തൂത റോഡ് നവീകരണം ഇഴഞ്ഞു തന്നെ; അപകട ഭീഷണി ഒഴിഞ്ഞില്ല
text_fieldsകോങ്ങാട്: മുണ്ടൂർ-തൂത പാത നവീകരണം ഇഴഞ്ഞതോടെ റോഡിലെ പോരായ്മകൾ അപകടക്കെണിയാവുന്നു. രാത്രി കാലങ്ങളിൽ പെരിങ്ങോട്, അഴിയന്നൂർ, പാറശ്ശേരി എന്നി സ്ഥലങ്ങൾ ഉൾപ്പെടെ റോഡിൽ കുഴി നിറഞ്ഞ ഭാഗവും നവീകരണ പ്രവർത്തി ആരംഭിച്ച സ്ഥലങ്ങളിലും അവ പൂർത്തികരിക്കാത്തതും വിനയായി. റോഡ് പണി പുരോഗമിക്കുന്ന കാലയളവിൽ ഈ മേഖലയിൽ ഒരു വീട്ടമ്മയുൾപ്പെടെ മൂന്ന് പേരാണ് എട്ട് മാസത്തിനിടെ റോഡപകടങ്ങളിൽ മരിച്ചത്. പരിക്കേറ്റവർ 35 ലധികം വരും.
പണിക്കായി പൊളിച്ചിട്ട റോഡ് പാതി ഭാഗത്ത് മാത്രമാണ് മെറ്റലിട്ട് നിരത്തിയത്. ഇത്തരമൊരു അവസ്ഥയും മെറ്റലിളകിയ സ്ഥലങ്ങളിൽ ഇരുചക്രവാഹനങ്ങൾ അപകടത്തിനിരയാവുന്നത് പതിവായി. അതേസമയം, മുണ്ടൂർ-തുത റോഡ് പ്രതലം പുതുക്കുന്ന പ്രവർത്തിയും അനുബന്ധ ജോലികളും ഡിസംബർ ഒന്നിനകം പൂർത്തിയാക്കുമെന്നാണ് റോഡ് നവീകരണ ചുമതലയുള്ള കെ.എസ്.ടി.പി എൻജിനിയറിങ് വിങ് പറയുന്നത്.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.