ദു​രി​ത​ങ്ങ​ളേ മാ​റി​നി​ൽ​ക്കൂ, അ​ന്തി​യു​റ​ങ്ങാ​ൻ അ​വ​ർ​ക്കൊ​രു വീ​ടു​പോ​ലു​മി​ല്ല

പാ​ല​ക്കാ​ട്: ഒ​റ്റ​ക്കൊ​ന്നും ചെ​യ്യാ​നാ​വാ​ത്ത, തി​രി​ച്ച​റി​വ് വ​രാ​ത്ത ഭി​ന്ന​ശേ​ഷി​ക്കാ​ര​നാ​യ മ​ക​നു​മാ​യി ഒ​റ്റ​മു​റി ​ഷെ​ഡി​ൽ ദു​രി​ത​ജീ​വി​തം ന​യി​ക്കു​ക​യാ​ണ് യാ​ക്ക​ര ച​ട​നാം​കു​റി​ശ്ശി ശ്രീ​ന​ഗ​ർ കോ​ള​നി​യി​ലെ സീ​ന​ത്ത് (44). അ​ന്തി​യു​റ​ങ്ങാ​ൻ അ​ട​ച്ചു​റ​പ്പു​ള്ള വീ​ടി​നാ​യി ഇ​നി മു​ട്ടാ​ത്ത വാ​തി​ലു​ക​ളി​ല്ല. സീ​ന​ത്തി​ന്‍റെ മൂ​ത്ത​മ​ക​ൻ ഷാ​ജി​ർ അ​ലി (27) ജ​ന്മ​നാ ഭി​ന്ന​ശേ​ഷി​ക്കാ​ര​നാ​ണ്. യു​വാ​വ് ആ​ണെ​ങ്കി​ലും ഇ​പ്പോ​ഴും കൊ​ച്ചു​കു​ട്ടി​ക​ളു​ടെ മ​ന​സ്സാ​ണ്. ആ​ശു​പ​ത്രി​യി​ലേ​ക്ക് ഉ​ൾ​പ്പെ​ടെ എ​വി​ടെ പോ​ക​ണ​മെ​ങ്കി​ലും ഉ​മ്മ ഒ​ക്ക​ത്ത് എ​ടു​ത്തു​കൊ​ണ്ടു​പോ​ക​ണം. തൊ​ട്ടി​ലി​ലാ​ണ് കി​ട​പ്പ്. മ​ല​മൂ​ത്ര​വി​സ​ർ​ജ​ന​മെ​ല്ലാം കി​ട​ന്ന​കി​ട​പ്പി​ൽ ത​ന്നെ. ഭ​ക്ഷ​ണം കാ​ലി​ൽ​കി​ട​ത്തി വാ​രി​ക്കൊ​ടു​ക്ക​ണം. 100 ശ​ത​മാ​നം ഭി​ന്ന​ശേ​ഷി​ക്കാ​ര​നാ​യ ഷാ​ജി​റി​നെ ഒ​രു​നി​മി​ഷം പോ​ലും വി​ട്ടു​നി​ൽ​ക്കാ​ൻ പ​റ്റാ​ത്ത അ​വ​സ്ഥ​യി​ലാ​ണ് സീ​ന​ത്ത്. അ​തി​നാ​ൽ ജോ​ലി​ക്ക് പോ​കാ​നു​മാ​കു​ന്നി​ല്ല. സ​ഹാ​യ​ത്തി​നും ആ​രു​മി​ല്ല.

