ത്തു​ക​ളി​ൽ ജോ​ലി​ക്കെ​ത്തി​യ​ത്.

3000 സു​ര​ക്ഷാ ജീ​വ​ന​ക്കാ​രും ബൂ​ത്തു​ക​ളി​ൽ ജോ​ലി​ക്കു​ണ്ടാ​യി​രു​ന്നു. വോ​ട്ടെ​ടു​പ്പ് ക​ഴി​ഞ്ഞ വോ​ട്ടു​യ​ന്ത്ര​ങ്ങ​ൾ സ്ട്രോ​ങ് റൂ​മു​ക​ളി​ലേ​ക്ക് മാ​റ്റി. വോ​ട്ട് എ​ണ്ണു​ന്ന 20 കേ​ന്ദ്ര​ങ്ങ​ളി​ലെ സ്ട്രോ​ങ് റൂ​മു​ക​ളി​ലേ​ക്കാ​ണ് ഇ​വ സൂ​ക്ഷി​ച്ചി​ട്ടു​ള്ള​ത്. ഒാ​രോ സ്ട്രോ​ങ് റൂ​മ​ക​ൾ​ക്കു മു​ന്നി​ലും ഒ​രു സി.​ഐ​യും 20 പൊ​ലീ​സു​കാ​രും ഉ​ൾ​പ്പെ​ടു​ന്ന സു​ര​ക്ഷ ഉ​ദ്യോ​ഗ​സ്ഥ​ർ കാ​വ​ലു​ണ്ട്.