യുവാവിനെ മരിച്ച നിലയില്‍ കണ്ടെത്തി

കൂറ്റനാട്: ചാലിശ്ശേരി ഒന്നാം വാർഡിലെ പടാട്ടുകുന്നത്ത് യുവാവിനെ തൂങ്ങിമരിച്ച നിലയിൽ കണ്ടെത്തി. കുറ്റിപ്പുറത്തു വളപ്പിൽ ഷിനോയ് (28) ആണ് മരിച്ചത്. ബുധനാഴ്ച പുലർച്ചെ 12:30നും ഒന്നരക്കും ഇടക്കാണ് മരണം നടന്നതെന്നാണ് സംശയിക്കുന്നത്.

മരണ കാരണം വ്യക്തമല്ല. പാടാട്ടുകുന്ന് അമ്പലത്തിനടുത്തുള്ള ഷെഡ്ഡിലാണ് തൂങ്ങിമരിച്ച മരിച്ച നിലയിൽ കണ്ടത്. എടപ്പാളിലെ സ്വകാര്യ ആശുപത്രിയിൽ എത്തിച്ചെങ്കിലും മരിച്ചതായി സ്ഥിരീകരിച്ചു.

അച്ഛൻ: സുരേഷ്, അമ്മ: സതി, ഭാര്യ: ജിത്യ രവീന്ദ്രൻ, മകൾ: നൃത്ത. സഹോദരങ്ങൾ. ഷിജിത്, ഷിനിത്. മൃതദേഹം പോസ്റ്റ്മോർട്ടത്തിനായി തൃശൂർ മെഡിക്കൽ കോളജിലേക്ക് കൊണ്ടുപോയി. ചാലിശ്ശേരി പൊലീസ് നടപടിക്രമങ്ങൾ പൂർത്തിയാക്കി.