ലഹരിക്കെതിരെ നെല്ലിയാമ്പതിയിൽ ‘യെല്ലോ ലൈൻ’ കാമ്പയിൻ

നെ​ല്ലി​യാ​മ്പ​തി: പു​ക​യി​ല ര​ഹി​ത നി​യ​മ പ്ര​കാ​രം നെ​ല്ലി​യ​ാമ്പ​തി​യി​ലെ നാ​ല് വി​ദ്യാ​ഭ്യാ​സ സ്ഥാ​പ​ങ്ങ​ളെ​യും പു​ക​യി​ല ര​ഹി​ത വി​ദ്യാ​ല​യ​ങ്ങ​ളാ​യി ഉ​യ​ർ​ത്താനായി ഗ്രാ​മ​പ​ഞ്ചാ​യ​ത്തി​ന്റെ​യും പ്രാ​ഥ​മി​ക ആ​രോ​ഗ്യ കേ​ന്ദ്ര​ത്തി​ന്റെ​യും ആ​ഭി​മു​ഖ്യ​ത്തി​ൽ ‘യെ​ല്ലോ ലൈ​ൻ’ കാ​മ്പ​യി​ൻ ന​ട​ത്തി.

വി​ദ്യാ​ല​യ​ത്തി​ന്റെ പു​റം മ​തി​ലി​ൽ നി​ന്ന് 100 യാ​ർ​ഡ് അ​ക​ലെ വ​രെ പു​ക​വ​ലി​യും മ​റ്റു പു​ക​യി​ല ഉ​ൽ​പ​ന്ന​ങ്ങ​ളും ഉ​പ​യോ​ഗി​ക്കാ​ൻ പാ​ടി​ല്ലെ​ന്നും വി​ദ്യാ​ല​യ​പ​രി​സ​ര​ത്തു​ള്ള റോ​ഡു​ക​ളി​ൽ 100 യാ​ർ​ഡ് അ​ക​ലെ റോ​ഡി​ന് കു​റു​കെ ‘പു​ക​യി​ല നി​രോ​ധി​ത മേ​ഖ​ല’ എന്ന് മ​ഞ്ഞ നി​റ​ത്തി​ൽ മാ​ർ​ക്ക് ചെ​യ്യു​ന്ന​താ​ണ് കാ​മ്പ​യി​ൻ.

ഈ ​നി​രോ​ധി​ത മേ​ഖ​ല​യി​ലെ പു​ക​വ​ലി​യോ പു​ക​യി​ല ഉ​ൽ​പ​ന്ന​ങ്ങ​ൾ ഉ​പ​യോ​ഗി​ക്കു​ക​യോ വി​ൽ​ക്കു​ക​യോ ചെ​യ്താ​ൽ, 2003ലെ ​വ​കു​പ്പ് 4 പ്ര​കാ​രം (കോ​ട്പ) 200 രൂ​പ പി​ഴ സ്പോ​ട്ട് ഫൈ​ൻ ആ​യി ഇ​ടാ​ക്കു​ന്ന​താ​ണ്. ഹെ​ൽ​ത്ത്‌ ഇ​ൻ​സ്‌​പെ​ക്ട​ർ, പൊ​ലീ​സ് സ​ബ് ഇ​ൻ​സ്‌​പെ​ക്ട​ർ, എ​ക്‌​സൈ​സ് ഇ​ൻ​സ്‌​പെ​ക്ട​ർ തു​ട​ങ്ങി​യ ഉ​ദ്യോ​ഗ​സ്ഥ​ർ​ക്ക് സ്കൂ​ൾ പ​രി​സ​ര​ത്തും കൂ​ടാ​തെ പൊ​തു​സ്ഥ​ല​ത്തും പു​ക​വ​ലി ക​ണ്ടാ​ൽ സ്പോ​ട്ട് ഫൈ​ൻ ന​ൽ​കു​വാ​നും കേ​സ് എ​ടു​ക്കു​വാ​നും നി​യ​മ പ്ര​കാ​രം അ​ധി​കാ​ര​മു​ണ്ട്.

സീ​താ​ർ​കു​ണ്ട് എ​ൽ.​പി സ്കൂ​ൾ, ച​ന്ദ്രാ​മ​ല എ​സ്റ്റേ​റ്റ് എ​ൽ.​പി സ്കൂ​ൾ, പോ​ത്തു​പാ​റ മ​ണ​ലാ​രൂ എ​സ്റ്റേ​റ്റ് എ​ൽ.​പി സ്കൂ​ൾ, പാ​ട​ഗി​രി പോ​ള​ച്ചി​റ​ക്ക​ൽ ഹ​യ​ർ സെ​ക്ക​ൻ​ഡ​റി സ്കൂ​ൾ എ​ന്നീ വിദ്യാലയങ്ങളാണ് പദ്ധതിക്ക് കീഴിൽ വരികയെന്ന് ഹെ​ൽ​ത്ത്‌ ഇ​ൻ​സ്‌​പെ​ക്ട​ർ ജെ. ​ആ​രോ​കി​യം ജോ​യ്സ​ൺ അ​റി​യി​ച്ചു.