കി​ഡ്നി രോ​ഗ​ത്തെ തു​ട​ർ​ന്ന് ഭ​ർ​ത്താ​വ് ഇ​സ്മ​യി​ൽ ഏ​ഴു​വ​ർ​ഷം മു​മ്പ് മ​രി​ച്ചു. ഇ​ള​യ​മ​ക​ൻ ഇ​ഷാ​ക്ക് പ​ഠ​നം ക​ഴി​ഞ്ഞ് ജോ​ലി​ക്കാ​യു​ള്ള അ​ന്വേ​ഷ​ണ​ത്തി​ലാ​ണ്. സീ​ന​ത്തി​ന്‍റെ സ​ഹോ​ദ​ര​ൻ ന​ൽ​കി​യ ര​ണ്ട് സെ​ന്‍റ് ഭൂ​മി​യി​ൽ കെ​ട്ടി​യ ഒ​റ്റ​മു​റി ഷെ​ഡി​ലാ​ണ് അ​മ്മ​യും മ​ക്ക​ളും വ​ർ​ഷ​ങ്ങ​ളാ​യി താ​മ​സം. അ​ടു​ക്ക​ള​യും ക​ട്ടി​ലു​മെ​ല്ലാം ഈ ​മു​റി​യി​ൽ ത​ന്നെ. വീ​ടി​നോ​ട് ചേ​ർ​ന്ന് ചെ​റി​യൊ​രു പെ​ട്ടി​ക്ക​ട​യി​ട്ടി​ട്ടു​ണ്ട്. ഇ​തി​ൽ​നി​ന്നും കി​ട്ടു​ന്ന തു​ച്ഛ​മാ​യ വ​രു​മാ​ന​ത്തി​ലാ​ണ് ജീ​വി​തം മു​ന്നോ​ട്ടു​പോ​കു​ന്ന​ത്. ഷാ​ജി​റി​ന്‍റെ ചി​കി​ത്സ​ക്കു​ള്ള ചെ​ല​വും ഇ​തി​ൽ​നി​ന്നും ക​ണ്ടെ​ത്ത​ണം. സ​ദാ​സ​മ​യ​വും മൂ​ളി​ക്കൊ​ണ്ടി​രി​ക്കു​ന്ന ഷാ​ജി​ർ ഇ​ട​ക്കൊ​ക്കെ അ​ക്ര​മാ​സ​ക്ത​നാ​കും. അ​പ്പോ​ൾ ത​ല നി​ല​ത്തും ചു​മ​രി​ലും ക​സേ​ര​യി​ലു​മെ​ല്ലാം ഇ​ടി​ച്ച് മു​റി​വേ​ൽ​പ്പി​ക്കും. മു​റി​വു​ക​ൾ​ക്കു​ള്ള ചി​കി​ത്സ വേ​റെ ന​ട​ത്ത​ണം. അ​പ​സ്മാ​ര​ത്തി​ന്‍റെ പ്ര​ശ്ന​ങ്ങ​ളു​മു​ണ്ട്. ജി​ല്ല ആ​ശു​പ​ത്രി​യി​ലും ഷൊ​ർ​ണൂ​രി​ലെ സ്വ​കാ​ര്യ ആ​ശു​പ​ത്രി​യി​ലു​മാ​യാ​ണ് നി​ല​വി​ൽ ചി​കി​ത്സ ന​ട​ത്തു​ന്ന​ത്.

വീ​ൽ​ചെ​യ​ർ ഉ​ണ്ടെ​ങ്കി​ലും ഇ​രി​ക്കാ​നാ​കി​ല്ല. പ​ല ആ​ശു​പ​ത്രി​ക​ളി​ലും ചെ​റു​പ്പം മു​ത​ൽ ചി​കി​ത്സ ന​ട​ത്തി​യെ​ങ്കി​ലും മാ​റ്റ​മു​ണ്ടാ​യി​ല്ല. ഇ​തി​നി​ടെ ഭ​ർ​ത്താ​വ് കൂ​ടി ന​ഷ്ട​പ്പെ​ട്ട​തോ​ടെ പ​റ​ക്ക​മു​റ്റാ​ത്ത മ​ക്ക​ളു​മൊ​ത്ത് സീ​ന​ത്ത് ഒ​റ്റ​ക്കാ​യി. സ​ർ​ക്കാ​റി​ന്‍റെ സ്വാ​ശ്ര​യ പ​ദ്ധ​തി​യി​ൽ​ ഇ​ട​ക്ക് ധ​ന​സ​ഹാ​യം ല​ഭി​ച്ചി​രു​ന്നു. വീ​ടി​നാ​യി മു​ഖ്യ​മ​ന്ത്രി​യു​ടെ ന​വ​കേ​ര​ള സ​ദ​സ്സ് ജി​ല്ല​യി​ലെ​ത്തി​യ​പ്പോ​ൾ നേ​രി​ട്ട് പ​രാ​തി ന​ൽ​കി​യെ​ങ്കി​ലും ഇ​തു​വ​രെ​യും ന​ട​പ​ടി​യൊ​ന്നു​മു​ണ്ടാ​യി​ല്ലെ​ന്ന് സീ​ന​ത്ത് പ​റ​യു​ന്നു. മ​ക​ന്‍റെ ഈ ​അ​വ​സ്ഥ​മൂ​ലം വാ​ട​ക​വീ​ട് പോ​ലും ല​ഭി​ക്കാ​ത്ത സ്ഥി​തി​യാ​ണ്. ഉ​ള്ള സ്ഥ​ല​ത്ത് മ​ക്ക​ളെ​യും കൊ​ണ്ട് ക​ഴി​യാ​ൻ അ​ട​ച്ചു​റ​പ്പു​ള്ള ഒ​രു വീ​ടാ​ണ് സീ​ന​ത്തി​ന്‍റെ ആ​വ​ശ്യം.